سىنا تورى خەۋىرى، :
يەر شارى تورى ئۇنىۋېرسال خەۋىرىدە، 2011-يىلى، ئامېرىكا ئالاھىدە قىسىمى بازا تەشكىلاتىنىڭ ئالدىنقى رەھبىرى بىن لادىننى ئېتىپ ئۆلتۈرگەن ھەمدە بىر يوشۇرۇن گەمىدىن 113 پارچە ئارخىپنى قولغا چۈشۈرگەن، دېگەن.
ئامېرىكا ئاخبارات ۋاستىلىرى 1-مارت ئېرىشكەن ئەڭ يېڭى ھۆججەتتە كۆرسىتىلىشىچە، بىن لادىن بىر پارچە ۋەسىيەتنامىدە 29 مىليون ئامېرىكا دوللىرى شەخسىي مۈلكىنى مىراس قىلىپ قالدۇرۇپ، كۆپ قىسىم پۇلنى يەر شارى مىقياسىدا داۋاملىق ئۇرۇش قىلىشقا ئىشلىتىشنى تەلەپ قىلغان.
ئامېرىكا ئارمىيەسى 2011-يىلى بىن لادىننىڭ پاكىستاندىكى ئاببوتئاباد تۇرالغۇسىغا تۇيۇقسىز ھۇجۇم قوزغاپ بىن لادىننى ئېتىپ ئۆلتۈرگەن، ھەمدە بۇ ۋەسىيەتنامىنى ئۆز ئىچىگە ئالغان ھۆججەتلەرنى قولغا چۈشۈرگەن.
دوكلاتتا دېيىلىشىچە، بىن لادىن ئائىلىسىدىكىلەرنى «ۋەسىيەت» كە ئەمەل قىلىش ھەمدە ئۆزىنىڭ مىراسنى «غازات» قا ئىشلىتىشكە دەۋەت قىلغان.
بىن لادىننىڭ بىر پارچە خېتىدە، بىن لادىن ئۆزىنىڭ ئاتىسىدىن ئۆزى ئۆلگەندىن كېيىن ئايالى ۋە بالىلىرىدىن خەۋەر ئېلىپ قويۇشنى تەلەپ قىلغان. ئۇچۇردا كۆرسىتىشىچە، بىن لادىن ئەينى چاغدا ئۆزىگە ئۆلۈم خەۋپى يېتىپ كەلگەنلىكىنى تولۇق ھېس قىلغان.
بىن لادىن خېتىدە: «ئەگەر مەن ئۆلتۈرۈلسەم، مەن ئۈچۈن كۆپ تىلاۋەت قىلىڭلار، داۋاملىق مېنىڭ نامىمدا خەير-ساخاۋەت قىلىڭلار، چۈنكى مەن مەڭگۈ تۇرىدىغان جايىمدا شۇلارغا ئېھتىياجلىق بولىمەن» دېگەن.
گەرچە بىن لادىن ئۆزىمىزنىڭ مىراسىنى سۇداندا دېگەن بولسىمۇ، بىراق تەكشۈرگۈچى خادىم بۇ مىراسنىڭ نەق پۇل ياكى باشقا مال-مۈلۈك شەكلىدە ساقلانغانلىقىنى ئايدىڭلاشتۇرالمىدى، شۇنداقلا بۇ مىراسىنىڭ مىراس ۋارىسىغا تاپشۇرۇلغانلىقىنى بىلەلمىدى. ئىگىلىنىشىچە، بىن لادىن 1990-يىللىرى سۇدان ھۆكۈمىتىنىڭ مېھمىنى بولۇش سۈپىتى بىلەن، سۇداندا 5 يىل تۇرغان.
ئەڭ يېڭى ئاشكارىلانغان باشقا خەت-چەكلىرىدە، بىن لادىن يەنە غەرب دۆلەتلىرىنىڭ تېررورلۇققا قارشى تۇرۇش ئۇرۇشىغا باھا بەرگەن، شۇنىڭدەك ئامېرىكىنىڭ ئافغانىستاندىكى ھەربىي ھەرىكىتىنىڭ ئىلگىرىلەش ئەھۋالىغا دىققەت قىلغان. بىن لادىن خېتىدە مۇنداق دېگەن: «ئۇلارنىڭ قارىشىچە، ئۇرۇش بەك ئاسان، بىرقانچە كۈن ياكى بىرقانچە ھەپتە ۋاقىت ئىچىدە نىشانىنى ئەمەلگە ئاشۇرىمىز دەپ ئويلايدۇ، بىراق بىز سەۋرچان بولۇشىمىز كېرەك. سەۋرچان بولغاندىلا غەلىبە قىلغىلى بولىدۇ».
