ئۈرۈمچى كەچلىك گېزىتى خەۋىرى:

ئامېرىكىلىق مۇتەخەسىسلەر يېقىندا يۆتەل بولۇپ قالغان 163ئادەمنى ئىختىيارىي تەجرىبە قىلغاندىن كېيىن مۇنداق دېيىشتى: شاكىلاتتىكى كاكائو ئىشقارىنىڭ يۆتەلنى پەسەيتىش رولى بارلىقىنى بايقىدۇق، چۈنكى شاكىلاتتا كاكائو ئىشقارى بولۇپلا قالماستىن، يەنە شاكىلاتنىڭ يېپىشقاقلىقى كۈچلۈك بولغاچقا، كېكىرتەكتىكى نېرۋىدا قوغداش قەۋىتى ھاسىل قىلىپ، يۆتەلنى توسۇيدىكەن،ئۇنىڭ پرىنسىپى ھەسەل بىلەن لىموننىڭ يۆتەلنى توختىتىش پرىنسىپىغا ئوخشايدىكەن. ئىشىنىمىزكى، بۇ بايقاش يېڭىچە يۆتەل توختىتىش دورىسى ياشاشقا ئاساس سالىدۇ، ئۇنىڭ ئۈستىگە شاكىلاتدا نېرۋىنى تورمۇزلاش رولى بولمايدىكەن.

مۇتەخەسىسلەر يەنە مۇنداق دېيىشتى: ئىسسىق شاكىلات سۈيىنىڭ يۆتەل توختىتىش ئۈنۈمى ئانچە ياخشى ئەمەس ئىكەن، چۈنكى ئىسسىق شاكىلاتتا كاكائو ئىشقارى بىلەن كېكىرتەكنىڭ ئۇچرىشىش ۋاقتى قىسقا بولىدىغان بولغاچقا، ئۇنىڭ كېكىرتەكتە قوغداش قەۋىتى ھاسىل قىلىشى تەس بولىدىكەن. شۇڭا شاكىلاتنى ئېغىزغا سېلىپ چايناپ، ئاستا-ئاستا يۈتسە، شاكىلاتنى كېكىرتەكتە قوغداش قەۋىتى ھاسىل قىلىپ، يۆتەلنى پەسەيتىدىكەن، باشقا پايدىلىق ماددىلارمۇ رولىنى جارى قىلدۇرالايدىكەن.