ھوللىۋودنىڭ كىنولىرىنى تولا كۆرىدىغانلارغا نىسپەتەن ھەرخىل يالماۋۇز ياكى غەيرى شەكىللىك ئادەملەر ئوبىرازلىرى ئانچە ناتونۇش بىلىنمەيدۇ. فىلىم ئىشلەش تېخنىكىلىرىنىڭ ئۆسۈپ بېرىشىغا ئەگىشىپ ھەرخىل غەيرى مەخلۇقلارنىڭمۇ تەقى-تۇرقىدا ئوبدانلا ئىلگىرلەش بولدى. ھەتتا ئۇلارنىڭ راس-يالغانلىقىنى پەرىقلەندۈرۈشمۇ تەسكە توختىماقتا…
لېكىن ئەپسۇسلىنارلىقى شۇكى، بىز بۇ كىنولارنى كۆرۈش جەريانىدا دائىم باش پېرسوناژ ياكى فىلىم ۋەقەلىكى بىلەنلا بولۇپ كېتىپ، دائىم شۇنداق مەخلۇق ۋە مۇردىلار ئوبىرازلىرىنى ياراتقۇچىلارنى ئۇنتۇپ قالىمىز. كىنونى كۆرۈپ بولغاندىكىن بولسا ئۇلار ھەققىدە ئانچە-مۇنچە مۇلاھىزىمۇ يۈرگۈزمەيمىز. خۇددى ئۇلار بۇ ئوبىرازلارنى يارىتىش ئۈچۈن مۇنداقلا ئىشلەتكەن ياللانما خادىملاردەك. ئەمەلىيەت شۇكى ، ياخشى بىر ئىجابى رولنى ئويناپ، كۆرۈرمەنلەرگە تەسىر قالدۇرۇش قېيىن بولغاندەك. سەلبى بىر ئوبىرازنى ئۇستىلىق بىلەن يارىتىپ كىشىنىڭ غەزەپ-نەپىرىتىنى قوزغاشمۇ ئۇنچە ئاسان ئىش ئەمەس. شۇڭا ئادەتتە تەقى-تۇرقى تونۇغۇسىز ئوبىرازلاردىمۇ يەنىلا داڭلىق چولپانلارنىڭ سايىسى مەۋجۇد بولىدۇ. قېنى تۆۋەندە بىز كۆرۈپ باققان كىنولاردىكى بۇ غەيرىلەرنى زادى كىملەر پەيدا قىلدى كۆرۈپ باقايلى.
