يېقىندا ئېلان قىلىنغان ئەڭ يېڭى تەتقىقات دوكلاتىدا كۆرسىتىلىشىچە، ئامېرىكىدىكى كىرىمى ئەڭ يۇقىرى 10 تولۇق كۇرس كەسپى ئىچىدە 9 ى قۇرۇلۇش تۈرىدىكى كەسىپ ئىكەن. پەقەت دورىگەرلىك كەسپىلا قۇرۇلۇش تۈرىگە كىرمەيدىكەن. 

دوكلاتتا 137 خىل كەسىپتىكى كىشىلەرنىڭ خىزمەت ھاياتىدىكى ئومۇمىي كىرىمىگە قارىتا ئانالىز ئېلىپ بېرىلغان بولۇپ، كىرىمى ئەڭ يۇقىرى 10 تولۇق كۇرس كەسپى ئىچىدە دورىگەرلىك كەسپىدىكىلەرنىڭ يىللىق ئوتتۇرىچە كىرىمى 113 مىڭ ئامېرىكا دوللىرىغا يېتىدىكەن. باشقا 9 خىل كەسىپ ئىچىدە، نېفىت كەسپىنىڭ يىللىق ئوتتۇرىچە كىرىمى 136 مىڭ ئامېرىكا دوللىرى، مېتاللورگىيە كەسپىنىڭ يىللىق ئوتتۇرىچە كىرىمى 98 مىڭ ئامېرىكا دوللىرى، كانچىلىق كەسپىنىڭ يىللىق ئوتتۇرىچە كىرىمى 96 مىڭ ئامېرىكا دوللىرى، خىمىيە سانائىتى كەسپىنىڭ يىللىق ئوتتۇرىچە كىرىمى 96 مىڭ ئامېرىكا دوللىرى، ئېلېكتىر كۈچى كەسپىنىڭ يىللىق ئوتتۇرىچە كىرىمى 93 مىڭ ئامېرىكا دوللىرى، ئاۋىياتسىيە ئالەم قاتنىشى كەسپىنىڭ يىللىق ئوتتۇرىچە كىرىمى 90 مىڭ ئامېرىكا دوللىرى، ماشىنىسازلىق كەسپىنىڭ يىللىق ئوتتۇرىچە كىرىمى 87مىڭ ئامېرىكا دوللىرى، كومپيۇتېر كەسپىنىڭ يىللىق ئوتتۇرىچە كىرىمى 87 مىڭ ئامېرىكا دوللىرى، گېئولوگىيە ۋە يەرشارى فىزىكىسى كەسپىنىڭ يىللىق ئوتتۇرىچە كىرىمى 87 مىڭ ئامېرىكا دوللىرىغا يېتىدىكەن.

كىرىمى ئەڭ تۆۋەن بولغان كەسىپلەر سەنئەت، مائارىپ، مەھەللە مۇلازىمىتى قاتارلىق كەسىپلەر ئىكەن. ئوقۇش يېشىغا توشمىغان بالىلار مائارىپى كەسپى بىلەن شۇغۇللانغۇچىلارنىڭ ئوتتۇرا مەزگىلدىكى يىللىق ئوتتۇرىچە كىرىمى 39 مىڭ ئامېرىكا دوللىرى بولۇپ، ئەڭ ئارقىدا تۇرىدىكەن.