يۇمۇرلار
خوتۇنۇم توردىن كىيىم ئالماقچى بولۇپ، تۇيۇقسىز مەندىن سوراپ قالدى:
جېنىم، بۇ ئىككى چاپاندىن قايسىسىنى تاللىسام بولار؟
ئىككىسىنىڭ باھاسى قانچىكەن؟
ئارانلا 2000 يۈەنكەن.
ئۇزۇن يىللىق تەجرىبىلىرىمگە ئاساسەن خوتۇنۇمغا 2000 يۈەن بەردىم، چۈنكى بۇ جاۋابسىز تاللاش سوئالىنى تولا ئىشلەپ، ماڭا تونۇش بولۇپ كەتكەنىدى.
***
بىر داڭلىق پسىخىك دوختۇرى يەنە بىر پسىخىك دوختۇرىنىڭ يېنىغا كېسەل كۆرسەتكىلى كەپتۇ.
مېنىڭ پسىخىكامدىن مەسىلە چىقتى، داۋالاپ قويسىڭىز.
ئۆزىڭىز داڭلىق پسىخىك دوختۇرى تۇرۇپ...
مېنىڭ نومۇرۇم بەك قىممەتتى.
***
ئەر-خوتۇن جېدەللىشىپ، خوتۇنى ئانىسىنىڭ ئۆيىگە يامانلاپ كېتىپتۇ. ئەر شۇ كۈنىلا بىر مۇنچە سوۋغا-سالاملارنى تەييارلاپ، قېينانىسىنىڭ يېنىغا بېرىپتۇ.
ئانا، رەنجىمەي قىزىڭىزنى ئالدىراپ يولغا سېلىپ قويمىغان بولسىڭىز، مۇمكىن بولسا ئۇزاقراق تۇرغان بولسا.
بۇ نېمە دېگىنىڭىز ئەمدى؟ ئۇنىڭ خۇيىغا چىدىغۇچىلىكىم قالمىغاچقا، ئۇنى سىزگە شۇنداق ئاسانلا بېرىۋەتكەن...
«قانۇنچىلىق گېزىتى»دىن ئېلىندى
