ئىسلاندىيە مەدەنىيەت كەيپىياتى ناھايىتى قويۇق دۆلەت بولۇپ، بۇ دۆلەتتە قىز – يىگىت تويىدا كىتاب ساندۇقى قىزنىڭ تويلۇق بېساتىدا كەم بولسا بولمايدىكەن. ئۇنىڭغا قىزنىڭ ياخشى كۆرىدىغان كىتابلىرى، كۈيئوغۇل ياقتۇرىدىغان مەشھۇر كىتابلار ۋە بالىلار رەسىملىك كىتابلىرىمۇ قاچىلىنىدىكەن.

     رۇسلار كىتابخۇمار كېلىدۇ. روسىيىدە ۋوگزال، ئايرودروم ياكى مېھمانخانىلاردا بولسۇن، كىشىلەرنىڭ بىكار تۇرماي كىتاب ئوقۇۋاتقانلىقىنى كۆرگىلى بولىدۇ، رۇسلار ھاراققا ئامراق بولسىمۇ، لېكىن ئۆيلىرىدە ھاراق ئىشكاپى ناھايىتى ئاز، كىتاب تىزىلغان نەپىس ئىشكاپلارنى ھەممىلا ئۆيدە ئۇچراتقىلى بولىدۇ.

     يەھۇدىيلارنىڭ كىتابخۇمارلىقى. ب د ت مائارىپ، پەن – مەدەنىيەت، سەھىيە تەشكىلاتىنىڭ تەكشۈرۈشىگە قارىغاندا، ئىسرائىلىيە كۇتۇپخانا ۋە نەشرىياتنىڭ كۆپلۈكى جەھەتتە دۇنيا بويىچە ئالدىنقى قاتاردا تۇرىدىكەن. ئۇ يەردە ھەر بىر كەنت، بازاردا كۆركەم، كىتاب تۈرلىرى كۆپ كۇتۇپخانا ۋە قىرائەتخانا بولىدىكەن، ئاھالىسى 5 مىليوندىن ئاشىدىغان بۇ دۆلەتتە 890 خىل ژۇرنال نەشر قىلىنىدىكەن.