شىمالىي كالىفورنىيەدىكى fort bragg گازارمىسىنى زىيارەت قىلغان باراك ئوباما، ئامېرىكا قوشما ئىشتاتلىرىنىڭ 2011 - يىلنىڭ ئاخىرى ئىراقتىكى ئەسكەرلىرىنىڭ ھەممىسىنى پۈتۈنلەي چېكىندۈرىدىغانلىقىنى ئەسكەرتتى. ئامېرىكا ئارمىيەسىنىڭ ئىراقتىن شەرەپ بىلەن ئايرىلغانلىقىنى، شۇنىڭ بىلەن ئەڭ قىيىن باسقۇچلاردىن بىرىنىڭ ئاخىرلاشقانلىقىنى ئەسكەرتكەن باراك ئوباما، ئارقىلىرىدا ۋەزىيىتى تېخىمۇ مۇقىم ۋە ئىگىلىك ھوقۇقىغا ئىگە بىر ئىراقنى قالدۇرۇپ كەتكەنلىكلىرىنى ئىلگىرى سۈردى. ئامېرىكا جامائەتچىلىكىنىڭ قارىشىچە، باراك ئوباما بۇ ئارقىلىق، سايلام سەپەرۋەرلىك ھەرىكەتلىرىدە، ئىراقتىكى بارلىق ئامېرىكا ئەسكەرلىرىنىڭ ئۆيىگە قايتىشى توغرۇلۇق بەرگەن ۋەدىسىنى ئىشقا ئاشۇرغان بولىدىكەن. بىراق جۇمھۇرىيەتچىلەر پارتىيەسى، باراك ئوبامانىڭ ئىراقتىن ئەسكەر چېكىندۈرۈش قارارىنى ئارقىلىرىدا ۋەزىيىتى مۇقىمسىز بىر ئىراقنى قالدۇرۇپ كېتىش بىلەن تەنقىد قىلماقتا. ئامېرىكا قوشما ئىشتاتلىرىنىڭ ئىراقتىكى قالغان ئەسكەرلىرىنىڭمۇ بىرقانچە كۈن ئىچىدە دۆلەتتىن ئايرىلىشى مۆلچەرلەنمەكتە. سالام ئۈرۈمچى ئونۋىرسال توربېكىتى |
 |
سۆھبەتخانىدا ھازىر ئادەم بار | │ |
