ئالما شىركىتىنىڭ كىيىنكى ئەۋلاد ئايفونىنىڭ بىز بىلەن يۈز كۆرۈشۈشىگە يەنە ئۈچ ئايغا يىقىن ۋاقىت بار بولسىمۇ، ئەمما، لايىھەلەش جەھەتتە تالانتى بار ئۇستىلار قەتئىي «تەخىر قىلالمىغان»،  قارايدىغان بولساق، ئۇلار بەس-بەس بىلەن بارلىق تەسەۋۋۇر كۈچىنى ئىشقا سېلىپ، ئۆزىنىڭ ئارزۇسىدىكى ئايفوننىڭ لايىھەسىنى ئېلان قىلماقتا.

تۈنۈگۈن، Kiarash Kia ئىسىملىك بىر لايىھە ئۇستىسى iPhone 6S نىڭ يېڭى نۇسخىدىكى ئۇقۇم لايىھەسىنى ئوتتۇرىغا چىقارغان، iPhone 6S نىڭ ئىلگىرى ئوتتۇرىغا چىققان ھەرخىل ئۇقۇم لايىھەلىرى بىلەن ئوخشىمايدىغان يېرى، بۇ قېتىمقىسى 2D يەنى تەكشىلىكتە لايىھەلەنگەن رەسىم بولۇپ، قارىماققا ئانچە راستەك تۇيۇلمايدىكەن.

بۇ رەسىمدىكى iPhone 6S نىڭ ئەڭ چوڭ ئالاھىدىلىكى شۇكى، ئۇنىڭغا ئەتىرگۈل رەڭلىك لايىھە قوللىنىلغان، يانفون گەۋدىسى مېتالدىن ياسالغان، ئېغىرلىقى 140 گىرام، قىلىنلىقى بولسا 7.1 مىللىمېتىر ئىكەن.

Kiarash Kia يەنە بۇ يانفوننىڭ قاتتىق دېتال سەپلىمىسىنىمۇ ئوتتۇرىغا قويغان:

ئۇنىڭ دېيىشىچە، بۇ يانفونغا تىپلىق 5.2 دىيۇم چوڭلۇقىدىكى IPS ئېكران ئىشلىتىلىدىغان بولۇپ، ئېنىقلىق دەرىجىسى 720p گە يېتىدىكەن، A9 تىپلىق بىر تەرەپ قىلغۇچ، ئارقا يۈزىگە 12 مىليون پىكسىللىق ئاساس كامېرا، ئالدى يۈزىگە ئۈچ مىليون 200 مىڭ پىكسىللىق قوشۇمچە كامېرا ئىشلىتىلگەن، باتارىيە سىغىمى 2050 مىللىئامپىرغا يېتىدىكەن.

ئۇزار تورىنىڭ تورداشلارغا دەيدىغىنىمىز، بۇنىڭغا ئوخشاش لايىھە رەسىملىرىنى پەقەت ھوزۇرلىنىش ئۈچۈن كۆرۈپ قويساق بولىدۇ، ئەگەر باشقىچە ئۆزگىرىش بولمىسا، ئۇنداقتا كىيىنكى قەدەمدە ئوتتۇرىغا چىقىدىغان iPhone 6S نىڭ شەكلى ھازىرقى iPhone 6بىلەن ئانچە كۆپ پەرقلەنمەسلىكى مۇمكىن.