ئەخمەد نىجات: ئىران باراۋەر ئاساستىكى يادرو مەسىلىدە يېرىم قەدەممۇ كەينىگە يانمايدۇ

 ئەسلى تېمىسى: ئىران زۇڭتۇڭى ئەخمەد نىجادنىڭ دېيىشىچە، ئىران باراۋەر ئاساستىكى يادرو مەسىلىسىدە يېرىم قەدەممۇ كەينىگە قايتمايدىكەن
شىنخۇا ئاگېنتلىقى تېھران 2-ئاينىڭ 10-كۈنى تېلېگراممىسى، ئىران زۇڭتۇڭى ئەخمەد نىجادنىڭ 10-چېسلا ئېچىلغان ئىران ئىسلام ئىنقىلابىنىڭ 34 يىللىقىنى تەبرىكلەش مۇراسىمىدا دېيىشىچە، ئىران غەربنىڭ جازاسىغا يۈزلەنگەن بولۇپ، ئۇلار دۆلەتنىڭ مەنپەتىدىكى مۇھىم مەسىلىلەردە يېرىم قەدەممۇ كەينىگە چېكىنمەيدىكەن.
ئەخمەد نىجادنىڭ شۇ كۈندىكى يىغىنغا قاتناشقان ئاممىغا دېيىشىچە، غەرب ئەللىرى ئىراننىڭ يادرو مەسىلىسىنى باھانە قىلىپ، ئىراننى چەكلىمەكچى بولغان بولۇپ، ئەمما ئاخىرىدا ئۇلارنىڭ قىلغىنى مەغلۇبىيەت بىلەن ئاخىرلىشىپتۇ. ئۇنىڭ تەكىتلىشىچە، ئىران ئۈزلۈكسىز تىنچ تەرەققىيات يولىدا ئىلگىرىلەپ ماڭىدىكەن، شۇنىڭ ئۈچۈن ھەر قانداق بىر دۆلەتنىڭ بۇ نۇقتا ئۈستىدە ئىراننى ئەيىبلىشى مۇمكىن ئەمەس ئىكەن.
ئامېرىكا زۇڭتۇڭى جول بايدىننىڭ يېقىندا كۆرسەتكەن ئىران مەسىلىسىدىكى مۇھىم نۇقتىلار تىلغا ئېلىنغان بولۇپ، بۇنىڭغا نىسبەتەن ئەخمەد نىجادنىڭ دېيىشىچە، ئىران تەرەپنىڭ تەھدىت ۋە بېسىم ئاستىدا ئامېرىكا تەرەپ بىلەن سۆھبەت ئۆتكۈزۈشى مۇمكىن ئەمەس ئىكەن. ئۇنىڭ دېيىشىچە، ئادىللىق ۋە ئۆز-ئارا ھۆرمەتلەش ئاساسى ئاستىدا، ئەگەر ئامېرىكا قورال كۆتۈرۈپ ئىرانغا بېسىم ئىشلەتمىسىلا، ئىران تەرەپ ئامېرىكا بىلەن سۆھبەت ئۆتكۈزۈشكە قوشۇلىدىكەن.
ئىراندىكى نەچچە ئون مىڭ ئامما 10-چېسلا تېھران ئەركىنلىك مەيدانىغا يىغىلىپ ئىران ئىسلام ئىنقىلابىنىڭ 34 يىللىقىنى تەبرىكلەپتۇ. كىشىلەر دۆلەت بايرىقى بىلەن ئىراننىڭ مەنىۋى داھىيسى خامىنەيى ۋە ئىراننىڭ ھازىرقى زۇڭتۇڭى ئەخمەد نىجادنىڭ رەسىمىنى كۆتۈرۈپ، توختىماستىن ئامېرىكا بىلەن ئىسرائىلىيىگە قارشى نارازىلىق پائالىيىتى ئېلىپ بېرىپتۇ. شۇنىڭ بىلەن تەڭ ئىسپىھان، شىراز قاتارلىق شەھەرلەردە ئوخشاشلا ئىران ئىنقىلابىنىڭ 34 يىللىقىنى تەبرىكلەش پائالىيىتى ئۆتكۈزۈلۈپتۇ.
2-ئاينىڭ 11-كۈنى بولسا ئىران ئىسلام ئىنقىلابىنى تەبرىكلەش كۈنى بولۇپ ھېسابلىنىدىكەن. 1979-يىلى 2-ئاينىڭ 1-كۈنى، ئىران ئىسلام ئىنقىلابىنىڭ يول باشچىسى ئاشىم چەتئەلدىكى سەرگەردانلىق ھاياتىنى ئاخىرلاشتۇرۇپ ئىرانغا قايتىپ كېلىپتۇ. ئون كۈندىن كېيىن، ياۋرۇپاپەرەس بالىۋېي خانىدانلىقى ئاغدۇرۇپ تاشلىنىپتۇ. شۇنىڭ بىلەن تەڭ 4-ئاينىڭ 1-كۈنى، ئىراندا رەسمىي ئىسلام جۇمھۇرىيىتى قۇرۇلۇپتۇ.