ئامېرىكىلىق مۇتەخەسسىسلەر 60 نەچچە مىڭ ئايال ۋە 40 نەچچە مىڭ ئەرنىڭ كۆز ساغلاملىقىنى 30 نەچچە يىل ئىز قوغلاپ تەكشۈرگەندىن كېيىن مۇنداق دېيىشتى:«تەكشۈرۈلگەنلەرنىڭ كۆپىنچىسىدە گلاۋكوما كېسىلى بارلىقىنى بايقىدۇق، بۇ ئۇلارنىڭ كۆك يوپۇرماقلىق كۆكتاتلارنى كۆپ يېمىگەنلىكىنىڭ نەتىجىسى؛ تەتقىقات نەتىجىسى يەنە كۆك يوپۇرماقلىق كۆپ يەپ بەرسە، ياشانغاندا گلاۋكوما كېسىلىگە گىرىپتار بولۇشنىڭ ئالدىنى ئالغىلى بولىدىغانلىقىنى دەلىللىدى».

مۇتەخەسسىسلەر يەنە مۇنداق دېيىشتى:«كۈندە قاتكۆك، پالەك قاتارلىق كۆك يوپۇرماقلىق كۆكتاتلارنى يەپ بەرگەنلەرنىڭ ئوچۇق بۇلۇڭلۇق گلاۋكوما كېسىلىگە گىرىپتار بولۇش ئېھتىماللىقى %20-%30، مەركىزىي كۆرۈش ئىقتىدارىنى يوقاتقان گلاۋكوما كېسىلىگە گىرىپتار بولۇش مۇمكىنچىلىكى %50 دىن تۆۋەن بولىدىكەن. كۆك يوپۇرماقلىق كۆكتاتلاردا نىترات كىسلاتا تۇزى مول، بۇ ماددا كۆرۈش نېرۋىلىرىدىكى قان ئايلىنىشنى ياخشىلايدۇ، گلاۋكوما كېسىلى دەل كۆرۈش نېرۋىلىرىنىڭ زەخىملىنىشىدىن كېلىپ چىقىدۇ».

»ئۈرۈمچى كەچلىك گېزىتى»دىن ئېلىندى