شالۋاقنى ئېغىز بوشلۇقىدىكى ئۈچ شالۋاق بېزى ئاجرىتىپ چىقىرىدۇ . شالۋاقنىڭ يىمەكلىكلەرنى ھەزىم قىلىش ، مىكروب ئۆلتۈرۈشتەك  روللىرى  بار . لىكىن  بوۋاقلارنىڭ  مىڭىسى  تولۇق يىتىلىپ بولالمىغاچقا ، شالۋىقىنى كونتىرول قىلىشى ئاجىز بولىدۇ  ۋە ئېغىز بوشلۇقىنىڭ سىغىمچانلىقى كىچىك ، يۇتۇش ، تەڭشەش رولى ناچار بولغانلىقتىن ئاغزىنىڭ سىرتىغا چىقىرىۋىىتپ قالىدۇ . ياشنىڭ چوڭىيىشىغا  ئەگىشىپ  بۇ خىل ئەھۋال ئۆزلىكىدىن يوقاپ كېتىدۇ . بىراق سۈت چىشى چىقىدىغان چاغدا ، شالۋاق بېزى غىدىقلانغانلىقتىن ، شالۋاق ئاجرىتىپ چىقىرىش مىقدارى ۋاقىتلىق ئاشىدۇ . بۇلارنىڭ ھەممىسى نۇرمال ئەھۋال . لىكىن بەزى كېسەللىكلەر ، مەسىلەن  ؛ ھەر  خىل  سەۋەبلەردىن  بولغان ئېغىز بوشلۇقى ياللۇغى ، تىل ياللۇغى ، يۇتقۇنچاق ياللۇغى قالقانبەز ياللۇغى  قاتارلىقلارغا  گىرىپتار بولغاندىمۇ شالۋاق ئاقىدۇ . كېسەل ساقايغاندىن كىيىن  شالۋاقمۇ ئۆزلىكىدىن توختايدۇ . ئۇزاق مۇددەت  شالۋاق  ئېقىش  بولسا  مىڭە  كىسەللىكلىرى ، مەسىلەن ؛ مىڭە  سېستىمىسى تۇغما تەرەققىي قىلمىغان ، مىڭە ياللۇغى ياكى مىڭە پەردە ياللۇغى قاتارلىقلارنىڭ بىشارىتىدۇر .

          ئۇزاق مەزگىللىك شالى ئىقىش ئىككى جاۋغاينى شەلۋەرلىتىدىغان بولغاچقا ، ئېڭەك كۆپىنچە ھۆل ھالەتتە تۇرغاچقا ، تېرىنى قىزارتىپ ھۆل تەمرەتكە ياكى يۈز تېرىسى شەلۋەرەشنى كەلتۈرۈپ چىقىرىدۇ ھەم باكتىرىيە بىلەن يۇقۇملىنىشنى تىزلىتىۋىتىدۇ . شۇنىڭ ئۈچۈن شۇ جايلارنىڭ قۇرغاق تۇرۇشىغا كاپالەتلىك قىلىش ، دائىم مايلاپ تۇرۇش كېرەك.  

 مەنبە؛ بالىلار تۇرمۇشى ۋە ساغلاملىق