ئۈرۈمچى كەچلىك گېزىتى خەۋىرى:

ئەگەر بىمارنىڭ مىزاجى ئىسسىق بولسا، كۈدىنى ئاچچىقسۇ بىلەن قاينىتىپ، سۈيىنى كۈندە بىر قېتىم ئەھۋالغا قاراپ قۇلاققا تېمىتىپ بەرسە، قانىغان قۇلاققا مەنپەئەت قىلىدۇ؛

مۇۋاپىق مىقداردىكى چىغان مۇنچىقىنى قاينىتىپ، تىرىپلىرىنى سۈزۈۋېتىپ، كۈندە بىر قېتىم مۇۋاپىق مىقداردا قۇلاققا تېمىتىپ بەرسە، ياخشى مەنپەئەت قىلىدۇ؛

گۈل يېغىدىن 18 گىرام، تاتلىق بادام يېغىدىن 15 مىللىلىتىر، ئاچچىقسۇدىن 30 مىللىلىتىر ئېلىپ، دورىلارنى ئارىلاشتۇرۇپ ياغ قىسمى قالغۇچە قاينىتىپ، كۈندە ئىككى قېتىم، ھەر قېتىمدا مۇۋاپىق مىقداردا قۇلاققا تېمىتىپ بەرسە، ياخشى مەنپەئەت قىلىدۇ؛

بىمارنىڭ قىزىتمىسى يۇقىرى بولۇپ، مىزاجى ئىسسىق بولسا، قان توختىتىش ئۈچۈن موزىنى سىركىدە قاينىتىپ، بىرئاز كافور قوشۇپ، كۈندە ئىككى قېتىم، ھەر قېتىمدا مۇۋاپىق مىقداردا قۇلاققا تېمىتىپ بەرسە، ياخشى مەنپەئەت قىلىدۇ؛

پاقا يوپۇرمىقى سۈيى ۋە سېمىز ئوت سۈيىگە مۇۋاپىق مىقداردا مامىشا، ئاقاقىيا قوشۇپ، كۈندە بىر قېتىم مۇۋاپىق مىقداردا قۇلاققا تېمىتىپ بەرسە، ياخشى مەنپەئەت قىلىدۇ؛

ناخۇش ئانارنى پۈتۈن ھالدا ئاچچىقسۇدا قاينىتىپ، سۈزۈپ سۈيىنى سىقىپ كۈندە بىر قېتىم، ئەھۋالغا قاراپ قۇلاققا تېمىتىپ بەرسە، ياخشى مەنپەئەت قىلىدۇ؛

ئەگەر قۇلاق ئىچىگە قان يىغىلىپ قالغان بولسا، چەلەڭ شىرنىسىنى ئاچچىقسۇ بىلەن قوشۇپ ئارىلاشتۇرۇپ، ئىلمان ھالەتتە قۇلاققا تېمىتىپ بەرسە، ياخشى مەنپەئەت قىلىدۇ.