ئاپتونوم رايونىمىز مۇشۇ ئايدىن باشلاپ خوتەن ۋىلايىتىدە ۋىلايەتنى ئەمەلدىن قالدۇرۇپ ، شەھەر تەسىس قىلىشنى ئومۇميۈزلۈك يولغا قويغان بولۇپ، بۇ شىنجاڭنىڭ تۇرپان ، قۇمۇل ۋىلايىتىنى ئەمەلدىن قالدۇرۇلۇپ شەھەر تەسىس قىلغاندىن كېيىنكى ،يەنە بىر ۋىلايەتنى ئەمەلدىن قالدۇرۇپ ، شەھەر تەسىس قىلىشى ھېسابلىنىدۇ .
خوتەن ئۇچۇر تورىدا كۆرسىتىلىشىچە، 5 - مارت خوتەن ۋىلايىتى ۋىلايەتنى ئەمەلدىن قالدۇرۇپ ، شەھەر تەسىس قىلىش سەپەرۋەرلىك يىغىنى ئېچىپ ، بۇ خىزمەتنى ئومۇميۈزلۈك باشلىدى .
خوتەن ۋىلايەتلىك پارتكومنىڭ شۇجىسى يەن گو سەن سەپەرۋەرلىك يىغىنىدا مۇنداق دەپ كۆرسەتتى : ۋىلايەتنى ئەمەلدىن قالدۇرۇپ ، شەھەر تەسىس قىلىش خىزمىتى ، ئاپتونوم رايونلۇق پارتكومنىڭ ئومۇمىي ۋەزىيەتنى نەزەردە تۇتۇپ ،ھالقىما تەرەققىياتىنى ئىلگىرى سۈرۈشتىكى ئىستراتېگىيەلىك تەدبىر. ھەر دەرىجىلىك پارتكوم ۋە ھۆكۈمەتلەر بۇنىڭغا يۈكسەك دەرىجىدە ئەھمىيەت بېرىشى كېرەك.
تۈنۈگۈن يەنى 3-ئاينىڭ 9-كۈنى خوتەن ۋىلايەتلىك پارتكومنىڭ مۇئاۋىن شۇجىسى ، مەمۇرىي مەھكىمىنىڭ ۋالىيسى ئېزىز مۇسا مۇخبىرنىڭ زىيارىتىنى قوبۇل قىلىپ مۇنداق دېدى : خوتەن ۋىلايىتى نۆۋەتتە ۋىلايەتنى ئەمەلدىن قالدۇرۇپ ، شەھەر تەسىس قىلىش خىزمىتىنى پائال قانات يايدۇرۇۋاتىدۇ . بۇنىڭدا بىز تۇرپان، قۇمۇلنىڭ مۇۋەپىقيەتلىك تەجرىبىلىرىنى ئۆرنەك قىلىپ خوتەن ۋىلايىتىدىكى 2مىليون نوپۇسنىڭ تۇرمۇش شارائىتىنى ياخشىلاش بىلەن بىرگە، خوتەن ۋىلايىتىنىڭ تېز تەرەققىي قىلىش ، خوتەن مەمۇرىي رايون ئايرىمىسىنى تەسىس قىلىش تەڭشەش ، سەرخىللاشتۇرۇش ، رايونلار تەرەققىياتىنى بىر تۇتاش پىلانلاش , يەرلىك مەمۇرىي مۇناسىۋىتىنى راۋانلاشتۇرۇپ ، ئىقتىساد ، جەمئىيەتنىڭ ئىمكانىيەتلىك سىجىل تەرەققىياتى، خوتەننىڭ ئىجتىمائىي مۇقىملىق ۋە ئەبەدىي ئەمىنلىكنى ئەمەلگە ئاشۇرۇشتا ناھايىتى زور ھەم چوڭقۇر ئەھمىيەتكە ئىگە .
ۋىلايەتنى ئەمەلدىن قالدۇرۇپ ، شەھەر تەسىس قىلىنغاندىن كېيىن ، ئەڭ يادرولۇق ، ئەڭ مۇھىم ئۆزگىرىش شۇكى ، قانۇن چىقىرىش ھوقۇقى بولىدۇ . ئاپتونوم رايونلۇق پارتكوم ئىسلاھات ئىشخانىسى ، ئىجتىمائىي ئىشلار ۋە مەدەنىيەت تۈزۈلمىسى ئىسلاھاتى باشقارمىسىنىڭ باشلىقى گۇ خۇاشياڭ مۇنداق دېدى : ۋىلايەتنى ئەمەلدىن قالدۇرۇپ ، شەھەر تەسىس قىلىش خىزمىتى مەركەز شىنجاڭنى ئىدارە قىلىش تاكتىكىسى ۋە ئىسلاھاتنى ئومۇميۈزلۈك چوڭقۇرلاشتۇرۇشنىڭ تولۇق گەۋدىلەندۈرلىشى . ۋىلايەتنى ئەمەلدىن قالدۇرۇپ ، شەھەر تەسىس قىلىش، جەمئىيەت باشقۇرۇش ئاپپاراتلىرىنى مۇكەممەللەشتۈرۈش ۋە كۈچەيتىش ، ئاساسىي قاتلام ھاكىمىيىتى،رايون مەركىزىي شەھەر قۇرۇلۇشىنى باشقۇرۇش سەۋىيەسىنى ئۆستۈرۈشكە پايدىلىق . شۇنداقلا يىپەك يولى ئىقتىساد بەلبېغى يادرولۇق رايونى قۇرۇش ئىستراتېگىيەلىك پۇرسىتىنى چىڭ تۇتۇپ ، شىنجاڭنىڭ رايون ئىقتىسادىي تەرەققىياتىنىڭ جىددىي ئېھتىياجىنى ئىلگىرى سۈرۈش ، شۇنداقلا ئاز سانلىق مىللەت رايونلىرىنىڭ تەرەققىياتىنى تېزلىتىش ، مىللەتلەر ئىتتىپاقلىقىنى ئىلگىرى سۈرۈش , قوغداش ، ئىجتىمائىي مۇقىملىقنى ساقلاشنىڭ جىددىي ئېھتىياجى .
ئىسلاھاتنىڭ چوڭقۇر تەرەققىي قىلىشىغا ئەگىشىپ، ۋىلايەت دەرىجىلىك شەھەرلەر دىن تۇرپان، قۇمۇل شەھىرى ئارقا-ئارقىدىن قۇرۇلۇش بىلەن بىرگە يەنە قېپقالغان رايونلار ۋىلايەتنى ئەمەلدىن قالدۇرۇپ ، شەھەر تەسىس قىلىنىدۇ . بۇ ئىسلاھاتنى چوڭقۇرلاشتۇرۇپ ، باشلامچى رايونلارنى ئۈلگە قىلىپ زور نەتىجىلەرنى قولغا كەلتۈرۈشكە يېتەكلەشتە زور ئەھمىيەتكە ئىگە .
