شىنجاڭ تورى خەۋىرى ،مۇخبىرنىڭ ئۈرۈمچى شەھەرلىك مۇھىت ئاسراش ئىدارىسىدىن ئىگىلىشىچە ،5-ئاينىڭ31-كۈنىدىن باشلاپ ئوتتۇرا مەكتەپكە ئۆرلەپ ئوقۇش ئىمتىھانى ئاخىرلاشقىچە ،ئۈرۈمچى ھەرقايسى رايون ناھىيەلىرى كېچىسى قۇرۇلۇش قىلىشقا يول قويۇش ئىجازەتنامىسىنى تەستىقلاپ تارقاتمايدۇ.پۈتۈن ئۈرۈمچى تەۋەسىدە كېچىدە قۇرۇلۇش قىلىش توختىتىلىدۇ.تولۇق ئوتتۇرغا ئۆرلەش ئىمتىھانى ،ئالىي مەكتەپ ئىمتىھانى مەزگىلىدە ھەرقايسى ئىمتىھان نۇقتىلىرىدىن200مېتىر كېلىدىغان ئورۇنلاردىكى قۇرۇلۇشلار بىراق توختىتىلىدۇ.بۇ قائىدىگە خىلاپلىق قىلغان قۇرۇلۇش نۇقتىلىرىغا قارىتا ئەڭ يۇقىرى بولغاندا100مىڭ يۈەن جەرىمانە قويىلىدۇ.ئالىي مەكتەپ ئىمتىھانى يېقىنلاپ كەلگەن مەزگىلدە ،ئۈرۈمچى شەھىرى مۇھىت ئاسراش ئىدارىسى پۈتۈن شەھەر خاراكتىرىدىكى شاۋقۇن سۈرەن پەيدا قىلغۇچى ئورۇنلار ۋە ئىمتىھان نۇقتىلىرىغا قارىتا ئەھۋال ئىگىلەپ، يېشىل ساغلام بولغان ئالىي مەكتەپ ۋە تولۇق ئوتتۇرىغا ئۆرلەش ئىمتىھانى ھەرىكىتى بەلگىلىمىسىنى تۈزۈپ چىققان بولۇپ ،پۈتۈن شەھەر دائىرىسىدە شاۋقۇن سۈرەنلەرنى قاتتىق چەكلەيدۇ .ئىگىلەشلەرگە قارىغاندا ،مۇھىت ئاسراش ئىدارىسى ھازىرغىچە ،ھەرقايسى ئىمتىھان نۇقتىلىرىنىڭ 200مېتىرغىچە بولغان ئەتراپىدىكى شاۋقۇن پەيدا قىلغۇچى نۇقتىلارنى تەكشۈرۈپ بايقاپ ،ھەرقايسى كارخانا قۇرۇلۇش نۇقتىلىرىنىڭ ،كۆڭۈل ئېچىش سارايلىرىنىڭ ،بەش خىل مېتال پىششىقلاپ ئىشلەش نۇقتىلىرى ۋە باشقا شاۋقۇن پەيدا قىلىش ئېھتىماللىقى بولغان بارلىق ئىدارىلارنىڭ خىزمەت ئۇسۇلى ۋە ۋاقتىنى كونترول قىلىشىنى بۇيرۇغان.شەھەرلىك مۇھىت تەكشۈرۈش تارماق ئەترىتىنىڭ مۇئاۋىن ئەترەت باشلىقى يىنجەنروڭنىڭ تونۇشتۇرىشىچە ،ھازىر مۇھىت ئاسراش ئورگانلىرى ئىمتىھان نۇقتىلىرى ئەتراپىدىكى شاۋقۇن پەيدا قىلغۇچى ھەرقايسى ئورۇنلارنى كېچىدىمۇ كۈزىتىۋاتىدۇ .ئىمتىھان ۋاقتىدىمۇ ھەركۈنى تەكشۈرۈپ ،بەلگىلىمىگە خىلاپلىق قىلىدىغان ئورۇن ۋە كارخانىلارنى نەق ۋاقتىدا بىرتەرەپ قىلىدۇ .شۇنىڭ بىلەن بىرۋاقىتتا مۇھىت ئاسراش ئورگانلىرى ھەرقايسى ئىمتىھان بەرگۈچى ئوقۇغۇچىلار ۋە ئاتا-ئانىلارنىڭ مۇشۇنداق بەلگىلىمىگە خىلاپلىق قىلغۇچى ئورۇنلارنى مۇھىت ئاسراش لىنىيىسى12369 گە تېلېفون قىلىپ پاش قىلىشىنى ئەسكەرتىدۇ.