1. پۇرچاق ئۇيۇتمىسىنى كۆپ يېيىش ھەزىمنىڭ ياخشى بولماسلىقىنى كەلتۈرۈپ چىقىرىدۇ. پۇرچاق ئۇيۇتمىسىدا ئاقسىلنىڭ مىقدارى مول بولغاچقا بىر قېتىمدىلا كۆپ يەۋالغاندا تۆمۈرنىڭ بەدەنگە سۈمۈرۈلۈشى توسقۇنلۇققا ئۇچراپلا قالماي، يەنە ئاقسىلنىڭ ھەزىم قىلىنىشىمۇ ناچارلىشىپ قورساق كۆپۈش ۋە ئىچى سۈرۈش ئەھۋاللىرى يۈز بېرىدۇ. ئوتتۇرا ياش ۋە ياشانغانلارنىڭ بۆرەك ئىقتىدارى ئاجىزراق بولىدۇ، ئەگەر بىر قېتىمدا قوبۇل قىلىنغان ئۆسۈملۈك ئاقسىلى كۆپ بولۇپ كەتسە بۆرەكنىڭ يۈكى ئارتىپ، بۆرەك ئىقتىدارىنىڭ چېكىنىشى تېزلىشىپ سالامەتلىككە تەسىر يېتىدۇ.

    2. پۇرچاق ئۇيۇتمىسىنى ئەڭ ياخشىسى يەككە ئىستېمال قىلماسلىق كېرەك. پۇرچاق ئۇيۇتمىسىدا كالتسىينىڭ مىقدارى يۇقىرى بولىدۇ، ئۇنى يەككە ئىستېمال قىلغاندا ئۇنىڭدىكى كالتسىينىڭ بەدەنگە سۈمۈرۈلۈش نىسبىتى تۆۋەن بولۇپ قېلىپ، كالتسىي ئىسراپچىلىقى يۈز بېرىدۇ. ئەگەر پۇرچاق ئۇيۇتمىسى بىلەن تەركىبىدە ۋىتامىن D مول بولغان يېمەكلىكلەرنى بىللە يېگەندە كالتسىينىڭ بەدەنگە سۈمۈرۈلۈش نىسبىتىنى يۇقىرى كۆتۈرگىلى بولىدۇ.

    3. پۇرچاق ئۇيۇتمىسىدا ئوزۇقلۇق تەركىبلەر مول بولسىمۇ، يېمەكلىك تالالىرى ئازراق بولىدۇ. شۇڭا يېمەكلىك تالالىرى مول بولغان كۆكتات ۋە قېرىنقۇلاق (مور)لارنى پۇرچاق ئۇيۇتمىسى بىلەن بىللە ئىستېمال قىلغاندا يېمەكلىك تالالىرى يېتىشمەسلىكنى تولۇقلىغىلى بولىدۇ. بۇنىڭدىن باشقا پۇرچاق ئۇيۇتمىسى پىشۇرغاندا ئازراق لامنارىيە ۋە زىسەي (قىزىل دېڭىز يوسۇنى) قاتارلىق تەركىبىدە يود مىقدارى يۇقىرى دېڭىز مەھسۇلاتلىرىنى قوشۇۋەتكەندە، تېخىمۇ ياخشى ئۈنۈمگە ئېرىشكىلى بولىدۇ.