ئىدىقۇت بىلوگ

1.  مۇنتىزىم  تور  پونكىتلىرىنى  تاللاش  كېرەك.  مۇنتىزىم  مال  سېتىش  تور  پونكىتلىرىنىڭ  شىركەت  تونوشتۇرۇلۇشى،  مۇقىم  تېلېفونى،  پوچتا  نومۇرى،  ئادرېسى  قاتارلىق  ئۇچۇرلىرى  بولىدۇ.  پەقەت  يانفون  ئارقىلىقلا  ئالاقىلىشىدىغان  تور  پونكىتلىرىدىن  ئېھتىيات  قىلىش  كېرەك.
2.  تاۋارنىڭ  چۈشەندۈرۈلۈشى،  پۇل  تۆلەش،  مال  يەتكۈزۈپ  بېرىش  ئەھۋاللىرىنى  تەپسىلىي  بىلىۋېلىش  كېرەك.  مۇنتىزىم  ئېلېكترون  سودىسى  بىلەن  شۇغۇللىنىدىغان  شىركەتلەر  پوچتا  ۋە  بانكا  ئارقىلىق  پۇل  تاپشۇرىۋېلىشتا،  شەخسنىڭ  نامىنى  قوللانماستىن،  كارخانىنىڭ  نامىنى  قوللىنىدۇ.  ئەگەر  پۇل  تاپشۇرۋالغۇچى  شەخس  بولسا،  ئېھتىيات  قىلىش  كېرەك. 
3.  تاۋارنىڭ  بازار  باھاسىنى  ئىگىلىگەندىن  كېيىن  سېتىۋېلىش،  ھەرگىزمۇ  ئالاھىدە  تۆۋەن  باھا  دېگەنلەرگە  ئىشىنىپ  كەتمەسلىك  كېرەك.
4.  سودىلىشىش  سۇپىسىدا  مال  ساتقۇچى  تەرەپ  بىلەن  بىۋاسىتە  سودىلىشىش  كېرەك.  ئەگەر  ئىستېمالچى  مال  ساتقۇچى  تەرەپ  بىلەن  بىر  شەھەردە  بولسا،  يۈز  تۇرانە  سودا  قىلغان  ياخشى. 
5.  پۇل  تۆلەشتە،  مالنى  تاپشۇرىۋالغاندىن  كېيىن  پۇل  تۆلەش  ياكى  سودىلىشىش  سۇپىسى  تەمىنلىگەن  «3  -  تەرەپ»  ئارقىلىق  پۇل  تۆلەش  شەكلىنى  قوللىنىش  كېرەك.  بۇنىڭدا  ئىستېمالچى  تور  پونكىتىغا  پۇل  تۆلىگەندىن  كېيىن،  تور  پونكىتى  مال  ساتقۇچىغا  مال  تارقىتىش  ئۇقتۇرۇشى  قىلىدۇ.  ئىستېمالچى  مالنى  تاپشۇرىۋېلىپ  مەسىلە  بايقالمىسا،  تور  پونكىتىنىڭ  مال  ساتقۇچىغا  پۇل  تۆلىشىنى  ئۇقتۇرىدۇ.
6.  توردا  مال  سېتىۋېلىشتا،  ھېسابات  ئۇچۇرىنىڭ  ئاشكارلىنىپ  قالماسلىقى  ئۈچۈن  ئۆز  كومپيۇتېرىنى  ئىشلىتىش،  تورخانا  ياكى  ئىشخانا  قاتارلىق  ئاممىۋى  ئورۇنلاردىكى  كومپيۇتېرنى  ئىشلەتمەسلىك  كېرەك.  ئەگەر  تور  بانكىسى  ئارقىلىق  پۇل  تۆلىمەكچى  بولسا،  بىخەتەرلىككە  ئالاھىدە  دىققەت  قىلىش  كېرەك. 
7.  مالنى  تاپشۇرىۋالغاندىن  كېيىن،  ئوراش  ئەھۋالى،  سېتىۋالغان  مالنىڭ  شۇ  ياكى  ئەمەسلىكىنى  تەكشۈرگەندىن  كېيىن  ئۆتكۈزىۋېلىش  لازىم.
8.  ئەگەر  مالنى  مال  سېتىش  تور  پونكىتىدىن  سېتىۋالغان  بولسا،  تالونىنى  ياخشى  ساقلاپ  قويۇش  كېرەك.  سودىلىشىش  سۇپىسىدا  مال  ساتقۇچى  ئارقىلىق  سودىلاشقاندا،  سودىلىشىش  خاتىرىسى،  ساتقۇچىنىڭ  ئالاقىلىشىش  خاتىرىسى،  مال  تارقىتىش  تالونى  ۋە  پۇل  ئەۋەتىش  ئىسپاتى  قاتارلىقلارنى  ياخشى  ساقلاپ،  تاۋاردىن  مەسىلە  كۆرۈلگەندە  ئۆز  ھوقۇقىنى  قوغداشنىڭ  ئىسپاتى  قىلىش  كېرەك.

http://www.xjkpwy.xjinfo.gov.cn/show.asp?id=602