چەۋەندازلار بلوگى

ئوباما ئامېرىكىنىڭ 56– نۆۋەتلىك پىرىزدىنتتى بولدى

Obama amerikining 56-nowetlik prizdintti boldi        

ئوباما خانىمى بىلەن بىرلىكتە قوللىغۇچىلىرىغا مىننەتدارلىق بىلدۈرمەكتە

شىنخۇا تورى ۋاشىنگتون 4 – نويابىر تېلېگراممىسى : ئامېرىكىدىكى ھەر قايسى تېلېۋىزىيە تورلىرى ئېلان قىلغان دەسلەپكى ئىستاتىستىكا نەتىجىسىدىن كۆرسىتىلىشىچە ، ئامېرىكا دېموكراتلار پارتىيىسىنىڭ زۇڭتۇڭ نامزاتى ، ئىللىنويىز شىتاتى پارلامېنتىنىڭ كېڭەش پالاتا ئەزاسى ئوباما 4 – نويابىر ئۆتكۈزۈلگەن زۇڭتۇڭ سايلىمىدا ، رىقابەتچىسى جۇڭھۇرىيەتچىلەر پارتىيىسىنىڭ زۇڭتۇڭ نامزاتى ، ئارىزونا شىتاتى پارلامېنتىنىڭ كېڭەش پالاتا ئەزاسى ماك كائىن ئۈستىدىن غەلبە قىلىپ ، ئامېرىكىنىڭ 56–نۆۋەتلىك زۇڭتۇڭلىقىغا سايلىنىپ ، ئامېرىكا تارىخىدىكى تۇنجى قارا تەنلىك زۇڭتۇڭ بولۇپ قالدى .

ئوباما قوللىغۇچىلىرىغا مىننەتدارلىق بىلدۈرمەكتە

ئوباما چىكاگودا سۆز قىلىپ ، ئۆزىنىڭ ئائىلىسىدىكىلەر ۋە سايلىغۇچىلار ئۆمىكىدىكىلەرگە ، قوللىغۇچىلىرىغا ھەمدە رىقابەتچىسى ماك كائىنغا مىننەتدارلىق بىلدۈردى . ئوباما سۆز قىلىشتىن ئىلگىرى ، ماك كائىن ئوباماغا تېلېفون بېرىپ ، ئوبامانىڭ سايلامدا غەلبە قىلغانلىقىنى تەبرىكلەيدىغانلىقىنى ھەمدە ئۆزىنىڭ ئۇتتۇرغانلىقىنى ئېتراپ قىلىدىغانلىقىنى بىلدۈردى . ئامېرىكا زۇڭتۇڭى بۇشمۇ ئوباماغا تېلېفون بېرىپ ، ئۇنىڭ زۇڭتۇڭلۇققا سايلانغانلىقىنى تەبرىكلىدى .
     ھازىرغىچە ، ئوباما 333 بېلەتكە ، ماك كائىن 155 بېلەتكە ئېرىشكەن . تەرتىپكە ئاساسەن ، ئوباما كېلەر يىلى 1 – ئاينىڭ 20 – كۈنى رەسمىي قەسەم بېرىپ ۋەزىپىگە ئولتۇرىدۇ .

ئوبامانىڭ قوللىغۇچىلىرى