App Store دا باھا تەڭشەش جۇڭگونى ئۆز ئىچىگە ئالمايدۇ

چەتئەل مىدىئالىرىنىڭ خەۋەر قىلىشىچە، ئالما شىركىتى يۇمشاق دىتاللارنىڭ پارچە سېتىش باھاسىدا تەڭشەش ئېلىپ بارماقچى، 24 سائەت ئىچىدە ئۈنۈمى كۆرۈلىدۇ. باھا تەڭشەش دائىرىسى iOS ۋە OS X ئەپ دىتال بازىرىنى ئۆز ئىچىگە ئالىدىغان بولۇپ، نۆۋەتتە بەش دۆلەت بۇ چارىنىڭ تەسىرىگە ئۇچىرايدۇ، ۋاقتىنچە جۇڭگوغا قارىتا چارە قوللىنىلمىغان. ئالما پۈتۈن دۇنيادىكى نۇرغۇنلىغان دۆلەتلەردىكى ئەپ يۇمشاق دىتال تەرەققىي قىلدۇرغۇچىلارغا ئاۋىستىرالىيە دوللىرى، ھىندىستان رۇپىيەسى، ھىندىنوزىيە رۇپىيەسى، تۈركىيە لىراسى ۋە جەنۇبىي ئافىرىقا پۇلى قاتالىق بەش خىل پۇلنى ئۆز ئىچىگە ئالغان رايونلاردا App Store دىكى يۇمشاق دىتاللارنىڭ باھاسىغا قارىتا تەڭشەش ئېلىپ بارىدىغانلىقىنى ئۇقتۇرۇش قىلغان.

ئالمىنىڭ دىيىشىچە، بۇ پىرىۋوت نىسبىتىنىڭ ئۆزگىرىش تەسىرىنى تەڭپۇڭلاشتۈرۈش ئۈچۈن بولۇپ، يېڭى باھا سېستىمىسى 24 سائەت ئىچىدە ئۈنۈمىنى كۆرسىتىدىكەن. ئالما ئىسرائىلىيە شەقىل پۇلىسىدىكى يۇمشاق دىتاللارنىڭ باھاسىنى ئۆسىدىغانلىقى، يېڭى زىنلاندىيە پۇلىسىدىكى يۇمشاق دىتاللارنىڭ باھاسىنىڭ تۆۋەنەليدىغانلىقىنى ئايرىم ئېلان قىلغان.

ئىگەللىنىشىچە، ئالما ئىلگىرى مۇشۇنداق App Store دىكى يۇمشاق دىتاللارنىڭ باھاسىنى تەڭشىگەن، 2011-يىلى فونىستىرلىڭ ئىشلىتىپ باھا بېكىتىلگەن يۇمشاق دىتاللارنىڭ باھاسىنى تەڭشىگەن، 2013-يىلى ياپونىيە يىنىدا باھا بىكىتىلگەن يۇمشاق دىتاللارنىڭ باھاسىنى تەڭشىگەن. ئەمما بۇ قېتىم بەش دۆلەت پۇلىسىغا قارىتا بىراقلا باھا تەڭشەش ئېلىپ بېرىشى تۇنجى قېتىملىق بولۇپ ھېسابلىنىدۇ.