ئادەتتە كىچىك بالىلارغا قىزىل چىقىپ قاپتۇ دەپ ئاڭلايمىز، بۇ كىسەل قىزىل كىسىلى ۋېروسى تەرىپىدىن كېلىپ چىققان ئۆتكۈر خاراكتىرلىك نەپەسلىنىش يولى يۇقۇملۇق كېسىلى بولۇپ ، تۆت پەسىلنىڭ خالىغان ۋاقتىدا يۈز بىرىش مۇمكىنچىلىكى بار. بولۇپمۇ ، قىش ئاخىرىدا ، ئەتىياز باشلىنىشىدا كۆپرەك ئۇچرايدۇ.

          تۇغۇلۇپ ئالتە ئاي ئىچىىدكى بالىلار ئانا سۈتى ئارقىلىق ئانا تەرىپىدىن كېسەللىككە قارشى تۇرۇش كۈچىگە ئىگە بولۇپ، كېسەللىككە ئاسان گرىپتار بولمايدۇ . قىزىل كىسىلىگە بىر قىتىم گرىپتار بولغاندىن كىيىن ، ئۆزلۈكىدىن ئىممۇنىت كۈچىگە ئىگە بولۇپ، بۇنىڭدىن كىيىن بۇ كىسەلگە قايتا گرىپتار بولمايدۇ.

          مەزكۇر كىسەلگە گرىپتار بولغان بىمارنىڭ ئېغىز ، بۇرۇن ھەم كۆز شىللىق پەردىلىرىدىكى ماددىلاردا كىسەللىك قوزغاتقۇچى ۋېروسلار بولۇپ، قىزىل چىقىشنىڭ ئالدى كەينىدىكى بەش كۈن ئىچىدە ، نەپەسلىنىش يولىدىكى چاچراندىلار بىلەن باشقىلارغا كېسەل يۇقتۇرۇپ قويۇشى مۇمكىن . كېسەللىك ئالامىتى ئېغىر بولغانلار زۇكامغا ئوخشاپ قالىدۇ.

          كېسەللىك ئالامەتلىرى تۆۋەندىكىچە ؛ بىمارنىڭ بەدەن تىمچراتۇرىسى 39-40 گرادۇسقا چىقىپ، ، كۆز ئەتراپى ياللۇغلىنىشى مۇمكىن، تېرىدە قىزىل داغلىق دۆڭچە ئەسۋە ھەم قوۋۇز شىللىق پەردىسىدە كۈل رەڭ ئاقۇچ رەڭلىك يىڭنە ئۇچسىمان داغلار پەيدا بولىدۇ، كېسەللىك ئالامىتى ئېغىر بولغانلاردا قانسىمان تېرە تاشمىسى پەيدا بولىدۇ، شۇنىڭ بىلەن بىرگە شىللىق پەردىدىن قان چىقىش، ھەم ئۆپكە ياللۇغى قاتارلىق ئەگەشمە كىسەللىكلەر كۆرۈلىدۇ. قان ئايلىنىش سېستىمىسى ئاجىزلاشقاندا ، تېرە تاشمىسى تېرە يۈزىگە چىققاندىن كېيىن ، بەدەن تىمپراتۇرىسى بارا-بارا ئەسلىگە قايتىپ نۇرماللىشىدۇ، تېرە تاشمىسىمۇ بارا-بارا يوقاشقاباشلايدۇ، ئاخىرىدا سۇس قوڭۇر رەڭلىك داغ قىپقىلىپ 2-4 ھەپتە ئىچىدە يوقاپ كېتىدۇ.

 مەنبە ؛ بالىلار تۇرمۇشى ۋە ساغلاملىق