8-ئاينىڭ 6-كۈنى، شىنجاڭ ئۇيغۇر ئاپتونوم رايونلۇق مائارىپ نازارىتى 2015-يىللىق ئىچكىرىدىكى شىنجاڭ تولۇق ئوتتۇرا سىنىپلىرىغا ئوقۇغۇچى قوبۇل قىلىش ئاخبارات ئېلان قىلىش يىغىنى ئۆتكۈزدى، بۇ يىل ئاپتونوم رايونىمىزدىن ئىچكىرىدىكى شىنجاڭ تولۇق ئوتتۇرا سىنىپلىرىغا جەمئىي 9880 ئوقۇغۇچى قوبۇل قىلىنغان بولۇپ، يەرلىكتىن 9530 نەپەر، بىڭتۈەندىن 350 نەپەر ئوقۇغۇچى قوبۇل قىلىنغان. 7-چېسلا ئۈرۈمچى ۋاقتى 22 دىن باشلاپ قوبۇل قىلىش نەتىجىسىنى تەكشۈرگىلى بولىدىكەن.

تونۇشتۇرۇلۇشىچە، بۇ يىل ئاپتونوم رايونىمىزدىكى 40939 نەپەر تولۇقسىز ئوتتۇرىنى پۈتتۈرىدىغان ئوقۇغۇچى ئىچكىرىدىكى شىنجاڭ سىنىپلىرىغا ئىمتىھان بەرگەن بولۇپ، بۇلتۇرقىدىن 4000 نەپەر كۆپ بولغان، بۇ يىل تۇنجى قېتىم توردا تىزىملىتىش يولغا قويۇلغان، ئوقۇغۇچى سۈپىتىگە كاپالەتلىك قىلىش ئاساسىدا جەنۇبى شىنجاڭدىكى تۆت ۋىلايەت ئوبلاستتىكى دېھقان-چارۋىچىلارنىڭ پەرزەنتلىرى ئاساس قىلىنىپ، جەنۇبى شىنجاڭدىكى تۆت ۋىلايەت ئوبلاستتىن جەمئىي 5900 نەپەر ئوقۇغۇچى قوبۇل قىلىنغان بولۇپ، قوبۇل قىلىنغان ئومۇمىي ئوقۇغۇچى سانىنىڭ %59.72 ىنى ئىگىلىگەن، دېھقان-چارۋىچىلارنىڭ پەرزەنتلىرى %77 تىن ئارتۇقىنى ئىگىلىگەن.