ئىشىنىمەنكى تورداشلار كىنو ياكى تېلېۋىزىيە تىياتىرلىرىدا ھەر خىل شەكىلدىكى ساقچى ماشىنىلىرىنىڭ تاشيولدا ماشىنا قوغلىغان كۆرۈنۈشلىرىنى كۆرگەن. ئۇنداقتا، ئېكراندىكى بۇنداق چوڭ ھەم ھەيۋەت ساقچى ماشىنىلىرى ئەمەلىيەتتە بارمۇ؟ ئەلۋەتتە بار!
دۆلىتىمىزدە بىر قىسىم ھەشەمەتلىك ساقچى ئاپتوموبىللىرى سەپلەنگەن بولسىمۇ، سانتانا، سانتانا-2000، جېتتا قاتارلىق دائىم ئىشلىتىلىدىغان ساقچى ماشىنىلىرىغا سېلىشتۇرغاندا، سانى ناھايىتى ئاز.
ماساراتى، خاممېرغا ئوخشاش ئالىي دەرىجىلىك ساقچى ماشىنىلىرىنىڭ سانى بەكلا ئاز بولۇپ، كۈندىلىك تۇرمۇشتا ئۇلارنىڭ سايىسىنىمۇ كۆرگىلىمۇ بولمايدۇ. ئەمەلىيەتتە بۇ خىل ساقچى ماشىنىلىرى پەقەت ئالاھىدە ۋەزىپە ئۆتىگەندىلا يولغا چىقىدۇ. ياپونىيەدە ساقچى ماشىنىلىرىغا ئاساسىي جەھەتتىن NISSAN نىڭ GTR يۈرۈشلۈك ماشىنىلىرى سەپلەنگەن.
ياپونىيەنىڭ ھەرقايسى جايلىرىدىكى چارلاش ساقچى ماشىنىلىرى بىردەك ئەمەس بولۇپ، ئاساسەن تويوتا، نىسسان، دايخاتسۇ، سۇزۇكى قاتارلىق ياپون ماشىنىلىرىدىن تەركىب تاپقان. مەسىلەن: دائىم ئۇچرايدىغانلىرىدىن تويوتا خانتاج ئاپتوموبىلى نىسبەتەن كۆپ بولۇپ، بەزىدە ئالاھىدە ھەشەمەتلىك ساقچى ماشىنىلىرىمۇ ئۇچراپ قالىدۇ.
خوندا NSX ياپونىيەنىڭ ئالدىنقى قاتاردا تۇرىدىغان پۇقراۋى مۇسابىقە ئاپتوموبىلى بولۇپ، بۇ ئاپتوموبىلنىڭ بازار باھاسى 10 مىليون ياپونىيە يىنى (تەخمىنەن 600 مىڭ يۈەن). خوندا شىركىتى 1992-يىلى ۋە 1999-يىللىرى Tochigi-ken ناھىيىسىگە بۇ خىل ئاپتوموبىلنى سوۋغا قىلغان. ئەپسۇسلىنارلىقى شۇكى، بىرىنچى ئەۋلاد NSX چارلاش ئاپتوموبىلى چارلاش جەريانىدا ۋەقەگە ئۇچرىغان.
