ئىچكىرىدىكى شىنجاڭ تولۇق ئوتتۇرا سىنىپلىرى، ئوتتۇرا تېخنىكوم سىنىپلىرىدا ئوقۇيدىغان ئوقۇغۇچىلارنىڭ خىزمىتىنى ئىشلەشكە تاللانغان ئوقۇتقۇچىلار بىلەن ئىچكىرىدىكى ئالىي مەكتەپلەرگە ئەۋەتىلىدىغان كادىرلار 13-ئاۋغۇست ئۈرۈمچى شەھەرلىك 67-ئوتتۇرا مەكتىپىدە تەربىيەلىنىشكە باشلىدى.

ئۇقۇشىمچە، جايلاردىن كەلگەن 380نەچچە ئوقۇتقۇچى ۋە كادىر ئوقۇش جەريانىدا پارتىيەنىڭ مىللەت ۋە دىن سىياسىتى، ئاپتونوم رايونىمىزنىڭ نۆۋەتتىكى ۋەزىيىتى، ئىچكىرى ئۆلكىلەردىكى شىنجاڭ تولۇق ئوتتۇرا سىنىپلىرى، ئوتتۇرا تېخنىكوم سىنىپلىرىغا ئالاقىدار سىياسەت-بەلگىلىمىلەر قاتارلىق مەزمۇنلاردا دەرس ئاڭلايدىكەن.كۇرس ئاخىرلاشقاندا ئاپتونوم رايونلۇق مائارىپ نازارىتى تەربىيەلەشكە قاتناشقان ئوقۇتقۇچى، كادىرلارنى تەكشۈرۈپ باھالاپ، لاياقەتلىك بولغانلارنى تۈركۈمگە بۆلۈپ ئىچكىرىدىكى مەكتەپلەرگە ئەۋەتىدىكەن.ئاپتونوم رايونىمىز 2000-يىلىدىن ئېتىبارەن ئىچكىرىدىكى شىنجاڭ تولۇق ئوتتۇرا سىنىپلىرىغا 11تۈركۈمدە 1113ئوقۇتقۇچى، ئالىي مەكتەپلەرگە بەش تۈركۈمدە 352كادىر، ئىچكىرىدىكى شىنجاڭ ئوتتۇرا تېخنىكوم سىنىپلىرىغا ئىككى تۈركۈمدە 122ئوقۇتقۇچى ئەۋەتكەن.