Salam URUMQI :: سالام ئۈرۈمچى :: 乌鲁木齐综合娱乐网 :: 维吾尔综合门户网:: 新疆维吾尔文化::

   8-ئاۋغۇست ، ئۈرۈمچى شەھەرلىك تەرەققىيات -ئىسلاھات كومىتېتى BRT ئاپتوبۇسىنىڭ بېلەت باھاسىنى ئېلان قىلدى ، ئىگىلىنىشىچە ، BRT ئاپتوبۇسىنىڭ بېلەت باھاسى باشقا ئادەتتىكى ئاپتوبۇسلارغا ئوخشاشلا 1 يۈەن بولىدىكەن . ياشانغانلار ياشانغانلار كارتىسىغا ئاساسەن ھەقسىز ئولتۇرىدىكەن ، ئوقۇغۇچىلار كارتىسى ھەر ئايدا 90 قېتىم 0.22 يۈەنلىك ئېتىباردىن بەھرىمان بولىدىكەن ، چوڭلارنىڭ 0.5 يۈەنلىك ئايلىق بېلىتى ئىشلىتىلمەيدىكەن . 
    نۆۋەتتە ، BRT بىرىنچى نومۇر ، ئۈچىنچى نومۇرلۇق لىنىيەسىدە قۇرۇلۇش جىددىي ئېلىپ بېرىلىۋاتقان بولۇپ ، 28 -ئاۋغۇست ئىشقا كىرىشتۈرۈش پىلانلانغان . بۇنىڭ ئىچىدە ، بىرىنچى نومۇرلۇق لىنىيە شىمالدا ماشىنىسازلىق زاۋۇتىدىن جەنۇبتا پويىز ئىستانىسىغىچە بولۇپ ، ئومۇمىي ئۇزۇنلۇقى 14.9 كىلومېتىر كېلىدىكەن . بۇ لىنىيەدە دەسلەپكى باسقۇچتا 55 دانە BRT ئاپتوبۇسى قاتنايدىغان بولۇپ ، يولۇچىلارنىڭ ئەھۋالىغا ئاساسەن يەنە كۆپەيتىلىدىكەن . ئۈچىنچى نومۇرلۇق لىنىيە شىمالدا بېيجىڭ يولىدىن جەنۇبتا جەنۇبىي شەھەر ئۇزۇن يوللۇق ئاپتوبۇس بېكىتىگىچە بولۇپ ، ئومۇمىي ئۇزۇنلۇقى 13.2 كىلومېتىر كېلىدىكەن . بۇ لىنىيەدە 61 دانە BRT ئاپتوبۇسى قاتنايدىكەن ( 18 مېتىر ئۇزۇنلۇقتىكى 41 ئاپتوبۇس ، 12 مېتىر ئۇزۇنلۇقتىكى 20 ئاپتوبۇس ) . 

سالام ئۈرۈمچى ئونۋىرسال توربېكىتى