ھاراقكەشنىڭ قىزى

بۇلىقىم

ئاخىرىچۇ ؟ شۇنداق   ،شۇنداق  قىزىقىپ  ئۇقۇۋاتقانتىم ،تۈگەپ  قالدى  ئەمەسمۇ  ،ھەي  .ئىسىتتتتتت ،ئاخىرىنى تەقەززالىق بىلەن  ساقلايمەن

دۇردانە

مەن يەنە نەچچە كۈن ئۆيدە دەم ئالدىم، مۇشۇ بىر قانچە ئىش تەكرار يۈز بەرگەن بولغاچقا مەنمۇ ئارقىمۇ ئارقادىن دەم ئېلىشقا مەجبۇر بولغانىدىم. بۇ جەرياندا بەگزات بىلەن دىلزات ھالىمدىن كۆپرەك خەۋەر ئالدى، مەردانمۇ پات-پات كىرىپ يوقلاپ تۇراتتى. زۇليار مەرداننى رېستۇرانغا مەسئۇل قىلىپ قويۇپ بىر ئىشلار بىلەن ئىچكىرىگە كىرىپ كېتىپتۇمۇش، ئۇنى بەزىدە شۇنداق سېغىنىپ قالاتتىم، ئاۋازىنى ئاڭلىغىم كېلىپلا تۇراتتى. ئەمما ئۇ يېنىمدا يوق......
بەگزات يېنىمدا گېزىت ئوقۇپ ئولتۇراتتى، مەن بولسان ئۇلارنىڭ خاتىرە سۆرەتلىرىنى كۆرۈپ بىردەم كۈلۈپ، بىر دەم ئويغا چۆكۈپ ئولتۇراتتىم، مەردان سىلىق سالام بىلەن كىرىپ كەلدى. تۇرۇپلا قاپتىمەن، نەچچە ۋاقىتتىن بېرى دىققەت قىلماپتىكەنمەن مەردان بىلەن ئايزىبا ھەدەم شۇنچىلىك ئوخشايدىكەن ئەمەسمۇ؟  توۋامۇ دەپ كەتتىم، سالامىغا سالام قايتۇرۇشنىمۇ ئۇنتۇپتىمەن. يېنىمغا كېلىپ پېشانەمگە چاقچاق قىلىپ بىرنى چەككەندىلا چۆچۆپ ئېسىمگە كەلدىم.
- ۋوي ماۋۇ كالۋالىقىمنى قېنى كېلىڭ ئاكا ئولتۇرۇڭ.- دەپ ئورنۇمدىن تۇرۇپ چاي دەملەش ئۈچۈن ئاشخانىغا كىرىپ كەتتىم، چەينەك پىيالىلەرنى ئېلىپ چىقسام زۇليار بىلەن ئىككىسى يېقىن ئولتۇرۇپ بىر نېمىلەرنى دەپ كۇسۇرلىشىۋېتىپتۇ. شۇنچە دىققەت قىلىپمۇ ئاڭلىيالمىدىم.
- نېمە دېيىشىۋاتىسىلەر شۇنچە مەخپىي؟
- كىچىك بالا بىلمىسىمۇ بولىدۇ.- شۇنچە قىززىقىپ سورىغان سوئالىمغا مەردان جاۋاب بېرىپ بولغۇچە بەگزات شۇنداق قوپاللىق بىلەن جاۋاب بېرىپ ئۈلگۈردى، ئۈندىمىدىم. بەگزاتمۇ باشقا گەپ قىلماي تېمىنى باشقا ياققا بۇرىۋەتتى، گەپ تالىشىپ، كۈلۈشۈپ يۈرۈپ ئېغىزىمدىن:
- مەردان ئاكا ئايزىبا ھەدەمگە بەكلا ئوخشايدىكەنسىزا ئەجەپ، بەگزات ئاكامنىڭ چىرايى يېقىنمۇ كەلمەيتتى.- دېگەن گەپ بىسوراق چىقىپ كېتىشى بىلەن ئىككىسىنىڭ شۇنداق تېزلىك بىلەن بۇرۇلۇپ غەلىتە قارىشىدىن مەڭدەپ تۇرۇپلا قالدىم.
ھە سىزگە شۇنداق تۇيۇلۇپ قالغان چېغى زىلالە، ھەممىمىز قېرىنداش شۇنىڭ ئۈچۈندۇ بەلكىم.- بەگزات شۇنداق دەپلا كۆزىنى باشقا ياققا ئېلىپ قاچتى. مەردان بولسا بىر ماڭا بىر بەگزاتقا قاراپ تۇراتتى، ئىشقىلىپ بۈگۈنمۇ كۆڭلۈمدە يەنە بىر ئىشتا تۈگۈن قالدى.
ئىشقا بارغاندا بەگزات ئاپىرىپ قويمىسىمۇ مەردان بىلەن بارىدىغان بولدۇم، تاماقنى يەنە ھەممىمىز بىر بولۇپ يەيتتۇق. مەرداننىڭ دائىم ئايزىبا ھەدەمگە كۆزىنىڭ قۇيرىقىدا ئۈزمەي قاراپ تۇرغانلىقىنى كۆرۈپ قالاتتىم، كۆڭلۈمدىن قانداقتۇر بىر خىل خىياللار كېچەتتى. زۇليارمۇ ئىچكىرىدىن قايتىپ كەلدى، بىز يەنە تەبىيلا يېقىن بولۇپ كەتتۇق. نىگارە دېگەن قىزنى شۇ بىر قېتىم كۆرگەنچە قايتا كۆرۈپ باقمىدىم. بەزىدە ھەممىمز بىر بولۇپ كىنو كۆرۈپ،باغچىلارغا بېرىپ ئويناپ كېلەتتۇق، ماڭا چوڭقۇر تەسىر قالدۇرغىنى بۇ يەردىكى بىر غەربىي كۆل دەپ ئىسمى بار مەنزىرىسى كىشىنى جەلىپ قىلىدىغان مەنزىرىسى بار ئىدى. نەگە بارساق ئاسىيەنى قوشۇۋالاتتۇق، يەنە بەزىدە زۇليار ئىككىمىز، بەزىدە بولسا بەگزات ئىككىمىز كىنو كۆرۈپ بازار ئايلىنىپ كېلەتتۇق.
ئاسىيەمۇ بىزنىڭ توپىمىزغا قوشۇلۇپلا كەتتى. تۇرىدىغان ئورنى بەك يىراق ھەم قولايسىز بولغاچ بىز بىلەن تۇرىدىغان بولدى، شۇنداق قىلىپ ئۈچ قىز قېرىنداشلاردەك ئىچقويۇن تاش قويۇن بولۇشۇپ كەتتۇق. كىچىككىنە ئۆيدە قوغلاشماق ئويناپ، تېپىشماق دېيىشىپ، يۇمۇر سۆزلىشپ، كۈلكە - چاقچاق بىلەن ئۆينى بېشىمىزغا كىيەتتۇق. ئارىمىزدا ئايزىبا ھەدەم ئەڭ شوخ ئىدى، قىززىق گەپلەرنى قىلىپ بىزنى تېلىقتۇرۇپ كۈلدۈرەتتى، بىز بولساق ئاساسەن ئۇنىڭ تاماشىبىنى بولاتتۇق، بەزىدە يىگىتلەر كىرىپ قالسا مەشرەپ بولاتتى. بىر چاغلارغىچە ئۇخلىماي ئۆزىمىمز توغرۇلۇق، جەمىئەت توغرۇلۇق، كەلگۈسى توغرۇلۇق قىزغىن پاراڭغا چۈشۈپ كېتەتتۇق. بەزىدە بەگزاتنىڭ ئايزىباغا كۆزلىرىگە لىق ياش ئالغىنىچە  باشقىچە بىر مەن چۈشۈنۈپ بولالمايدىغان نەزەردە قاراۋاتقانلىقىنى كۆرەتتىم، ئەمما سەۋەبىنى سوراشقا پېتىنالمايتتىم. كۈنلىرىم مۇشۇنداق ئايىغى چىقماس نېمە ئۈچۈنلەرنىڭ تۈگىنىنى ئويلاش بىلەن ئۆتىۋاتاتتى.
تېلىفۇنۇمنىڭ يېنىك تىترىشى بىلەن خىيالدىن ئويغىنىپ تېلىفۇننى قولۇمغا ئالدىم.«ھېلىقى غەربىي كۆلگە كېلىڭ سىزگە دەيدىغان گېپىم بار.» زۇليارنىڭ بۇيرۇق ئارلاش ئۇچۇرىنى ئوقۇپ بىر خىللا بوپ قالدىم، كۆڭلۈمنىڭ پەرىشانلىقىنى ياكى خۇشال ئىكەنلىكىنىمۇ بىلمەيتتىم ئىشقىلىپ چۈشۈنۈكسىز بىر ھېسيات قەلبىمنى چىرمىۋالدى.
  يەنە شۇ خىياللار دېڭىزىغا چۆكۈپ ئاستا قەدەملىرىم بىلەن كېتىۋاتىمەن، بەگزات بىلەن مەرداننىڭ ئايزىبا ھەدەمگە غەلىتە قاراشلىرى مېنى ھەر خىياللارغا سېلىۋاتاتتى. كىملەرگىدۇر سوقۇلۇپ، كىملەرنىدۇر سوقۇپ، كىملەرنىڭدۇر ماشىنىلىرىغا سوقۇلۇپ سۈركۈلۈپ تىل ئاڭلاپ يۈرۈپ دېگەن جايغىمۇ كەلدىم، ئەمما زۇليار ھېچ يەردە كۆرۈنمەيتتى. ئىچىمدە سەل نارازى بولۇپمۇ ئۈلگۈرگەنىدىم.
بىز بىرگە ئولتۇرۇپ رەسىمگە چۈشكەن تاش ئورۇندۇقتا ئولتۇرۇپ ساقلىدىم، مېنى كېلىڭ دېگەن ئادەم شۇنچە ساقلىساممۇ كەلمەيۋاتاتتى. بىر نەرسىنىڭ پۇتۇمغا يېنىڭ تېگىشى بىلەن چۆچۈپلا قارىدىم، تىزگىنەك بىلەن باشقۇرىلىدىغان كىچىك بىر ئويۇنچۇق دالا ماشىنىسى، ئالدىدىكى ئىككى ئورۇندۇقتا بىر كىچىك ئوغۇل بالا بىلەن قىز بالىنىڭ قونچىقى ئولتۇرغان، قارىماققا ئوغۇل بالا مۇشۇ ماشىنىنى ھەيدەۋاتقاندەك كۆرىنەتتى. كەينىدە بولسا بىر تال قىپقىزىل ئەتىرگۈل. ھەيرانلا قالدىم، شۇ ئارلىقتا زۇليار نەدىن پەيدا بولدىكىن يېنىمغا كېلىپ، ئويۇنچۇق ماشىنىدىكى گۈلنى ئادلى، يانچۇقىدىن كىچىك بىر قۇتىنى چىقىرىپ ئىچىدىن پارقىراپ تۇرغان ئالتۇن ئۈزۈكنى ئېلىپ ماڭا تەڭلىگەچ دېدى:
- قانداق قىلسام سىزنى خوش قىلالايدىغىنىمنى بىلمىدىم. ماڭا ياتلىق بولۇشنى خالامسىز زىلالە؟ ئاللاھ خالىسا سىزنى چوقۇم بەخىتلىك قىلىمەن، باشقىلاردەك دەبدەبىلىك مۇھەببەت سۆزلىرىنى قىلالمايمەن، ئەمما ئىشىنىڭكى سىزنى بەخىتلىك قىلىش ئۈچۈن چوقۇم تىرىشىمەن.- زۇليارنىڭ سۆزلىرىنى ئاڭلاپ تۇرۇپلا قالدىم، مەن قانچە قېتىملاپ چۈشلىرىمدە كۆرگەن، قانچە قېتىملاپ ئارزۇ قىلغان ھە مۇشۇنداق بولىشىنى... ئەمما نېمىشقىدۇر خۇشال بولالمايۋاتاتتىم. زۇليارغا نېمە دېيىشنى بىلمىدىم، باشقىلارنىڭ مەسلىھەتىنى ئېلىپ بېقىشىم كېرەكتە.
- زۇليار جېنىم بۇ يەردە نېمىشقىلىۋاتىسىز؟- قۇلۇقۇمغا يەنە نەچچە ۋاقىتتىن بېرى زورى بىلەن ئۇنتۇلۇشقا باشلىغان ھېلىقى قىزنىڭ ئاۋازى ئاڭلاندى.قىز كېلىپلا يەنە زۇليارغا گىرە سالدى، توۋا بۇ قىزدا ھايا يوقمىدۇ دەپلا قالدىم. بۇ يەردىن كېتىشىم كېرەك ئىدى، ئەمما نېمىشقىدۇر پۇتلۇرۇمغا ماڭا بويسۇنمايۋاتاتتى. كۆزۈمنىڭ قۇيرۇقىدا زۇليارغا قارىدىم، ئۇ بولسا نېمە قىلارىنى بىلەلمىگەن كىچىك بالىدەك تەمتىرەپ تۇراتتى.     
- ھە بەگزات دېگەن ئاغىنىڭىزنىڭ مابىتىغۇ بۇ نېمە قىلىۋاتىسىلەر؟ ۋوي ئۈزۈك! ماڭا ئالغانمىتىڭىز زۇليار؟- دەپلا زۇليارنىڭ قولىدىكى ئۈزۈكنى تارتىپ قولىغا سېلىۋالدى، ئۇنىڭ ماڭا قارىغۇدەك چولىسى يوق ئىدى.
- ياق ....ياق.. سىزگە ئالمىدىم، ئۈزۈكنى قايتۇرۇپ بېرىڭ نىگارە. بۇنى مەن زىلالەگە ئالغان. ياقتۇرسىڭىز مەن قايتىدىن ئېلىپ بېرەي.
- نېمىشقا بۇ قەلەندەرنىڭ قىزىغا ئۈزۈك ئېلىپ بەرگۈدەكسىز؟ توي تەلىپى قويمايۋاتقانسىز ھە؟
- ھەئە، توي تەلىپى قويىۋاتىمەن، ئۈزۈكنى قايتۇرۇپ بېرىڭ نىگارە.
- نېمە قىلغىنىڭىز بۇ زۇليار؟ ئائىشە ئاپام مېنى قىزىم دەپ يۈرىۋاتسا، سىزمۇ مېنى ئالىمەن دەپ ۋەدە بەرگەن ئىدىڭىزغۇ؟ نېمە مەندىن تانماقچىما؟ بۇ ئۈزۈكنى قايتۇرىۋالىمەن دەپ خام خىيال قىلماڭ، سىز مېنىڭ زۇليار ئاڭلاپ تۇرۇڭ سىز مېنىڭ بۇ بۇزۇققا سىزنى ھەرگىز تارتقۇزۇپ قويمايمەن.
- نىگارە نېمە دەۋاتىسىز مەن قاچان سىزنى ئالىمەن دېدىم؟
- ئالىمەن دېگەنتىڭىزغۇ، تانماقچى بولىۋاتامسىز؟ مۇشۇ چىرايىنىڭ تايىنى يوق ھاراقكەشنىڭ بۇزۇق قىزى ئۈچۈنمۇ؟
چاڭڭىدە!!! قىلغان ئاۋاز بىلەن تەڭ قىز كەينىگە يېقىلىپ چۈشتى. بېرىپ قىزنى يۆلىدىم، ئەمما قىز مېنى شۇنداق قاتتىق ئىتتىرىۋەتتى، كۆلنىڭ بويىدىكى رېشاتكىنى تۇتۇپ ئۈلگۈردۈم بولمىسا ئەھۋالىم چاتاق ئىدى. باياتتىن بېرى تۇتۇپ كەلگەن يېشىمنى ئېقىشى بويىچە قويىۋەتتىم. دادامنىڭ ھاراقكەش ئىكەنلىكىنى بۇ قىز قانداق بىلىدىغاندۇ؟ نېمىشقا ماڭا ھاقارەت قىلىدۇ؟ جانسىز پۇتلۇرۇمنى سۆرەپ كەتمەكچى بولۇپ ماڭغىنىمدا زۇليارنى قولۇمدىنلا تۇتۇۋالدى.
- كەچۈرۈڭ قاتتىق ئۇرىۋەتتىم ئەمما ئاڭلاپ تۇرۇڭكى نىگارە مېنىڭ ياخشى كۆرىدىغىنىم، بىردىنبىر سۆيىدىغىنىم زىلالە، ئۆمۈرلۈك ھەمراھلىققا تاللىغان قىز زىلالە. پەقەت ۋە پەقەت زىلالە. سىزنى ياخشى كۆرمەيمەن، ھەم ياخشى كۆرىشىم مۇمكىن ئەمەس. سىز ئەقىللىق ھەم چىرايلىق قىز، سىزنى كۆز قارچۇقىدەك ئاسرايدىغان، ھەقىقى ياخشى كۆرىدىغان بىرى بىلەن توي قىلالايدىغانلىقىڭىزغا ئىشىنىمەن. سىزنىڭ ياخشى كۆرىشىڭىزگە لايىق كەلمەيمەن ئەمدى مەندىن ئۈمىد ئۈزۈڭ، ۋاز كېچىڭ ماقۇلمۇ؟ ئانامغا مەن ئۆزۈم چۈشەندۈرۈپ قويىمەن.
- نېمە سىز مەندىن شۇنداقلا تانماقچىمۇ؟ مەندىنغۇ تانارسىز قورسىقىمدىكى ئۆىڭىزىڭىزنىڭ پۇشتىدىنمۇ تانامسىز؟- دېگەن گېپى بىلەن تۇرغان ئورنىدا تۇرۇپلا قالدى زۇليار.
- قالايمىقان جۆيلىمەڭ نىگارە! نېمە ...نېمە بالا؟؟؟؟؟- زۇليارنىڭ ئاۋازى شۇنچىلىك ئۈنلۈك چىقىپ كەتتى، كۆزلىرىمۇ چەكچىيىپلا كەتتى. ئۇنىڭ بۇ قەدەر غەزەپلەنغىنىنى كۆرۈپ باقمىغان ئىدىم. بۇ يەردە تۇرىۋېرىشكە تاقىتىم قالمىدى دە، زۇليارنىڭ قولىنى كۈچەپ سىلكىۋېتىپ يۈگۈرگىنىمچە بۇ نەس باسقان جايدىن ئايرىلدىم. كۆز ياشلىرىم ھېچ توختايدىغاندەك ئەمەس ئىدى. يۈگرەۋاتىمەن، توختىماستىن يۈگرەۋاتىمەن، كۆزلىرىمگە ھېچ نەرسە كۆرۈنمىدى، بىركىملەرگە سوقۇلۇپ، ئاللاكىملەردىن ئىزا ئاڭلاپ دېگۈدەك يۈگرەۋاتىمەن.
«جاڭ!!!!» بېشىمدىن يۇلتۇز ئۇچۇپ كەتتى، ئىشقىلىپ مۇشۇنداق نېسى تاياقلاردىن خېلىلا تەلىيىم بار مېنىڭ زادى. ئاستاغىنە يىغلاشنى توختۇتۇپ ئاۋايلاپقىنا بېشىمنى سىلىسام بىردەمدىلا تۇخۇمەك بوپ ئىششىپ قاپتۇ.  ئەتراپىمدا شۇنچە جىق ئادەم، ئەمما ھەممىسى ئۆ ئىشى بىلەن ماڭا قارايدىغان كۆزىمۇ يوق. تونۇمىساممۇ بىرەرى كېلىپ قاتتىق ئۈسسىۋالدىڭىزمۇ؟ ئاغرىۋاتامدۇ؟ دېسە قانچىلىك خوش بولارمەن ھە... ئەپسۇس ئەمما ئۇنداق بولمايدۇ، خىيالىدا يوق جاننى ئالقانغا ئېلىپ قويۇپ تېلىفۇنىغا دۈم چۈشۈپ ئويۇنىنى ئوينايدۇ، ياكى بولمىسا ماڭا كۆزىنىڭ قۇيرىقىدا قاراپ قويۇپ ئۆ ئىشى بىلەن مەشغۇل بولسا، بەزىللىرى بولسا مەسخىرلىك قاراپ قويۇپ يېنىدىكىلەر بىلەن كۇسۇرلىشىدۇ خالاس. بۇلارنى ئويلايمۇ ياكى بېشىمنىڭ ئاغرىغىنىنىمۇ ۋە ياكى بولمىسا بايىقى چۈشىنىكسىز كۆڭۈل زېدە قىلىدىغان ئىشلارنىمۇ؟ بولدىلا ھېچ نېمە ئويلىماي. ئۆزۈمنى، كۆزۈمنىڭ يېشىنى زورىغا بېسىپ ئاران تەستە ئۆيگە كېلىۋالدىم.
- ۋوي بېشىڭىزغا نېمە بولدى؟ ئۈسسىۋالدىڭىزمۇ؟ ئاغرىۋاتامدۇ؟- ئىشىكتىن كىرىشىمگىلا بۈگۈن بالدۇر ئىشتىن چۈشكەن ئايزىبا ھەدەم سوئال دېگەننى ياغدۇرۇپلا ۋەتتى، ئۈنسىز بېشىمنى لىڭشىتتىم.
- كېلىڭ مەن دورا سۈرتۈپ قوياي.
.......
تېلىفۇنۇم تىترەپ كەتتى، زۇلياردىن كەلگىنى ئېنىق بولغىنى ئۈچۈن كۆتۈرمىدىم. كۆڭلۈمنىڭ بىر يەرلىرى شۇنچىلىك يېرىم، يىغا تۇتۇپلا تۇرىدۇ. ئەمما نېمە ئۈچۈنلىكى مەن ئۈچۈن قاراڭغۇ. بىر كېچە مەن ئۈچۈن ئۇيقۇ ھارام بولدى. كۆز ئالدىمدا نىگارە دېگەن قىزنىڭ ھەركەتلىرى، قۇلاق تۈۋىمدە دېگەن گەپلىرى بىردەممۇ نېرى كەتمەي مېنى قىيناۋاتاتتى. ئۇنىڭ دېگەنلىرى راسمىدۇ؟ ئەجىبا ئۇ قىزنىڭ قورسىقىدىكى بالا راسلا زۇليارنىڭمىدۇ؟ تۈنۈگۈن مەن كەتكەندىن كېيىن نېمە ئىشلار يۈز بەرگەندۇ؟ كاللامدا ھەرخىل خىياللار ھۆكۈم سۈرىۋاتاتتى. گەرچە پەرىشان كۆڭلۈم، ئويچان كۆزۈم، ئايزىبا ھەدەم بىلەن ئاسىيەنىڭ دىققىتىنى تارتىپ مەندىن نېمە ئىش بولغانلىقى سوراتقۇزغان بولسىمۇ  ئۇلارغا ھېچ نېمە دېمىدىم.
ئەتىسى دەم ئېلىۋېرىشنى لايىق كۆرمەي خالىمىساممۇ ئامال يوق ئىشقا بېرىۋەردىم، پۇت-قوللۇرۇم مېنىڭ ئەمەستەك ئىشنى قولاشتۇرماي پالاكەتلىك قىلىپلا تۇراتتى. كۆز ياشلىرىممۇ بۇيرۇقۇمغا بوي سۇنماي ھەدەپ تۆكۈلىۋاتاتتى. نېمىشقىكىن زۇليار كۆرۈنمەيتتى، بەلكىم تۈنۈگۈنكى ئىش سەۋەبلىك بولسا كېرەك.
- قېنى ماۋۇ زىلالە دېگەن قانجۇق چىقە بۇ ياققا!!!!
- ھە مانا مەن نېمە ئىش ئىدى؟
نىگارەنىڭ ۋارقىرىغان ئاۋازىنى ئاڭلاپ يۈگۈرۈپ چىققان مەن «چاڭڭىدە» قىلغان ئاۋاز بىلەن تەڭ كەينىمگە ئۇچۇپلا كەتتىم، ئەگەر بۇ تاياقنى يېمىگەن بولسام قىزلارنىڭ قولىنىڭ بۇنچە قاتتىقلىقىنى بىلمەس ئىدىم. ئاسىيەنىڭ يۆلىشى بىلەن ئورنۇمدىن تۇراي دېيىشىمگىلا نىگارە كېلىپلا يەنە بىر تەستەك سېلىۋەتتى.
- قولىڭىزنى تارتىڭ نېمىشقا ئۇرىسىز زىلالەنى؟
- نېمىشقا ئۇرمىغۇدەكمەن بۇ قەلەندەرنىڭ قىزىنى، بەگزاتنى ئازدۇرغاننى ئاز دەپ زۇليارنى تارتىۋالماقچىمۇ تېخى ھالىڭغا باقماي. ئاڭلاپ تۇر زۇليارنى سەن سەھرالىققا تاشلاپ بېرىدىغانغا ئۇنداق يۇۋاش نىگارە ئەمەس مەن. قېنى قىزلار ئۇرۇڭلا بۇ ئۆزىنى بىلەلمىگەن بۇزۇقنى.- نىگارە شۇنداق دېيىشى بىلەن نەدىن كەلدىكىن بىرمۇنچە ھەر بەستلىك قىزلار كېلىپ ئاسىيەنى ئىتتىرىۋېتىپ ئۈستەلگە يۆلىنىپ ئاران تۇرىۋاتقان مېنى چاچلىرىمدىن تارتىپ ئۇرۇپلا كەتتى. توۋا قىزلار ئۇرۇشسا ئوغۇللاردىنمۇ بەك قاتتىق قول بولۇپ كېتىدىكەن، چىمداش، چاچلىرىمنى يۇلۇش، يەنە تېخى تېپىش دېگەنلەر ئايىماي تېگىۋاتاتتى. يۈزلىرىمنى بىلەكلىرىم بىلەن ئاران توسۇدۇم. ئاسىيەمۇ قىلزلارنى توسۇپ بولالماي مەن بىلەن بىللە تاياق يىدى، رېستۇراننىڭ ئىچى مەن بىلەن ئاسىيەنىڭ يىغىسى، بىزنى ئۇرىۋاتقان قىزلارنىڭ «ئۇرە، ئۇرە» لىرى تولغان ئىدى. ئەتىگەن بولغىنى ئۈچۈن ئانچە خېرىدارلار ئانچە كۆپ ئەمەس ئىدى. بارلارمۇ نىگارەنى توسىۋېلىشتا يوق خىيالى ئويۇن كۆرۈپ تۇرىۋاتاتتى، تېخى ئالىي دەرىجىلىك يانفۇنىلىرىنى چىقىرىشىپ رەسىمگە تارتىپ سىنغا ئېلىپ ئۈلگۈرگەنلەرمۇ بولدى. كىشىلەردىكى ئادىمىيلىكنىڭ بۇ ھالغا چۈشۈپ قالغانلىقىغا قاراپ ئېچىندىم، مەسئۇلىمىز ئەكبەرمۇ بۈگۈن رۇخسەت سوراپ كەلمەپتىكەن، باشقا قىزلارمۇ بۇلارنى توساپ توساپ بولالمايۋاتاتتى. ئاخىرى ئاشخانىدا تاماق ئېتىدىغان مەردان باشلىق بىر قانچە ئوغۇللار كېلىپ قىزلارنى توسۇپ جېدەلنى بېسىقتۇردى، ئىشىكتىن بەگزاتنىڭ كىرىۋاتقانلىقىنى خىرە كۆردۈم قالغىنى ئېسىمدە يوق.
-  قانداق يۈرىكى قاتتىق قىزلاركىن ئۇ توۋا مۇشۇنداقمۇ ئۇرغان بارمۇ؟ قارا ئاكا بىچارە زىلالەگە ئىچىم ئاغرىپ كەتتى، پۇتى يەنە سۇنۇپتۇ. ئاسىيەنىمۇ شۇنداق قاتتىق ئۇرىۋېتىپتۇ. زۇليارنىڭ نېمە مۇناسىۋىتى باركەن ئۇ بىر نېمە بىلەن تۈرمىگە سولىتىۋېتىدىغان نېمىكەن ئەسلى. بىچارە سىڭلىم يەنە قاچانغىچە ئاغرىق ئازابى بىلەن قىينىلار- قۇلاق تۈۋىمدە ئايزىبا ھەدەمنىڭ يىغا ئارلاش ئاۋازى غۇۋا ئاڭلىنىۋاتاتتى. كۆزۈمنى ئېچىشىم بىلەن ئايزىبا ھەدەم ياشلىرىنى سۈرتۈپ ئەھۋال سورىدى:
- ھوشىڭىزغا كەلدىڭىزمۇ سىڭلىم مېنى بەك ئەنسىرەتتىڭىز جۇمۇ؟ قانداقراق تۇرىسىز؟- گەپ قىلغۇدەك ھالىم يوق كۆزۈمنى ئاران - ئاران ئېچىپ تۇرىۋاتاتتىم.
- رەھمەت ھەدە ياخشى بوپ قالدىم- دېدىم ئۆزۈممۇ تەس ئاڭلىغۇدەك قىلىپ ئارانلا. قانچىلىك تاياق يېگىنىمنى پەرەز قىلىپ ئۈلگۈردۈم، قوللىرىمغا بىر نەرسىلەر قىسىلغان، پۇتۇم گىپىسلانغان ھالەتتە تۇراتتى. تۇيۇقسىز ئاسىيەنى ئېسىمگە ئالدىم، ئۇمۇ مەن بىلەن تەڭ تاياق يېگەن ئىدى.
- مەن ھېچنېمە بولمۇدۇم، ئاسىيە قانداقراق؟- دېدىم ئۈنۈمنى ئاران چىقىرىپ.
- ئۇمۇ خېلى ياخشى بوپ قالدى، باياتتىن كىرىپ يوقلاپ چىقىپ كەتكەن. ئۇ قوشنا ياتاقتا، مەردان ھالىدىن خەۋەر ئېلىۋاتىدۇ، ئەنسىرىمەڭ.- ئايزىبا ھەدەمنىڭ جاۋابىنى ئاڭلاپ كۆڭلۈم ئىزىغا چۈشكەن بولسىمۇ يەنىلا خاتىرجەم بولالمايۋاتاتتىم. ئىشىك ئاستا ئېچىلىپ قولىدا بىر دەستە گۈل ۋە بىر مۇنچە نەرسە كۆتۈرىۋالغان زۇليار كىرىپ كەلدى.
خۇددى ئۇنىڭدا ئۆچۈم باردەك، بۇ ئىشلارغا شۇ سەۋەبچىدەك ئۆزۈمچە قېيداپ كەينىمنى قىلىپ تۇرىۋالدىم، بەگزات بىلەن ئايزىبا ھەدەممۇ خۇددى ھېچنېمىنى كۆرمىگەندەك پەرۋاسىز ئولتۇرىۋالدى. سىلىق سالام بىلەن كىرىپ كەلگەن زۇليار بۇنىڭدىن بەك ھەيرانلىق ھېس قىلغان بولسا كېرەك تۇرۇپلا قالغانىدى.
- زۇليار بەگ كېلىپ قاپتۇ ھە، زىلالەنى قانداقراق تاياق يىگەندۇ دەپ كەلدىڭىزمۇ؟ ياكى ئېچىشقان يېرىگە تۇز سەپكىلى كەلدىڭىزمۇ؟ نىگارەنىڭ قورسىقىغا بىرنى ئۈندۈرۈپ قويغاندىكىن ئەمدى زىلالەنى ئىزدىمەڭ، ئەجەپمۇ قېلىن ئادەمكەنسىز، خېلى كاللىسى جايىدا ئادەم ئوخشايدۇ دېسەم ئېسىت....- ئايزىبا ھەدەم ئېغىز ئېچىپ يەنە بىرمۇنچە قاتتىق گەپ قىلدى. ئايزىبا ھەدەمنىڭ نىگارەنىڭ ئىشنى بىلىدىغانلىقىغا ھەيران قالدىم، چۈنكى بۇ ئائىلىدىكىلەرگە مەن بۇنى دېمىگەنىدىم.
- نېمە دېگىنىڭىز بۇ ئايزىبا، نىگارەنىڭ ئاشۇ گېپىگە سىزمۇ ئىشەندىڭىزمۇ؟ بىرەرسىڭلار مېنىڭ كۆڭلۈمنى چۈشىنىپ باقساڭلار بولمامدۇ. ئۇنىڭ قانداقلىقىنى بىلىسىلەرغۇ؟
- ئۇنىڭ قانداقلىقىنى بىلمىز ئەلۋەتتە، ئەمما بىر قىز بالا قاراپ تۇرۇپ ئۇنداق ئۇياتلىق گەپ بىلەن باشقىلارنى ئالدىماس دەپ ئويلايمەنغۇ. يەنە كېلىپ سىزنى چۈشەنمەي قانداق قىپتىمىز؟ ئەمەلىيەتتىن سۆزلەۋاتىمەن. ئەجىبا ئۇنداق ئەمەسما. قاراڭ بىچارە زىلالەنىڭ ھالىغا، مۇشۇنداق ئۇرىۋەتسە ئۆزىمۇ بىر قىز بالا تۇرۇپ.... سىزمۇ بىر ئوغۇل بالا بولغاندىكىن. ئۇنداق ئىش قىلمىغان بولسىڭىز ئىككى - ئۈچنى سېلىپ قويۇپ يوقال دېمەمسىز؟ يا بىر جاراڭ - جۇرۇڭ گەپ قىلالمىسىڭىز، ئۇنداق قىزلار ئەلۋەتتە چاپلىشىدۇ سىزدەك يۇمشاق باشقا...
- بولدى ئايزىبا، بولدى قىل. ئەگەر ئۇ شۇنى خالىسا ئىدى، نىگارەدىن ئاللىقاچان قۇتۇلالايتتى. زۇليار بۈگۈنچە قايتىپ تۇر. ئاداش باشقا كۈنى ئاچچىقىمىز يانغاندىراق كېلەرسەن- دەپ قايناۋاتقان ئايزىبا ھەدەمنى توخۇتتۇپ زۇليارنى ئەكەلگەن نەرسىللىرى بىلەن قوشۇپلا ئىتتىرىپ دېگۈدەك يولغا سېلىپ قويدى بەگزات. مەن ئاللىقاچان يىغلاپ ئېقىپ كېتىپ بولغانىدىم، بۇنداق پاراكەندىچىلىكلەر ماڭىلا ئۇچرامدىغاندۇ؟ قارغىشقا ئۇچراپ كەتكەن شور پېشانە بولغۇيمىتىم يا؟ ئىشقىلىپ قالايمىقان خىيال سۈرۈپ ئۆزۈمنى بولىشىغا تىللاپ تۇرىشىم ئايزىبا ھەدەم مېنى خىيال قوينىدىن تارتىپ چىقاردى.
- گەپ بىلەن بولۇپ كېتىپتۇققۇ سىڭلىم، قانداق قورسىقىڭىز ئاچتىمۇ؟
- ياق ھەدە ئاچمىدى.- يېنىككىنە بېشىمنى چايقىدىم، بۇنداق ئەھۋال ئاستىدا گلىمدىن تاماق ئۆتەتتىمۇ.
- بولدى ئايزىبا ئۇنىڭغا قارىساڭ ئاچلىقتىن ئۆلۈپ قالسىمۇ بىر نەرسە يەيمەن دېمەيدۇ ئۇ چىرايلىق. ئۆزۈڭ تاماق يىگەچ زىلالە بىلەن ئاسىيەگە زىيان قىلمايدىغان سىڭىشلىق بىر نەرسە بۇيرۇتۇپ، مەن بىلەن مەردانغا ئۆزۈڭ خالاپ بىر نەرسە ئەكىرە.
- بىللە چىقساق بولمامدا؟
- زىلالەگە چىم قارايدۇ خان؟
- ۋايجان مەن قالاي سەن چىقىپ ئەكىرەمسە يا ئاكا؟
- جىق گەپنى ئاز قىلىپ تۇرە ھورۇن قىز، ھەرىكەت قىلساڭ ئورۇقلايسە بولە.
- خەپ ئاكا خەپ سېنى ماڭسام ماڭدىم، شۇنداق دېگەن يېرىڭگە تامىقىڭغا ئاقمۇچ، قارامۇچ، قىزىلمۇچ، يېشىلمۇچلارنى توننىلاپ سالدۇرۇپ ئەكىرمىسەم،- دەپ شەيتانلىق قىلىپ تىلىنى چىقىرىپ قويدى ئايزىبا ھەدەم.
- ھە تېخى شۇنداق قىلغىنىڭنى بىر كۆرەي.- ئىككىسى تالىشىپ چاقچاقلىشىپ يۈرۈپ ئاخىرى ئايزىبا ھەدەم تاماق ئەكىرگىلى ماڭدى. بەگزات بىر ئېغىزمۇ گەپ قىلماي كارۋاتنىڭ يېنىدىكى ئورۇندۇقتا ئولتۇرۇپ كىتاب ئوقۇشقا باشلىدى، ئۇنىڭغا شۇنچە گەپ قىلغۇم، نىگارە دېگەن قىز توغرۇلۇق سورىغىم بولسىمۇ جۈرئەت قىلالمىدىم.
- زىلالە نىگارە توغرۇلۇق ھېچ گەپ سورىمايسىزغۇ؟- خۇددى كۆڭلۈمدىكىنى بىلىۋالغاندەكلا.
- ھە شۇ بىلگۈم يوق.- ئوتتەك بىلگۈم بار بولسىمۇ يالغان ئېيتىپ قويدۇم.
-بىلىمەن ئۇنىڭ ئىشلىرىغا قىززىقىدىغانلىقىڭىزنى بولدىلا سىزنى خىجىل قىلماي ئۆزۈملا دەپ بېرىۋېرەي. نىگارە تولۇق ئوتتۇرىدا بىز بىلەن بىر سىنىپتا ئوقۇغان. نىگارەنىڭ ئانىسى بىلەن زۇليارنىڭ ئانىسى يېقىن دوست بولغاچقا ئىككىسىنىڭ بېشىنى قوشۇپ قويۇشقا دېيىشكەن، ئەمما زۇليار بۇنىڭغا ئىزچىل قارشى تۇرۇپ كەلدى. ئانىسىنىڭ كۆڭلى ئۈچۈن ئارتۇق گەپ قىلماي، كەينىگە سۈرۈپ ھازىرغا كەلگەندە، ئانىسى بەك چىڭ تۇرىۋالغانلىقى ئۈچۈن داۋاملىق ئىچكىرىگە كىرىپ يۈردى، ئەمما ئانىسى شۇنداقتىمۇ ئۇنى ئىچكىرىدىنمۇ تېپىپ ئەكىلىپ تويغا مەجبۇرلىدى. دادىسى ئاساسەن دېگۈدەك ئىچكىرىدىن چىقمايدىغان بولغاچقا ھەممە ئىشنى زۇليارنىڭ ئانىسىغا تاپشۇرۇق بەرگەن شۇنىڭ ئۈچۈن بۇ ئائىلىدە شۇ ئايالنىڭ دېگىنى ھېساب. نېمىشقىكىن بىلمەيمەن، بەلكىم نىگارە زۇليارنى ياخشى كۆرەمدىكىن ئىشقىلىپ زۇليارغا چاپلىشىۋېلىپلا يۈردى. ئۇلارنىڭ ئوتتۇرىسىدا قانداق ئىش بولغىنى بىزلەرگە نامەلۇم، نىگارە سىزگە ھېلىقى گەپنى دەپ رېستۇراندا جېدەل تېرىدى. بۇ گەپ بەلكىم زۇليارنىڭ ئانىسىنىڭ قۇلۇقىغا يېتىپ سىز بىلەن پاراڭلىشىپ بېقىشى مۇمكىن، شۇڭا ئىدىيە جەھەتتىن تەييارلىق قىلىپ قويۇڭ.- بۇ گەپنى ئاڭلاپ يەنە بىرخىل بوپ قالدىم، ئۇ ئايال مېنى نېمىشقا ئىزدەيدۇ؟ مەن يا زۇليارغا چاپلىشىۋالمىسام، يەنە كېلىپ... كېيىنكى خىياللىرىمنى ئىچىمگە يۈتىۋەتتىم، ئىشقىلىپ بىلىپ بولمايدىغان ئازاب مېنى چىرماپ ئالدى، كۆڭلۈم شۇنچىلىك يېرىم.
- ئەسسالامۇ ئەلەيكۇم زىلالە خېلى ياخشى بولۇپ قالدىڭىزمۇ؟- مەرداننىڭ يۆلىشى بىلەن ئاسىيەنىڭ كىرىپ كەلگىنىنى كۆرۈپ ئېسىمدە يوق تاس قاپتىمەن تۇرۇپ كەتكىلى، بەگزات ئەسكەرتمىگەن بولسا چوقۇم ئورنۇمدىن تۇرۇپ سالام قايتۇرۇپ ئۇنى قۇچاغلىغان بولاتتىم. سالام قايتۇرۇپ ئەھۋاللىشىپ بولغۇچە يەنە بىرمۇنچە كۈلكە تېرىپ بەردىم. قارىماققا ئاسىيەمۇ خېلى تاياق يىگەندەك تۇراتتى، شۇنداقتىمۇ مېنى ئەنسىرەتمەسلىك ئۈچۈنمۇ ئىشقىلىپ ئالدىمدا ئۆزىنى قاتتىق تۇتىۋېلىپ تەمكىن كۆرىنىشكە تىرىشىۋاتاتتى.  
- ئاسىيە ئەجەپ قاملاشمىغان ئىش بولدى سىزنىمۇ سۆرەپ كىرىپ بىر مۇنچە دىشۋارچىلىق تارتقۇزدۇم كەچۈرۈڭ.
- نېمە دەۋاتىسىز زىلالە، دوستلار ئارىسىدا قانچىلىك ئىشتى بۇ. مەن تۇرۇپ سىزنى تاياق يېگۈزگىنىمدىن بەكمۇ خىجىلمەن.
- ئۇنداق دېمىسىڭىزچۇ....
- ھە مەن دوستلۇققا يارىمايمەن ھە، ئېسىت شۇ چاغدا مەنمۇ بوپ قالغان بولسام، ئېغىز-بۇرنىنى چۇۋۋىتەتتىم ئۇلارنىڭ...
- ھە قانداق قىلاتتىڭ يەنە، تولا يوغان سۆزلىمە ھە سەن ئايزىبا، قانچىلىكلىكىڭنى مەن ئوبدان بىلىمەن.
- ۋاي ئاللا ئادەمنىڭ گپىنىمۇ قىلغىلى قويماي، ئىشقىلىپ سېنى ئاكا خەپ زادى.
- بۈگۈن ئەجەپ جىق خەپ دېدىڭ ھە ئايزىبا ساناپ باقە قانچە قېتىم دەپسەن.
- ئاكا بولدى قىلساڭچۇ، سەن بار يەردە گەپ قىلىشتىنمۇ قورقىدىغۇ زادى كىشى. بولدى گەپ قىلمىساملا بولدىغۇ.
- تالاشمىساڭلارچۇ؟ بەگزات سەن ئاكىسى بولغاندىكىن سىڭلىڭغا يول قويغىنا ئاداش.
- ئاڭلىدىڭمۇ ئاكا ھى ھى ھى ماڭا يول قوي ھە سەن چوڭ بولغاندىكىن.
- ۋاي ماقۇل ئاچا ئىنى ئىككىڭلا بىر بولىۋالدىڭلا ھە.
- ھە!!!!!
- نېمە؟؟؟؟
- ئاكا نېمە دەپ جۆيلىۋاتىسەن؟
- كەچۈرۈڭلا ھە ئىككىڭلا بىر بولۇپ دېمەكچىتىم خاتا سۆزلەپ ساپتىمەن.
- مۇنداق دېمەمسە نېمە دەيدىغاندۇ بۇ ئاكام دەپ قاپتىمەن، قېنى كېلىڭلا تالاشماي تاماق يەيلى، سوۋۇپ كەتتى ھېلىمۇ.- شۇنداق دەپ بۇ دەتالاشمۇ توختىدى. ئەمما مەردان ئاللىقاچان بەگزاتقا گۇمانلىق نەزىرى بىلەن تىكىلىپ بولغانىدى، بەگزات بولسا مەرداندىن كۆزىنى ئېلىپ قېچىپ باشقا ياققا قارىۋالدى. مەنمۇ تېگى يوق خىياللارغا چۆكۈپلا كەتكەنىدىم.
........
دوختۇرخانىدا بىرەر ئايدەك ياتتىم، ئاڭلىشىمچە ھېلىقى قىزلار بارلىق دوختۇر پۇلۇمىزنى تۆلەيدىغان ھەم تۇتۇپ تۇرۇش ئورنىدا ئىككى ئاي تەربىيلىنىدىغان بوپتۇ. دوختۇرخانىدىن چىققاندىن كېيىن ئاسىيەنىڭ ئەھۋالى ئېغىر بولمىغاچقا ئىكككى ھەپتە ئۆيدە ئارام ئالغاندىن كېيىن ئىشقا چۈشۈپ كەتتى. زۇليار كۈندە دېگۈدەك بىر مۇنچە نەرسىلەر بىلەن يوقلاپ كېلەتتى، دائىم تەتۈر قاراپ تۇرىۋالاتتىم، ئۇمۇ تېرىكمەي-زېرىكمەي ئىشلارنى چۈشەندۈرۈپ قوياتتى، بەزىدە مەن گەپ قىلماي تەتۈر قاراپ ئولتۇرساممۇ ئۆزىچە گەپ قىلىپ بېرەتتى. بەگزاتمۇ ئاساسەن يېنىمدىن ئايرىلماي ھالىمدىن خەۋەر ئالدى. نىگارە دېگەن قىزمۇ بىر قېتىم ئۆيدىكىللىرى بىلەن كېلىپ كەچۈرۈم سوراپ قايتىپ كەتتى. ئاتا-ئانىسى مەجبۇرلىغاندىن كېيىن كەلگەن بولىشى مۇمكىن دەپ ئويلىدىم، چۈنكى ئۇنىڭ مىجەزىدىن ئۆلسىمۇ مەندىن كەچۈرۈم سورايدىغاندەك ئەمەس ئىدى، ئىشقىلىپ ھەر ھالدا خوش بولدۇم.
بۇ قېتىم شۇنداق ئۇزۇن ئارام ئالدىم، بىر مەزگىلدىن كېيىن ئۆي ئىچىدە ھاسىدا ئاقساپ بولسىمۇ ماڭغۇدەك بولدۇم، ئەمما ھەر بىر قەدەم ئالغىنىمدا شۇنداق قاتتىق بىر ئاغرىق مېڭەمدىن كىرىپ تاپىنىمدىن چىقاتتى. شۇنداقتىمۇ يېتىۋېرىشتىن زېرىكىپ چىداپ مېڭىشنى مەشىق قىلاتتىم. كېيىنچە بەگزات كۈندە دېگۈدەك بىنانىڭ ئىچىدىكى گۈللۈككە ئېلىپ چۈشۈپ ھاۋا يېگۈزىدىغان بولدى، ئۆيگە چىقىپ چۈشكىچە ئۇنىمىسام ئۇنىماي كۆتۈرىۋالاتتى. بەزىدە بىرگە كىتابخانا ۋە ساياھەت ئورۇنلىرىغا بېرىپ كېلەتتۇق، بەزىدە ئىككىىمزلا بارساق بەزىدە زۇليارمۇ ئەگىشىۋالاتتى.
ھاۋا ئوچۇق بولغان بۈگۈنمۇ كىتابخانىغا باردۇق، مەن ھاسىغا تايانمىساممۇ ئاقساپ بولسىمۇ ماڭغۇدەك بولغان ئىدىم. بەگزاتقا مۇھىم بىر تېلىفۇن كېلىپ قېلىپ ئۇ قايتقاچ تۇرىدىغان، مەن ئۇنى كىتابخانىدا ساقلايدىغان بولدۇم. خېلى ئۇزۇن ساقلىغان بولساممۇ كەلمىدى، بەگزات ھەركۈنى يېنىمدىن سايەمدەك بىر قەدەم نېرى كەتمەي ھەممە ئىشىمنى چەكلەپ، بىر يەرگە بارماقچى بولسام ئۆزى  ئاپىرىدىغان بولغاچقا تارتىنىپ ئۆزۈمنى ئەركىن ھېس قىلالمايتتىم. ھازىر مەن ئۈچۈن بىر پۇرسەت ئىدى. پۇرسەتنى غەنىمەت بىلىپ ئاستا سىرتقا چىقتىم.
كۆڭلۈمنى نېمىشقىدۇر بىر خىل بىلىپ بولمايدىغان ھېسياتلار قاپلىۋالدى، ئۆتمۈشۈمنى ھەم ھازىرقى ھالتىمنى ئويلاپ ئاقساپ كېتىپ باراتتىم. تۇيۇقسىز بىرى قولۇمنى كەينىمگە قايرىپ بىر قولى بىلەن ئاغزىمنى تۇتۇپ ياندىكى كىچىك كوچىغا سۆرەپ كىردى، قورقىنىمدىن چىرايىمدا قان دىدارى قالمىدى.
- جان لازىم بولسا يېنىڭدىكى پۇللارنى چىقار!- دەپ كىچىك بىر پىچاقنى چىقىرىپ ماڭا تەڭلىدى. شۇنچىلىك قورقۇپ كەتتىم، ۋارقىراي دېسەم ئاۋازىممۇ ھېچ چىقاي دېمەيدۇ، ئۈنسىز يىغلاپ تاشلىدىم.
- پۇلۇڭنى چىقار دەۋاتىمەن،- شۇنداق قاتتىق ۋارقىراپ گېلىمدىنلا سىقتى، پۇت قولۇم بوشىشىپ تۇرغان يېرىمگىلا يېقىلدىم.
- قولۇڭنى تارت ئەبلەخ!- بىرىنىڭ شۇنداق دېگىنى ھەم ھېلىقى بۇلاڭچىنى كەتكۈزىۋەتكىنى، ئاندىن يېنىمغا كېلىپ مەندىن ئەھۋال سورىغىنى، يانچۇقۇمدىن يانفۇنۇمنى ئېلىپ كىملەر بىلەندۇر پاراڭلاشقىنى غۇۋا ئېسىمدە. ھوشۇمغا كەلسەم بېشىمدا بەگزات، ئايزىبا، مەردان ھەم ناتونۇش بىر ئادەم ھەممىسى ماڭا قاراپ تۇرۇپتۇ. ھېلىقى ناتونۇش ئادەم كۆزۈمگە شۇنداق مېھرى ئىسسىق خۇددى بۇرۇن تونۇيدىغاندەكلا بىلىنىۋاتاتتى.
- ۋاي ۋۇي سىڭلىم ئەجەپمۇ ئەنسىرەتتىڭىز ئادەمنى، ئەمدى ھەرگىزمۇ سىزنى يالغۇز سىرتقا چىقارمايمەن.
- كەچۈرۈڭ ھەدە، ھەممىڭلارغا ئاۋارىچىلىق تېپىپ بەردىم.
- ئاۋارىچىلىق تېپىپ بەرگىنىڭىزنى بىلىدىكەنسىز ھە زىلالە، مېنى ساقلاڭ دېگەندىكىن جىم تۇرۇپ ساقلىسىڭىز كېلەتتىم ئەمەسمۇ؟ بەك قايتىپ كەتكۈڭىز بولسا تېلىفۇن قىلسىڭىز بولاتتىغۇ؟
- بولدى بۇ قىزنىڭمۇ ئويلىغىنى باردۇر؟ ئۇنى ئەيىبلەۋەرمەڭلا. قانداق ياخشى بولۇپ قالغاندەك تۇرامسىز سىڭلىم؟ بۇنىدىن كېيىن ئۆزىڭىز يالغۇز سىرتقا چىققاندا كۆپرەك دىققەت قىلىڭ. قاراڭ ئۆيدىكىللىرىڭىزنى بەكلا ئەنسىرىتىۋېتىپسىز.-ماڭا ياردەم قىلغان ناتونۇش ئادەمنىڭ سىلىققىنە قىلىپ ئېيتقان سۆزلىرى بىلەن باشقىچىلا بولۇپ قالدىم.  
- ھە... ھەئە خېلى ياخشى بوپ قالدىم، كۆپ رەھمەت سىزگە سىز بولمىغان بولسىڭىز بەلكىم مەن.....- ئاخىرىنى دېيىش تۈگۈل ئويلاشقىمۇ جۈرئەت قىلالماي يىغلاپ تاشلىدىم.
- تۈزۈت قىلماڭ، قېرىندىشى قىيىنچىلىققا يولۇقسا قاراپ تۇرۇش ئەركەكنىڭ ئىشى ئەمەس. يىغلىمىڭە بولدى كىچىك بالا، سىزنى ئاران تەستە كۆتۈرۈپ ئەكەلسەم مۇشۇنداق يىغلاپ بېرەمسىز؟- ئەزەلدىن يىغلاپ تۇرۇپ كۈلۈپ سالىدىغان، كۈلۈپ تۇرۇپ يىغلاپ كېتىدىغان قاملاشمىغان مىجەزىم بولغاچقا ئۇنىڭ گېپىنى ئاڭلاپلا كۈلۈپ كەتتىم.  
- قاراڭ كۈلسىڭىز چىرايلىق بولۇپ كېتىدىكەنسىز، كۈلۈپ يۈرۈڭ ھە.
- شۇ ئۆزى شۇنداق چىرايلىق بۇ جىن ئەممازە كۈلگىلى ئۇنىمايدۇ.- دەپ قېتىپ قويدى بەگزات قوشۇق سېلىپ.
- شۇنداقمۇ ئەمدى كۈلمىسە مەن ئۇنىمايمەن، كۈلۈپ تۇرۇپ جۇمۇ.- ئاستا بېشىمنى لىڭشىتتىم.
- سىزمۇ ھوشىڭىزغا كەلدىڭىز، مەنمۇ قايتاي ئازراق ئىشىم بار ئىدى. ئۆزىڭىزنى كۆپ ئاسراڭ. خالىسىڭىز ئالاقىلىشىپ تۇرايلى. بۇ مېنىڭ تېلىفۇن نۇمۇرۇم.ھە راست ئىسمىم جەۋلان- ماڭا بىر كىچىك كارتوچكىنى سۇنۇپ تاتلىق بىرنى كۈلۈمسىرەپ قويغاندىن كېيىن ھەممەيلەن بىلەن بىر قاتار خوشلىشىپ چىقىپ كەتتى، ئۇنىڭ چىقىپ كېتىشى بىلەن خۇددى بىر نەرسەمنى يۈتتۈرۈپ قويغاندەك بوپ قالدىم، كەينىدىن سايىسى يىتكىچە قاراپ تۇرۇپتىمەن.
- ھەي، نېمانچە قارايسىز ئادەم كۆرمىگەندەك.- بەگزاتنىڭ كاللامغا يېنىك نوقۇشى بىلەن ئەسلىمگە كەلدىم دە، شۇنداق خىجىل بولۇپ كەتتىم.
- گەپ ئاڭلىمايدىغان ياغاچ قۇلاق، دوختۇرخانىغا ئامراق بوپ قالدىڭىزما نازۇك خان، بۇ يەردىن چىققىلىمۇ تېخى ئۇزاق بولمىغانتى. كۆپرەك دىققەت قىلىڭ ھە ئەمدى. ما دوختۇرلارمۇ زېرىكىپ قاپتۇ سىزدىن.
- دوختۇرلار زېرىكسە دىلزات ئاكامب ىلەن ئايزىبا ھەدەم بارغۇ ئۇلار زېرىكمەيدۇ.
- ۋاي تېخى مۇنداق گەپمۇ بار دەڭ، ئايزىبا ئاڭلىدىڭمۇ؟ قارا بۇنىڭ ئەسكىلىكىنى تېخى.
- زىلالە دوختۇرخانىدىن چىقىپ كېتىڭە ئوماق سىڭلىم ئەھۋالىڭىز ئېغىر ئەمەسكەن.- گېپىمىزنى ئاڭلاپ تۇرغاندەكلا دىلزات قولىدا بىر مۇنچە بىمارلارنىڭ ئارخىپىنى قولتۇقلىغاچ كىرىپ كەلدى.
- لەببەي دىلزات بەگ ئاكاش.
- ۋىييەي جىننى ئەجەپ گەپدان بوپ قاپسىزغۇ؟
- يامان تۇرسام مەن ھى ھى ھى
- كىم شۇنداق دەيدۇ؟
- مەن!!!   
..........
توۋا ھېچقاچان بولۇپ باقمىغان ھېسيات، خۇددى بۇرۇن تونۇيدىغاندەكلا، قەلبىمنىڭ بىر يەرلىرىدە ئۇنى كىملەرگىدۇر ئوخشىتاتتىم، ئەمما ئىنتايى غۇۋا. يانفۇنۇمنىڭ يېنىك تىترىشى بىلەن خىيالدىن ئويغاندىم.  
- ئەسسالامۇ ئەلەيكۇم يىغلاڭغۇ سىڭلىم، قانداق ياخى بوپ قالدىڭىزمۇ؟- يانفۇننى ئۇلىشىم بىلەنلا قارشى تەرەپ ماڭا سالام قىلغۇدەك پۇرسەتمۇ بەرمەيلا ئەھۋال سوراپ كەتتى، ناتونۇش نومۇردىن كەلگەن تونۇش ئاۋازنى ناھايىتى تېزلا تونۇۋالدىم، ياق! مەن ئەمەس يۈرۈكۈم تونۇۋالدى.
- ۋەئەلەيكۇم ئەسسالام، ئاللاھقا شۈكرى ئۆزىڭىزچۇ؟ياخشى تۇرىۋاتامسىز؟ مەن ناھايىتى بەلەن تۇرىۋاتىمەن، ۋاپاسىز تېلىفۇن قىلىپمۇ قويمايسىزغۇ مەندەك يولدىن تېپىۋالغان ئاكىڭىزغا.
- كەچۈرۈڭ شۇ..شۇ...
- ئۇنتۇپ قالدىم دېمەڭ ھە يىغلاپ كېتىمەن سىڭلىم مېنى ئۇنتۇپ قاپتۇ دەپ.
- ھە..شۇ.. كەچۈرۈڭ نومۇرىڭىزنى يۈتتۈرۈپ قويۇپتىمەن.
- مەنمۇ مۇشۇنداق باھانە تاپارمىكىن دەپ ئويلىغان بوپتۇ، ئەمدى ئۇنتۇپ قالماڭ ھە.
- ماقۇل......
خۇددى كونا تونۇشلاردەك ئۇنى بۇنى دېيىشىپ يۈرۈپ بىرەر سائەتتەك پاراڭلىشىپتىمىز، بۇ يانفۇننى ئىشلەتكەندىن بۇيان ھېچكىم بىلەن بۇنچە ئۇزۇن پاراڭلىشىپ باقمىغان ئىدىم. كۆڭلۈمنىڭ بىر يەرلىرىدە خۇددى ئۇنى تونۇيدىغاندەك ھېس قىلاتتىم، بەگزاتمۇ ئۇ نومۇرنى كۆرۈپ ئارتۇق گەپ قىلمىدى. قىسقىغىنە بىر ئاي ئىچىدە نەچچە قېتىم كۆرۈشۈپ، كۈندە نەچچە ۋاق تېلىفۇندا پاراڭلىشىپ شۇنچىلىك يېقىن بولۇپ كەتكەنىدۇق. ئەمما تېلىفۇندا ئۇزۇن پاراڭلاشساق ئاۋازى بىر خىل تىترەپ چىقاتتى دە تېزلا قويىۋېتەتتى، بىرەر سائەت ئۆتكەندىن كېيىن كەچۈرۈم سوراپ قايتا تېلىفۇن قىلاتتى. كۆرۈشسەكمۇ بەزىدە بىر خىل تىترەپ جۇغۇلداپ، چېكىسىدىن تەر قۇيۇلۇپ كۆزىنىڭ ئېقى باشقىچە بولۇپ كېتەتتى، بۇنداق ۋاقىتلاردا تېزلا خوشلىشاتتۇق. ئۇنىڭدىن سەۋەبىنى سوراشقا پېتىنالمايتتىم، بەگزاتمۇ زۇليار بىلەن كۆرۈشسەم ئاچچىقلىسا جەۋلان ئاكام بىلەن كۆۈشسەم ھېچ نمە دېمەيتتى. گىچماچ خىياللار بىلەن كۈنۈم «نۇرغۇنلىغان نېمە ئۈچۈن؟» لەر بىلەن ئۆتمەكتە.  

داۋامى بار               
مۇنبەرداشلارنى ساقلاتقىنىم ئۈچۈن ئۆزرىلىكمەن

بۇلىقىم

ۋاھ  ۋاھ  ،شۇنداق  ياخشى داۋاملىشۋاتىدۇ ئاچا ،قوللىرىڭىزغا بەركەت  تىلەيمەن ،تىخمۇ ياخشى  بولغان  ئەسەرلەرنى ۋۇجۇدقا
چىقىرىشىڭىزغا تىلەكداشمەن ،ئەمىسە .اخىرىنى  ساقلايمەن

زەمزەم

بۇلىقىم يوللىغان ۋاقتى  2015-11-25 12:29
ۋاھ  ۋاھ  ،شۇنداق  ياخشى داۋاملىشۋاتىدۇ ئاچا ،قوللىرىڭ ...

كىم سىزنىڭ ئاچىڭىزكەن ئۇ قىز سىز بىلەن تەڭ تۇرسا ھى ھى ھى .....

بۇلىقىم

ھۆرمەت ئۇ بىلسىڭىز .مەندىن ئەقلى  ھەم يىشىمۇ چوڭكەن .ھۆرمەت قىلىپ دىدىم

دۇردانە

بۇلىقىم يوللىغان ۋاقتى  2015-11-25 12:29
ۋاھ  ۋاھ  ،شۇنداق  ياخشى داۋاملىشۋاتىدۇ ئاچا ،قوللىرىڭ ...

كۆپ رەھمەت تاتلىق

دۇردانە

بىر نەچچە ئاي ئاش يەپ قاچا بىكارلاپ ئاقنانچى بولغاندىن كېيىن پۇتۇممۇ ئاساسەن ساقىيىپ كەتتى. زۇليار بەگزات بىلەن ئايزىبا ھەدەمگە ئەمدى زىلالانىڭ كۆڭلىگە كېلىدىغان ھەم ئۇنىڭغا زىيان يېتىدىغان ئىشنى ھەرگىز قىلمايمەن، ئۇنى جېنىم بىلەن قوغدايمەن دەپ بىر مۇنچە ۋەدە بەرگەندىن كېيىن ئۇلارنىڭ مىڭ تەستە قوشۇلىشى بىلەن يەنە بۇرۇنقى ئىش ئورنۇمغا ئىشقا چۈشتۈم. ئەسلى نۇرغۇن كۆڭۈلسىزلىكلەرگە دۇچار قىلغان ئۇ جايغا قايتا بارماسلىقنى قارار قىلغان، ئەمما نېمىشقىكىن كۆڭلۈمنىڭ بىر يەرلىرى ئۇ جاينى خالاپ قالاتتى، كىملەرگىدۇر قىيمايتتى. توۋا ئۆزۈمنىڭ كۆڭلىنى ئۆزۈم چۈشەنمەيمەن دېسە، مۇشۇ كۈنلەردە زادى مەن چۈشەنمەيدىغان ئىشلار ئارقا-ئارقىدىن يۈز بېرىۋاتاتتى.  بۇرۇنقىدەك كۇرۇسقا بېرىپ ئوقۇشۇممۇ داۋاملاشتى. ئىشقا بەگزات ئاپىرىپ جەۋلان ئەكىلىدىغان بولدى. مەردانمۇ بەزىدە رېستۇراننىڭ باشقۇرۇشىغا ياردەملەشسە بەزىدە زۇليار بىلەن نەلەرگىدۇر بېرىپ سودا قىلىپ، رېستۇراننىڭ ئىشلىرىنى بېجىرىپ كېلەتتى. جەۋلان كۈندە دېگۈدەك كېلىپ تۇراتتى، بەزىدە بەگزات بىلەن نېمىلەرنىدۇر دەپ پىچىرلىشىۋاتقانلىقىنى كۆرۈپ قالاتتىم، ئىشقىلىپ كۆڭلۈمدە چىگماچ بولۇپ كەتكەن جاۋابسىز نۇرغۇن سوئاللار بار، ئەمما جاۋابىنى بىلىشكە ئاجىزمەن.
كۈنلىرىم يەنە بۇرۇنقىدەك ئۆتىۋەردى، مەن بىلەن بىللە ئىشلەيدىغانلارنىڭ مەن توغرۇلۇق ئېيتىشقان غەيۋەتلىرى ھېچ تۈگەيدىغاندەك ئەمەس. ئالدىمغىلا كېلىپ تىل سالغانلارمۇ بولدى. ئۇلارنىڭ دېيىشىچە مەن زۇليارنى ئازدۇرۇپ بىگارە بىلەن ئارىسىغا سوغۇقچىلىق ساپتىمىشمە، نىگارەگە ئۇۋۋال قىلىپ ئۇنىڭ جېدەل تېرىشىغا سەۋەبچى بوپتىمىشمە. بۇ گەپلەرگە ئاساسەن دېگۈدەك ئۈنسىز يىغلاپ تاقابىل تۇراتتىم. بۇنچە ناھەق خورلۇق تارتقۇچە بۇ يەردە ئىشلىمەي دەپ قانچە ۋاز كېچىشنىمۇ ئويلىدىم، ئەمما قىيالمىدىم. نەچچە كۈندىن بېرى تۈننى تاڭغا ئۇلاپ ئۆز-ئۆزۈم بىلەن پاراڭلىشىپ بەزىدە تەگىشىپ يۈرۈپ قىيالماسلىقىمنىڭ سەۋەبىنى ئادەمگە يەنە زۇليارغا باغلىدىم. ئەمما يەنە بۇ قاملاشمىغان نومۇسسىز خىيالىمدىن يىرگىنىپمۇ قالدىم، نەزىرىمدە بىر ئوغۇل بالىغا قانداقتۇر باشقىچە بىر ھېسيات بىلەن بېقىشمۇ نومۇسسىزلىق، ئەخلاقسىزلىق ھېسابلىناتتى، باشقىلارنىڭ ئېغىزىدا يادلىنىۋاتقان ياخشى كۆرۈش مۇھەببەت دېگەنلەردىن نېمىشقىكىن بەكلا يىرگىنەتتىم، شۇڭىمۇ بۇ ئويۇمدىن ناھايىتى تېزلا ۋاز كېچىپ قىيالماسلىق ئوبىكتىنى ئاسىيە ئۆزگەرتتىم.  
ئەتىگەندە رېستۇرانغا كېلىپ ئاسىيە بىلەن ئىشىكتىن كىرىپ تۇرىشىمىزغا يانفۇنۇم سايراپ كەتتى، ناتونۇشلا نومۇر......
- ئەسسالامۇ ئەلەيكۇم
- ۋەئەلەيكۇم ئەسسالام ياخشى تۇردىڭىزمۇ؟ مېنى ئۇنتۇپ قالمىغانسىز؟- نا تونۇش نومۇردىن چىققان ھەر قېتىم ئاڭلىغىنىمدا چۈشىنىكسىز ئازاب قوينىدا بولدى دېگۈچە تەۋرەندۈرىدىغان ھېلىقى ئاۋاز قۇلاق مېڭەمدە ياڭراق جاراڭلاپ كەتتى.
- ھە...ھەئە ئۇنتۇپ قالمىدىم، ئۆزىڭىز ياخشى تۇرىۋاتامسىز؟- ئۆزۈممۇ تۇيمىغان ھالدا ئۇنىڭغا سىلىق سالام قايتۇرىۋەتتىم، باشقىلار پىچاق ئۇرسا مېنىڭ ئەكىسچە ھېچ ئىش بولمىغاندەك ياخشى مۇئامىلە قىلىشىم قان قېنىمغا سىڭىپ كەتكەن ئەخمەقلىق بولسا كېرەك.
- ياخشى تۇرىۋاتىمەن، ئەھۋال سورىغىنىڭىزدىن خۇش بولدۇم. مېنى ئۇنتۇپ قالغانمىدۇ دەپ ئەنسىرىگەنىدىم.
- ياقەي سىزنىمۇ ئۇنتۇپ قالغىلى بولامدۇ؟- ماڭا قوشلاپ قوشلاپ ئازابلارنى سوۋغا قىلغان ئادەمنى ئۇنتۇپ قېلىشىم مۇمكىنمۇ، ئەمما نېمىشقىدۇر ئۇنىڭغا ئۆچ بولاي دەپمۇ ئۆچ بولالمايتتىم، بىرىگە ئامراق بولۇشۇم شۇنچە ئاسان ئۆچ بولۇشۇم نېمىشقىكىن بەسى مۈشكۈل ئىدى.
- ئۇنداقتا رەھمەت، ئەتە دوستلار ئارا ئولتۇرۇش قىلماقچىتۇق سىزنى ھەم دوستىڭىزنى تەكلىپ قىلاي. سىلەردىن يەنە بىر قېتىم كەچۈرۈم سورىۋالاي. سىزگە قىلغانلىرىمنى ئۇنتۇپ دوستلۇق قولۇمنى سۇنۇشقا پۇرسەت بېرەلەسىزمۇ؟- سىلىققىنە ئېيتىلغان بۇ سۆزلەردىن گاڭگىراپ قالدىم، ئاداۋەت تۇتۇش ياخشى ئىش ئەمەس. بۇ دۇنيادا كەچۈرۈپ بولالمىغىدەك خاتالىق يوق، ئۇنىڭ دوستلىقىنى قوبۇل قىلسام نېمىشقا بولمىغۇدەك، ئۇنىڭغا ماقۇللىقىمنى بىلدۈرۈپ، ئەتە چۈشتىن كېيىن ھېلىقى غەربىي كۆلدە كۆرۈشىدىغان بولۇپ ھەم ئۇنىڭ تەلىپى بويىچە بۇ ئىشنى باشقىلارغا دېمەسلىككە ۋەدە بېرىپ تېلىفۇننى قويدۇم.
- نىگارەمىكەن؟
- ھەئە بىلىۋاپسىزغۇ؟ يامان جۇمۇ سىز ئاسىيە
- ئۇنىڭ جادىگەرلەرنىڭكىدەك چىقىدىغان ئاۋازىنى چۈشۈمدە ئاڭلىساممۇ چۆچۈپ ئويغۇنۇپ كېتىمە مەن.
- ۋاي-ۋۇي ئەجەپ گەپ قىلىدىغا بوپ كېتىپسىزا؟ ئەمدى دوست بولىدىغان ئوخشايمىز ئۇ قىز بىلەن.
- بىزنى نەچچە ئاي دوختۇرخانىدا ياتقۇزۇپ قويۇپ يەنە قايسى يۈزى بىلەن كەچۈرۈم سورىدىكىنە ئۇ، ئىشقىلىپ مەن ئۇ ئولتۇرۇش بولىدىغان يەرگە بارمايمەن. سىزمۇ بارماڭ ئۇ قىز بار يەردە ياخشىلىق يوق.
- سىز بەك ياخشىغۇ ئاسىيە، ئاداۋەت تۇتسا بولمايدۇ قاراڭ، مۇشۇ بانىدە ياخشى بىر دوستقا ئېرىشىپ قالامدۇق تېخى.- گەرچە ئۇنىڭ ياخشىلىقىغا تازا ئىشەنچ قىلالمىساممۇ يەنە كۆڭۈلسىزلىك بولىشىدىن ئەنسىرەپ ئاسىيەنى كۆندۈرۈش ئۈچۈن يالغانلاردىن شۇنداق دەپ قويدۇم.
- زىلالە مېنىڭ راسلا بارغۇم مېنى زورلىماڭ بولامدۇ؟ ئۇنىڭ باشقىلارغا دېمەڭ دېگىنىدىن بىرەر شۇملۇقنى سەزمىدىڭىزمۇ؟
- ئۇمۇ بىزدىن كەچۈرۈم سورىماقچى ھەم دوست بولماقچىكەنغۇ، بەلكىم راسلا بىزگە يۈز كېلەلمەيدىغاندەك ھېس قىلىپ ئارىمىزدىكى سوغۇقچىلىقنى يوقاتماقچىدۇ. ھەممە ئىشنى يامان تەرىپىگە ئۆرىمەڭ، بەلكىم باشقىلارنىڭ ئالدىدا يۈزى چۈشۈپ كېتىشنى خالىمىغاندۇ؟
- ئۇنىڭغا شۇنچە ئىشىنەمسىز، مۇشۇ ساددىلىقىڭىزدىن زىيان تارتىپ قالمىسىڭىزلا بولاتتىغۇ. ماقۇل سىزنىڭ بىخەتەرلىكىڭىز ئۈچۈن بولسىمۇ باراي.- ئاسىيەمۇ ئاخىرى قوشۇلدى، كۆڭلۈم بىر خىللا بولۇپ قالغان ئىدى.
ئەتىسى ئىشتىن بۇرۇنلا چۈشۈپ دېيىشىپ قويغان جايغا كەلدۇق، نىگارە ئاللابۇرۇن كېلىپ بوپتىكەن، يۈز يېقىشىپ كۆرۈشتۇق، ئۇ بەكلا چىرايلىق بوپ كەتكەن ئىدى، ئوغۇللارنىلا ئەمەس قىزلارنىمۇ ھەۋەستە قالدۇرغۇدەك چىرايلىق ياسىنىۋالغان ئىدى. بىزنى قولتۇقلاپ چوڭ يولغا چىقىپ بىر پىكاپنى توستى دە، شوپۇرغا بىر نەرسە كۇلۇبى دېگەن يەرگە ھەيدەشكە بۇيرىدى. مەنمۇ ئېنىق ئاڭلىيالمىدىم. ئاسىيە بولسا بىر نەرسىدىن ئەنسىرىگەندەكلا ئۇياق بۇياققا قاراپ جىددىلىشىپ ئولتۇرالمايۋاتاتتى، مەن ئاستا قولىنى قولۇمغا ئېلىپ چىڭ سىقتىم ھەم ئۇنىڭغا قاراپ كۈلۈمسىرىدىم، ئۇمۇ يىنىكلا كۈلۈمسىرەپ ياغلىقى ئوڭشىۋېتىپ يانغا قاراپ ئولتۇردى.
ماشىنىدىن چۈشتۇق كىرانى بىز بېرىمىز دېگەنگە ئۇنىماي نىگارە سىلەر مېنىڭ مېھمىنىم دەپ ئۆزى بېرىۋەتتى. ۋىۋىسكىسىمۇ ھەرەڭ سەرەڭ يېنىپ تۇرغان، ئىچى ئۆڭكۈردەك كۆرىنىدىغان بىر دۇكانغا باشلىدى، ئۇنى نېمە دەپ تەسۋىرلەشنىمۇ بىلەلمەيۋاتاتتىم. ۋال-ۋال يېنىپ تۇرغان ۋىۋىسكىسىدىن خەنزۇچە شۇڭقار كۇلۇبى دېگەن خەتنى ئاران تونۇدۇم.
- قېنى كىرىڭلا
- قورۇنۇپ ئاسىيەگە چىڭڭىدە ئېسلىپ دېگۈدەك كىردىم. ئۇزۇن بىر كارىدۇردەك جايدىن ئۆتكەندىن كېيىن ئالىيېشىل چىراقلارغا، قۇلاقنى يارغۇدەك گوم-گوم چىقىدىغان تىلىنى بىلگىلىمۇ بولمايدىغان ناخشىلارغا، سەھنىدە قوتاندىكى ھايۋانلاردەك چىرقىرىشىپ ئوڭ-تەتۈر سەكرىشىۋاتقانلارغا، ئاتا-ئانىسىمۇ تونۇمىغۇدەك دەرىجىدە گىرىم قىلغان كۆكسى كۆىنىپ قالغۇدەك دەرىجىدە ئوچۇق كىيىنگەن، قوللىرىغا رومكا كۆتۈرىشىۋېلىپ بەللىرىنى تولغۇشىۋاتقان قىزلارغا، چاچلىرىنى ئاز دېگەندە 10-15خىل بويىۋالغان بىر قارىسا ئۇيغۇرغا بىر قارىسا باشقا مىللەتتىكىلەرگە ئوخشايدىغان ئايال ياكى ئەرلىكىنى تەستە پەرىقلەردۈرگىلى بولىدىغان، قىزلار تەرەپكە شەھۋىتىنى چاچرىتىپ ئاچ بۆرىدەك قاراۋاتقان يىگىتلەرگە، قىلچە نومۇس تۇيغۇسى بولمىغان ھالەتتە  ئىرمىشىپ چىرمىشىپ ئادەم قىلمايدىغان قىلىقلارنى قىلىپ يۈرگەنلەرگە قاراپ ئۆزۈمنىڭ بۇ يەرگە خاتا كېلىپ قالغانلىقىمنى ھېس قىلدىم، ئاستا ئاسىيەگە قارىدىم، ئۇنىڭ ئەھۋالىمۇ مەندىن قېلىشمىغۇدەك دەرىجىدە ئىدى.  
- يامان يەگە ئەكىردىمىكى دەپ ئەنسىرىمەڭلا بىز باشقا يەردە ئولتۇرىمىز مېڭىڭلا-دەپ يول باشلىدى نىگارە تىترەپ تۇرغان ئىككىمىزگە قاراپ، يۈرۈكۈم يەنىلا دۈپۈلدەپ سوقۇشتىن توختىمىدى. ئاستا قەدەملىرىم بىلەن مېڭىۋاتىمەن، تېلىفۇنۇمنىڭ تىترىشى بىلەن ئورنۇمدىلا تۇرۇپ قالدىم، قارىسام جەۋلان ئاكام تېلىفۇن قىپتۇ، يۈرۈكۈم بىر خىل خۇشاللىقتىن سەكرەپ كەتتى تېزلا تېلىفۇننى ئۇلىدىم.
- ئەسسالامۇ ئەلەيكۇم جەۋلان ئاكا.
- ۋەئەلەيكۇم ئەسسالام نېمانچە ۋاراڭ چۇرۇڭ سىڭلىم نەدە نېمە ئىش قىلىۋاتىسىز؟
- ھە نىگارەنىڭ تۇغۇلغان كۈنى ئىكەنتۇق، ئاسىيە بىلەن شۇڭقار كۇلۇبى دېگەن يەرگە.......
- كىم بىلەن پاراڭلىشىۋاتىسىز زىلالە، تېلىفۇنىڭىزنى بېرىپ تۇرىڭە.- دەپلا تېلىفۇننى قولۇمدىن يۇلۇپ ئېلىۋالدى نىگارە، ئىشنىڭ چاتاقلىقىنى سەزدىم.
- بىر دوستۇم تېخىچە كەلمىگەندەك قىلىدۇ، مېنىڭ تېلىفۇنۇمنىڭ توكى قالماپتىكەن، سىزنىڭكىنى ئىشلىتىپ تۇرايچۇ؟- دەپ تېلىفۇندا بىر نېمىلەرنى باسقاندىن كېيىن قۇلىقىغا تۇتتى دە ئاستا سېرىلدۇرۇپلا تاشلىۋەتتى. جاراڭڭىدە قىلغان ئاۋاز بىلەن تەڭ تېلىفۇنۇم نەچچە پارچە بوپ كەتتى، تېلىفۇنۇملا ئەمەس يۈرۈكۈممۇ نەچچە پارچە بوپ كەتتى، ئۇنىڭ بۇ غەلىتە ھەرىكەتلىرىدىن گۇمانلانماي دېسەممۇ ........
- ۋىييەي كەچۈرۈڭ قەستەن قىلمىدىم، ما پالاكەتلىكىمنى كۆرۈڭ، مەن ياسىتىپ بېرەي ھە زىلالە خاپا بولماڭ.- قاراپ تۇرۇپ يالغان سۆزلىگىنىگە شۇنداق ئاچچىقىم كەلدى، يەردە نەچچە پارچە بولۇپ ياتقان تېلىفۇنۇمنى ئاستا قولۇمغا ئالدىم، باتارىيەسىنى سېلىپ قايتا قوزغۇتاي دەپ شۇنچە قىلساممۇ تېلىفۇنۇم ماڭا قايتا كۈلۈپ قارىمىدى. كۆز ئىشارەتلىرىمىز ئارقىلىق بىر بىرىمىزگە ئۇچۇر قىلىپ كەينىمىزگە يېنىپ چىقىپ كەتمەكچى بولۇشتۇق، ئەمما  بايا كىرگەن ئىشىك ھېچ كۆرۈنمەيتتى، ئىشىكنىڭ يوقاپ كېتىشى مۇمكىن ئەمەس، چوقۇم نىگارە بىزنى ئايلاندۇرۇپ باشقا بىريەرگە ئەكەلگەن ئىدى.
- قېنى كىرىڭلا- دېدى بىر ئايرىمخانىنىڭ پەردىسىنى ئۆرۈپ كۆز چاناقلىرىمىز چىقىپ كېتەيلا دەپ قالغان بىزگە قاراپ. ئايرىمخانىدا رەتلىك كىيىنگەن ئۈچ يىگىت بىلەن بىر چىرايلىق قىز قاقاقلاپ كۈلۈشۈپ ئولتۇراتتى، بىزنىڭ كىرگىنىمىزنى كۆرۈپ توختاپلا قالدى، بۇ يەرگە كەلگىنىمگە قاتتىق پۇشايمان قىلىشقا باشلىدىم، نېمىشقىمۇ كەلگەن بولغۇيتتۇق، ئاسىيەنىڭ گېپىنى ئاڭلىغان بولسامچۇ كاشكى.....
- بىز قايتايلىمىكىن نىگارە، ئازراق ئىش بار ئىدى،- دېدىم جۈرئەتكە كېلىپ. قىز شۇنداق تېز ئۆرۈلۈپ قارىدىكى، قورقۇپ يۈرۈكۈم ئاغزىمغا كەپلىشىپلا قالدى.
- نېمە دېگىنىڭىز بۇ زىلالە جېنىم، ئاتايەن كەلگەندىكىن بىردەم ئولتۇرۇپ كېتىڭلا، مېنىڭ يۈزۈمنى قىلىڭ، قېنى ئولتۇرىڭە.- دەپ تارتىپ مۇرەمدىن بېسىپ ئولتۇرغۇزۇپ قويدى، تىكەندە ئولتۇرغاندەك بىئارام بولۇپ كەتتىم. كاللامنى ئىشلەتمىگەن گۇنا ئۆزۈمدە بولغاندىكىن مۇشۇمۇ ھەق، ئاز يامانلىق كۆردۈممۇ مەن بۇ قىزدىن زادى قاچانمۇ بىر كاللامنى ئىشلەتكۈدەك بولارمەن. ئاسىيەمۇ نىگارەنىڭ زورلىشى بىلەن يېنىمدىن ئورۇن ئالدى.
- سىلەرنى تونۇشتۇرۇپ قوياي،- دەپ گەپ باشلىدى نىگارە،- بۇلار مېنىڭ ئوتتۇرا مەكتەپتىكى ساۋاقداشلىرىم بۇياق ئىلھام ئۆزى كېلىشكەن مىجەزى ئوڭلۇق بالا بۇرۇن بىزنىڭ سىنىپ باشلىقىمىز بولغان، بۇياق بولسا ئەسقەر سىنىپىمىزنىڭ چاقچاقىسى، بۇ بولسا سۇبات ئىلھامنىڭ دوستى، يەنە بۇ چىرايلىق دوستۇم ئايجامال ئىسمى جىسمىغا لايىق ئايجامال دوست بوپ قېلىڭلا.- يەنە بىزنىمۇ تونۇشتۇرۇپ قويدى، مېنىڭ بۇلارغا قارىغىممۇ يوق، يىغلىغۇدەك بولۇپ ئولتۇرىۋاتاتتىم. ئۇلار بولسا چاقچاقلىشىپ كۈلۈشۈپ ئايرىمخانىنى كۆتۈرۋەتكەنىدى.  
- نېمە يەيسىز دەپ سورىدى ھېلىقى ئىلھام ئىسىملىك بالا، جاۋاب بېرىشنىڭ ئورنىغا يەرگە قاراپ ئولتۇرىۋالدىم.
- بولدىلا بۇيرۇتىۋېرەيلى بۇلارغا قارىساق بىزنى ئاياپ ئاچ قورساق ئولتاغۇدەك،- دەپ مېنىڭ ئورنۇمدا جاۋاب بەردى نىگارە كۈلۈپ.
ئۇلار بىر مۇنچە نەرسىلەرنى بۇيرۇتقاندىن كېيىن يەنە كۈلكە چاقچاقنى باشلىۋەتتى، ئۇزۇنغا قالماي ئۈستەل پۈتۈن يەيدىغان نەرسىلەر بىلەن توشۇپ كەتتى. بۇلارنىڭ پۈتۈنلەي يېيىلىپ بولالمايدىغىنى ئېنىق ئىدى، مۇشۇ تاماقلارنىڭ ئىسراپ بولىدىغىنىغا قاراپ بەكلا ئېچىندىم. بىر ۋاق ئاق نانغا زار بولىۋاتقانلارمۇ يوق ئەمەسقۇ، ئاچلىقتىن ئۆلىۋاتقانلارمۇ يوق ئەمەسقۇ..... داۋامىنى ئويلاشقا جۈرئەت قىلالمىدىم، ئىشقىلىپ ھازىرلا يىغلىۋېتىدىغاندەك كەيپىياتتا ئىدىم.
- تاماق يىسەڭلارچۇ ئاران بىر دىدارلاشقاندا، چىرايلىقلار قاراپلا ئولتۇرىۋالساڭلار بىزنىڭ گېلىمىزدىن تاماق تۈگۈل ھاۋامۇ ئۆتمەيدىكەن دەيمە.
- شۇنى دەيمە سىلەر ئۈچۈن تەييارلانغان داستىخان بۇ بۇنداق قاراپ ئولتۇرىۋالماڭلار.
- زىلالە مەن خاپا بولۇپ قالماي جۇمۇ، بولمىسا بۇندىن كېيىن چىرايىڭىزغا قارىماي قويىمەن،- دەپ غەلىتە بىر قىلىقلارنى قىلىپ كەتتى نىگارە، ئۇنىڭ خاپا بولۇپ قالماي دېگەن گېپى بىرخىل ئۇرغۇلۇق چىقتى، بۇ قىزنىڭ قولىدىن ھەر ئىش كېلىدىغىنى ماڭا ئايان ئىدى. ھازىرقى ئەڭ مۇھىم ئىش بۇ نەس باسقان جايدىن ساق-سالامەت ئايرىلىش.
تاماقلارمۇ يېيىلىپ بولدى، ياڭراتقۇدىن لىرىك مۇزىكا قويىلىۋاتاتتى. سۇبات بىلەن ھېلىقى ئايجامال ئىسىملىك قىز چاپلىشىپ ئۇسسۇل ئويناشقا چۈشتى، بۇنداق چەكتىن ئاشقان ئەخلاقسىزلىققا قاراپ تۇرۇشقا چىدىماي كۆزۈمنى چىڭ يۇمۇۋالدىم. ئاسىيەمۇ تاتارغان ھالدا يەردىن بېشىنى ئۈزمەي ئولتۇراتتى.
- ئەجەپ نامازغا كەلگەندەك ئولتۇرۇپ كەتتىڭلارغۇ، مىجەزىڭلار يوقمۇ؟ قېنى بۇ مېۋە سۈيىنى ئىچىۋېلىڭلار ياخشى بوپ قالارسىلەر.- دەپ ئىككى ئىستاكان مېۋە سۈيىنى ئۇزاتتى نىگارە. مېۋە سۈيىنى ئىككى ئوتلاپ تاتلىق تېتىپ قېلىپ تۈگىگىچە ئىچىۋەتتۇق، باشقىلار بولسا شۇنداق خۇشال ئۇسسۇل ئوينىشىۋاتاتتى. بىز بولساق دېلىغۇلا ھالەتتە مىق ئۈستىدە ئولتۇرغاندەك بىئارام بولىۋاتاتتۇق. تۇيۇقسىز باشلىرىم قېيىپ، پۈتۈن بەدىنىم ھالسىزلىنىپ، كۆزلىرىم يۇمۇلۇپلا كەتتى، ئاسىيەگە قارىسام ئۇمۇ شۇ ھالەتتە كۆزلىرى خۇمارلىشىپلا قاپتۇ. قۇلاقلىرىم ھاتتا باياتتىن بېرى يەر زېمىننى تىترەتكۈدەك چىقىۋاتقان ناخشىلارنىمۇ ئاڭلىيالمايۋاتاتتى. ئېغىزلىرىممۇ گەپكە كەلمىدى، پەقەت ئۈنسىز ياش تۆكىۋاتاتتىم. ئاستا ئورنۇمدىن تۇرماقچى بولدۇم، ئەمما تۇرۇپلا يەنە ئولتۇرۇپ قالدىم. مەندە ئۆرە تۇرغۇدەكمۇ ھال قالمىغانىدى. بەدىنىم خۇددى مېنىڭ ئەمەستەك ھېچ بۇيرۇقۇمغا بوي سۇناي دېمەيتتى. بۇ يەرگە كەلگىنىمگە مىڭ پۇشايمان قىلدىم، ئەمما پۇشايماننىڭ نېمىگە پايدىسى.
نىگارە ئالدىمدىكى ئىككى يىگىتكە بىر نېمىلەرنى دەپ بىزگە قولىنى چىناپ تىزلىرىغا شاپىلاقلاپ كۈلىۋاتاتتى، ئايجامال ئىسىملىك قىز بىلەن سۇبات ئىسىملىك بالا يوق تۇراتتى. ئىككى يىگىت نىگارەگە بىر نەرسىنى تۇتقۇزغاندىن كېيىن سەت ھىجىيىشقىنىچە بىزنىڭ ئالدىمىزغا كەلدى، ئۇلارنىڭ كۆزلىرىدىن يامان نىيەتنىڭ ئۇچقۇنلىرى چاچراپ تۇراتتى. شۇندىلا بىزنىڭ ئالدانغانلىقىمىزنى بىلدىم، نىگارە بولسا نومۇسمۇ قىلماي كۈلگىنىچە باياتتىن بېرى كۆرۈپمۇ باقمىغان چوڭ ياشلىق بىر ئادەمنىڭ قۇچىقىدا ئولتۇرۇپ ھېلىقى ئادەمگە گىرە سېلىۋاتاتتى. نومۇس قىلىپ يەرگە كىرىپ كەتكۈدەك بوپ كەتتىم، راس ئەگەر شۇتاپ يەر يېرىلغان بولسا چوقۇم كىرىپ كېتەتتىم. ماڭالىغۇدەك ماجالىم بولغان بولسا ئاۋۇ ھاياسىز ئېشەكنى دەردىم چىققۇچە ئۇرىۋالاتتىم. ئەمما پەقەت كۆزلىرىمنى مۇشۇنداق مۆلدۈرلىتىپ ئۈنسىز يىغلاشقىلا كۈچۈم يېتىدۇ.
ئىلھام دېگەن بالا كېلىپلا قولۇمدىن تارتىپ تۇرغۇزۇپ مېنى كۆتۈرگەننىڭ ئورنىدا يۆلەپ ئېلىپ ماڭدى. ئېغىرلىقىمنى سېلىپ يەردە ئولتۇرىۋالدىم، مېنى تۇرغۇزماقچى بولۇپ خېلى كۈچىگەن بولسىمۇ، مەن يەرگە چىڭ چاپلىشىۋالغان بولغاچقا تۇرغۇزالمىدى، ھېلىقى ئەسقەر دېگەن بىر نېمە كېلىپ ياردەملىشىپ مېنى يەنە ئۇنىڭغا تۇتقۇزۇپ قويدى. ئەسقەرمۇ كۆزلىرىنى يۇمۇپ لېۋىنى چىڭ چىشلىۋالغان ئاسىيەنى يۆلەپ كېلىۋاتاتتى. ئاسىيەگە چىدىمايلا قالدىم، ئەگەر ئۇنىڭ گېپىگە كىرگەن بولسام.....
ئۇ ئەبلەخلەر بىزنى يۆلەپ بايام كەلگەن يەرگە ئېلىپ كەلدى، يەنە ھېلىقى نومۇسسىز كۆرۈنۈشلەر، بىز بىلەن ھېكىمنىڭ كارى يوق. ئېسىت مەسئۇلىيىتىنى ئۇنۇتقان، ۋىجدانىنى زەي شور بېسىپ كەتكەن، غورورىنى يوقاتقان ئەقىلسىز ئەركەكلەر، جېنىدىن ئەزىز بولغان ھايانى ئىشرەت قۇربانلىرى قىلىۋەتكەن نادان قىزلار. ئەگەر شۇنچىۋالا ئوغۇللار ئارىسىدىن بىرەرسى چىقىپ بۇ قىزلارنى نەگە ئېلىپ ماڭدىڭ دەپ كۆكرەك كېرىپ ئوتتۇرىغا چىقىپ ئەركەكلىكىنى نامايەن قىلغان بولسا نەقەدەر خۇشال بولار ئىدىم ھە، ئەگەر راس شۇنداق ئەركەكلەر بولغان بولسا قىز - ئاياللىرىمىز ئەر دەپ يىغلىماس ئىدى.
ماڭا يېقىنلا جايدىكى بىر ھاراق بوتۇلكىسىنى كۆرۈپ قالدىم، روھىدىن ئايرىلغان تەندەك جانسىز ھالىتىمگە بار يوق كۈچلەرنى يىغىپ بۇ مەلئۇننىڭ قولىدىن يۇلقۇنۇپ چىقىپ، يۈگرەپ بېرىپ ھېلىقى بوتۇلكىنى ئېلىپ ئۈستەلگە ئۇرۇپ يېرىمىنى چاقتىم دە، قانغا بويىلىپ كەتكەن قولۇم بىلەن كارىم بولماي كېسىلگەن ھەرە چىشىدەپ بولۇپ كەتكەن بوتۇلكىنى تېز سۈرئەتتە ئەسقەرنىڭ بوينىغا تەڭلىدىم، كەينىمگە ھەدەپ دەلدەڭشىيتتىم، شۇنداقتىمۇ جانسىز قوللىرىمدا بوتۇلكىنى قويىۋەتمىدىم. باياتتىن بېرى ئېشەكتەك سەكرىشىۋاتقانلارمۇ كېلىپ ئويۇن كۆرۈپ تۇرۇشتى. ئەسقەر ئاسىيەنى قويىۋەتتى، ئاسىيە كېلىپلا ماڭا ئېسىلدى، شۇنىڭ بىلەن قولىمدىكى بوتۇلكىمۇ قولۇمدىن چۈشۈپ كەتتى، مەنمۇ ئاسىيەمۇ تەڭلا يەرگە يېقىلدۇق. ھېلىقى ئىپلاسلارنىڭ قولىغا يەنە چۈشۈپ قالدۇق، باشقىلارمۇ خىيالىدا يوق ئېشەك ئۇسۇلىنى داۋاملاشتۇرۇپ ئويناۋەردى، نومۇسسىزلىقلىرىنى يەنە باشلاۋەردى.
- ئىززىتىنى بىلمەيدىغان سەھرالىق قانجۇق!- ئېڭىكىمگە چاڭڭىدە بىر تەستەك تېگىشى بىلەن يەنە يەرگە يېقىلدىم، مېنى يۆلەپ تۇرغۇزۇپ يەنە ئۇردى. ئېغىزىمدىن قان ئارلاش بىر نەرسىلەر ئېقىۋاتاتتى.  
- ئىلھام بولدى ماڭە ئاداش ھېلى باشقىلار كېلىپ قالسا چاتاق بولىدۇ.- ئەسقەرنىڭ ئىلھامغا دېگەن گېپىنى غۇۋا ئاڭلىدىم، شۇنىڭ بىلەن ئىلھاممۇ مېنى ئۇرۇشتىن توختاپ يۆلەپ ئېلىپ ماڭدى. سوغۇق شامالنىڭ ئۇرۇلىشى بىلەن تەڭ سىرتقا چىققانلىقىمىزنى ھېس قىلدىم، بېشىمنى كۆتۈرۈپ قارىغۇدەكمۇ ھالىم يوق.
- ھايۋان- بىرىنىڭ تونۇش ئاۋاز بىلەن ۋارقىرىغىنىنى ئاڭلاپ بېشىمنى تەستە كۆتۈرۈپ قارىشىمغىلا بەگزات كېلىپ مېنى ئىلھامنىڭ قولىدىن تارتىۋالدى، دەلدەڭشىپ بېرىپ بەگزات بىلەن بىلەن يېقىلدىم، پالاكەتلىكىمدىن يەنە بەگزاتنىڭ ئۈستىگىلا يېقىلىپتىمەن، خىجىللىقتىن ئۆلگىدەك بوپ كەتتىم. كەينىدىنلا جەۋلان ئاكام ئىلھامنى بىر مۇش بىلەن يېقىتىۋەتتى دە ئۇرۇپلا كەتتى، بەگزات مېنى ئاۋايلاپقىنە يول بويىدىكى رېشاتكىنىڭ تۈۋىدە ئولتۇرغۇزۇپ قويۇپ جەۋلان ئانچە يىراق بولمىغان ئارىلىقتا ئەسقەرنى ئۇرىۋاتقان مەرداننىڭ يېنىغا بېرىپ ئاسىيەنى كۆتۈرۈپ ئەكەلدى، ئاسىيە ئاللىقاچان ھوشىدىن كېتىپتۇ. ئۇنى يېنىمدا ماڭا يۆلەپ ئولتۇرغۇزۇپ قويغاندىن كېيىن:
- مەن بېرىپ ماشىنىنى ئېلىپ كېلەي باياتتىن ئەكىلەي دېسەم ئورۇن يوقكەن، ئاسىيەگە قارىغاچ تۇرۇڭ- دەپ چوڭ يولنىڭ قارشى تەرىپىگە ئۆتۈپ كەتتى. كۆزۈم يۇمۇلۇپ قالايلا دېدى، تۇيۇقسىز ئىلھامنىڭ قولىدىكى جەۋلانغا شىلتىۋاتقان پىچاقنى كۆرۈپ يۈرۈكۈم جىغغىدە قىلىپ قالدى، جەۋلان پىچاقتىن ئۆزىنى قاچۇرۇپ ئالدى كەينىگە يېنىپ تۇراتتى. مەردان بولسا ئەسقەرنى ئۇرۇش بىلەن ئاۋارە، جەۋلان ئاكامدىن ئەنسىرەپلا قالغان ئىدىم. شۇ ئارلىقتا بەگزاتمۇ ماشىنىنى ئېلىپ كەلدى، ئاسىيەنى ماشىنىغا سېلىپ قويۇش ئۈچۈن ئېلىپ كەتتى، كۆزۈم پەقەت ئىلھامنىڭ قولىدىكى پىچاقتا ئىدى، ئېتىلىپ كەلگەن جەۋلان ئاكامدىن ئىلھامنىڭ قولىدىكى پىچاق ئىتتىك كېلىپ ئون نەچچە يىلنىڭ ئالدىدىكىگە ئوخشاش پاجىئە يەنە يۈز بەردى.
- جەۋلان!!!!!     
..........................................
- زىلالە ھوشىغا كەلدى!
بېشىم چىڭقىلىپ ئاغرىۋاتقانلىقىنى سەزدىم، ئاستا كۆزۈمنى ئېچىشىم بىلەن جەۋلان ئاكامنىڭ خۇشاللىقتىن ۋارقىرىغان ئاۋازى ئاڭلاندى، جانسىز بارماقلىرىم ئۇنىڭ ئالقانلىرى ئارىسىدا تۇراتتى. كۆزلىرى بولسا قىزىرىپ ئىششىپ كەتكەن بولۇپ يىغلىغانلىقىنى بىلىۋېلىش تەس ئەمەس ئىدى. كۆزلىرىمگە ئىشەنمەيلا قالدىم، جەۋلان ئاكام ئىلھام دېگەن ھايۋاننىڭ پىچىقىدا يارلانغان ئەمەسمىتى، قانداقسىگە ئالدىمدا ساپساق تۇرىدۇ؟ ياكى مەن شۇنچە ئۇزۇن ئۇخلىدىممۇ؟ۋە ياكى بۇ چۈشۈممۇ؟
- قانداقراق تۇرىسىز؟ ياخشى بوپ قالدىڭىزمۇ؟- ئۇنىڭ سىلىققىنە سورىغان سوئالىغا نېمە دەپ جاۋاب بېرىشنى بىلەلمەيلا قالدىم، بۇ چۈشتەكلا بىلىنىۋاتاتتى.
- ھەي، گەپ قىلىڭە. ياخشى بوپ قالدىڭىزمۇ؟
- قوپاللىق قىلمىساڭچۇ ئاكا
- بۇ چۈشۈم ئەمەستۇ ھە؟
- ۋاي ئاللاھ زىلالە نېمە دەيدىغانسىز؟ چىمداپ بېقىڭە قېنى.- بەگزات قولىنى ئۇزاتتى، گەپ قىلماي يەرگە قارىۋالدىم.
- سىزدىن بەك ئەنسىرىدۇق، بىرەر غەيرى ئەھۋال يوقتۇ؟
- ياق!
- ھە ئۇنداق بولسا ياخشى قورسىقىڭىز ئاچتىمۇ؟
- رەھمەت ئاچمىدى،- جەۋلاندىن ھېلىقى ئىشنى سوراي دەپ ئويلىغان بولساممۇ قانداق ئېغىز ئېچىشنى بىلەلمەيۋاتاتتىم.
- جەۋلان ئاكا مەن ئۇخلىغىلى قانچە ئۇزۇن بولدى؟
- ساق بىر ئاخشام بولدى قانداق سورايسىزغۇ؟
- ئەمسە سىز..... - دۇدۇقلاپلا قالدىم،- يارلانمىغانمۇ؟
گېپىمنى ئاڭلاپ ئاڭلاپ ھەممىسى سۈكۈتكە چۆمدى، شۇندىلا ئاسىيە بىلەن مەردان ئاكامنىڭ يوقلىقىنى سەزدىم.
- يارلانغىنى مەن ئەمەس، مەردان چاققان كېلىپ مەن يەيدىغاننى يەۋالدى. ھازىر جىددى قۇتقۇزۇشتا، ئاسىيە تېخى ھوشىغا كەلمىدى، يېنىڭىزدىكى كارۋاتتا ياتىدۇ ئەنە.- توۋا بىر ياتاقتا يېتىپ تۇرۇپتۇ كۆرمەپتىمەن دېسە ئاسىيەنى، ئەمما مەرداندىن ئەنسىرەپلا قالغانتىم. .
- جىددى قۇتقۇزۇشتا دېدىڭىزما؟ ئەھۋالى قانداقراق؟ ھەممىنى قىلغان مەن، ئەگەر ئاسىيەنىڭ گېپىگە كىرگەن بولسام بەلكىم بۇ ئىشلار يۈز بەرمەس ئىدى.- گېپىمنى دەپ بولالماستىنلا تۆكۈلۈپ كەتتىم.
- شۇ مۇشۇ ساددىلىقىڭىزدىن دائىم زىيان تارتىپلا يۈرىيسىز، قاچانمۇ ئەقلىڭىزنى تاپارسىز؟ قاراپ تۇرۇپ ئاشۇ نىگارە دېگەنگە ئىشەنگەن بولغاندىكىن، سىزگىمۇ ھەق.- بەگزات توغرا دەيدۇ، ماڭا ھەق زادى، كىم مېنى بۇنچە ئەخمەقلىق قىلسۇن دەپتىكەن.
- بولدى قىلغىنا بەگزات سەنمۇ، بەلكىم زىلالەمۇ ئۇ قىزنى ئۇنچە ئەسكى دەپ ئويلىمىغاندۇ؟
- شۇنى دەيمەن، مەنمۇ ئۇنى بۇنچە قىلار دەپ ئويلىماپتىمەن. توۋا قىز بالىمۇ شۇنچە نومۇسسىز، رەزىل بولىدىكىنا.
- سەنمۇ دىققەت قىل ئايزىبا
- ۋاي بېشىم، ئەجەپ ئاغرىدى دېسە.- ئاسىيە شۇنداق دەپ ھوشىغا كەلدى، بېشىدا قاراپ تۇرغان نەچچەيلەننى كۆرۈپ چۆچۈپ كەتتى بولغاي دەرھال كۆزىنى يۇمۇۋالدى، ھەممىمز بايىقى خاپىلىقنى چۆرۈپ ئاسىيەنىڭ قىلىقىدىن كۈلۈشۈپ كەتتۇق.
- ۋاي-ۋۇي بۇ ئاسىيەنى كۆزىڭىزنى ئېچىڭە ئۇششۇق- ئايزىبا ھەدەم بېرىپلا ئاسىيەنى قىچىقلاشقا باشلىدى.
- بولدى، بولدى مەن تەسلىم ئايزىبا خەپ سىزنى.
- ھا ھا ھا يامان جۇمۇ مەن ئاسىيەنى بىردەمدە تەسلىم قىلىۋەتتىم.
- سەن بىشەم يامانلىق ئەمەس ئۇ، قىچىقلاپ بوزەك قىلىپ تېخى.
- مېنى چېقىۋالمىساڭ تۇرالمايسە ھە ئاكا زادى.
- شۇنداق بولسا نېمە بوپتۇ، چىدا تازا ئاكاڭ بولغاندىكىن مەن.
- نېمىشقىمۇ ئاكام بولۇپ قالغان بولغۇيتتۇڭ زادى خەپ سېنى تەسلىم قىلمىسام- ئىككىسى كىچىككىنە ياتاقتا يۈگرۈشۈپ ياتاقنى كۆتۈرىۋەتتى.
- مەردان جىددى قۇتقۇزۇشتىن چىقىپتۇ، ئەمما كۆپ مىقداردا قان چىقىپ كەتكىنى ئۈچۈن دەرھال قان سالمىساق بولمايدىكەن.-  دىلزاتنىڭ كۆتۈرۈپ كىرگەن خەۋىرى بىلەن باياتتىنقى خۇشاللىقلار نەلەرگىدۇر ئۇچۇپ كەتكەن ئىدى.
- شۇنداق، جىددى قان سالمىساق ھاياتىغا خەۋىپ يېتىشى مۇمكىن. بىمارنىڭ ئائىلە تاۋاباتلىرى بارمۇ؟ ياكى بولمىسا بىر قوساق قېرىندىشى دېگەندەك.- دىلزاتقا ياندىشىپ كىرگەن ئايال دوختۇرنىڭ سوئالىغا ھەممىمىز ئاستا بېشىمىزنى چايقاپ جاۋاب بەردۇق.
- نېمە بولغىنى بۇ شۇنچە ئېغىر يارلىنىپتۇ، دەرھال ئۆيدىكىللىرىگە خەۋەر قىلىڭلار.
-قاراڭ دوختۇر ئۆيكىللىرى بۇ يەردىن بەك يىراقتا، قان لازىم بولسا بىزنىڭكىنى تەكشۈرۈپ توغرا  كەلسىلا قانچىلىك لازىم بولسا شۇنچىلىك ئېلىپ سېلىڭلار، ئەمما ئۆيدىكىللىرىگە خەۋەر قىلمايلى.
- ئۇنداقتا قانداق بولىدۇ؟
- ماقۇل دەڭە رىزۋانگۈل ھەدە بىمار مېنىڭ دوستۇم، ئۆيدىكىللىرى ئەنسىرەپ قالمىسۇن، بەگزاتنىڭ دېگىنىدەك قىلايلى.- دىلزاتنىڭ ئارىغا چۈشۈپ ئۆتۈنىشى بىلەن ئۇ ئايال دوختۇرمۇ مىڭ تەستە قوشۇلۇپ بىزدىن قان ئېلىپ تەكشۈرەيدىغان بولدى. ئاسىيە بىلەن مېنى بىمار دەپ قاراپ قان ئېلىشنى توغرا كۆرمىدى بولغاي، باشقىلارنى تەكشۈرۈش ئۈچۈن ئېلىپ چىقىپ كەتتى، ياتاقتا ئاسىيە بىلەن ئىككىمىزلا قالدۇق.
- زىلالە مەرداننىڭ ئەھۋالى ئېغىرمىدۇ؟
- ئەنسىرىمەڭ ئاسىيە مەردان ئاكامغا ھېچ ئىش بولمايدۇ، ئۇ كۈندىكى ئەقىلسىزلىقىم ئۈچۈن كەچۈرۈم سورايمەن. ئەگەر گېپىڭىزگە كىرگەن بولسام بەلكىم مەردان ئاكاممۇ بۇ ھالغا چۈشۈپ قالماس، سىزمۇ.....
- ئۇنداق دېمەڭ زىلالە، بۇمۇ بىر سىناق ئەمدى دىققەت قىلساق بولىدىغۇ؟ ھەركىم بېشىغا كەلمىگۈچە بىلمەيدۇ ئەمەسمۇ، بۇنى پۈتۈنلەي سىزدىن كۆرۈشكە بولمايدۇ، مەنمۇ نىگارەنى بۇنچە ئەسكىلىك قىلار دەپ ئويلىماپتىمەن. ھازىر بىردىنبىر ئەنسىرەيدىغىنىم مەردان، ئۇنىڭغا بىرەر ئىش بوپ قالسا مەن قانداق قىلىمەن.- ئاسىيە سۆزىنى تۈگىتىپلا يىغلاپ كەتتى، ئۇنىڭغا نېمە دەپ تەسەللى بېرىشنى بىلمەيتتىم. ئەمما گەپلىرىدىن باشقىچە بىر خۇشاللىقنى سەزدىم.
-نېمە دېيىشىۋاتقاندۇ بۇلار؟ ئاسىيە يىغلاپ كېتىپسىزغۇ زىلالە بوزەك قىلدىمۇ؟
- ياقەي ھەددىممۇ بوزەك قىلىشقا، مەرداندىن ئەنسىرەپ يىغلاۋاتىدۇ بۇ.
- ھە ئەسلى ئىش مۇنداق دەيلى بوپتۇ ئەمسە يىغلىۋالسۇن، مەردان ئەسلىگە كەلگەندە ئاسىيە سىزنى دەپ بەك يىغلاپ كەتتى ئەمدى ئۇنى رازى قىلىڭ دەپ يەتكۈزۈپ قوياي.
- ئاسىيە ئۈچۈن مەنمۇ دېيىشىپ بېرىمەن ئەلۋەتتە.
- قېلىنلا...- ئايزىبا ھەدەم بىلەن شەيتانلىق قىلىپ دېگەن گېپىمىزدىن ئاسىيە شۇنى ئارانلا دەپ يوتقانغا پۈركىنىۋالدى.
- ۋۇييەي نازۇكۇمنىڭ خىجىل بوپ كەتكىنىنى، خىجىل بولماڭ جانىم سىز ئۈچۈن مەنمۇ يۈزۈمنى قايرىپ قويۇپ ياردەم قىلىمەن سىزگە.
- بولدىلا ھەدە ئاسىيەنى خىجىل قىلمايلى، يېنىپ كىرىپسىزغۇ تەكشۈرۈپ بولدىمۇ؟
- ھەممىمىزدىن ئازراق قان ئېلىپ تەكشۈرىمىز دەپ ئېلىپ قالدى، نەتىجىسى ھېلىغىراق چىقارمىش. يىگىتلەر مەرداننىڭ يېنىدا قالدى، مەن سىلەرنى سېغىنىپ كىرىۋالدىمغۇ بوپتىمۇ يا؟
- ئەلۋەتتە بوپتۇ ھەدە ھېلىمۇ ياخشى كىرىپسىز سېغىنىپ تۇرغانتۇق.
- مەرداننىڭ ئەھۋالى قانداقراقكەن؟ياخشى بوپقاپتۇمۇ؟ يارىسى ئېغىرمىكەن؟- باياتتىن بېرى يوتقاندىن چىقماي يېتىۋالغان ئاسىيە مەرداننىڭ گېپى چىقىشى بىلەنلا سوئال سوراققا چۈشۈپ كەتتى. ئايزىبا ھەدەم ماڭا بىر قاراپ كۆزىنى قىسىپ كۈلۈپ قويغاندىن كېيىن قوشۇمىسىنى تۈرۈپ يىغلامسىراپ تۇرۇپ:
- ئەسلى ياخشى بوپ قالاي دەپتىكەن، ئەمما ئەھۋالى تۇيۇقسىزلا يەنە ئېغىرلاپ كەتتى. دوختۇرلارمۇ تىرىشىپ باقايلى بەك بولمىسا بىزدىمۇ ئامال يوق دەيدۇ... ھۈ...ھۈ..ھۈ..
- نېمە راس دەۋاتامسىز ئايزىبا، مەن ئۇنى كۆرۈپ چىقاي.- ئاسىيە ئايزىبا ھەدەمنىڭ گېپىنى ئاڭلاپ ئۈن سېلىپ يىغلىۋەتتى ۋە مەرداننى كۆرۈش ئۈچۈن كارۋاتتىن چۈشۈشكە تەرەددۇتلاندى،
- ئەلۋەتتە يالغان دەپ قويدۇم، مەردانىڭىز بەكلا ياخشى ئاسىيە قىز ئەنسىرىمەڭ.
-خەپ جۇمۇ ئاسىيە سىزنى مۇشۇنداقمۇ چاقچاق قىلامسىز دەيمەن.
- يىغلىمىڭە، مەرداننى سىز ئۈچۈن بولسىمۇ چوقۇم ساقايتىمىز.
- ئاللا ئاللا نېمىلەرنى ئاڭلاپ قالدىم مەن، خۇشاللىقلار خېلى كۆپمۇ نېمە؟- جەۋلاننىڭ كۈلۈمسىرەپ كىرىپ كېلىشىدىن ئاسىيە خىجىل بولۇپ يەرگە كىرىپ كېتەيلا دەپ قالدى ھەم تېزلا كارۋىتىغا چىقىپ تەتۈر قاراپ يېتىۋالدى.
- بولدى ئاسىيەنى خىجىل قىلمىڭە جەۋلان ئاكا.
- ماقۇل ماقۇل سىڭىلچاقلار قورسىقىڭلار ئاچقاندۇ مەن چىقىپ تاماق ئەكىرەي. كىم ئۈچۈن بولسىمۇ تاماق يەپ سالامەت تۇرمىساڭلار بولمايدۇ.- جەۋلان كۆزىنى قىسىپ قويۇپ چىقىپ كەتتى، ئايزىبا ھەدەم بىلەن قورسىقىمىزنى تۇتۇپ كۈلۈشۈپ كەتتۇق، ئاسىيە بولسا بىزگە تەتۈر قاراپ ئۇنى بۇنى دەپ غۇدراۋاتاتتى.
جەۋلان ئاكام ئەكىرگەن تاماق بىلەن غىزالانغاندىن كېيىن ھەممىسى ناماز ئوقۇپ كېلىش ئۈچۈن ئۆيگە كەتتى، دوختۇرلارنىڭ تەۋسىيەسى بويىچە بىز سەللىمازا ئەسلىمىزگە كېلىۋېلىشىمىز ئۈچۈن يەنە دوختۇرخانىدا قالدۇق. ئاسىيە مەرداننى كۆرىمەن دەپ چىقىپ كەتتى، مەن زېرىكىشلىك ياتاقتا يەنە خىياللار دېڭىزىغا چۆكتۈم.
چۈشتىن كېيىن ھەممىسى كېلىپ ياتاقنى يەنە قاينام- تاشقىنلىققا چۆمدۈردى، شۇنداق خۇشال تۇراتتۇق ھېلىقى رىزۋانگۈل ئىسىملىك ئايال دوختۇر كىرىپ كەلدى.
- ئايزىبا بىمار سىزنىڭ نېمىڭىز بولىدۇ؟- بەگزاتنىڭ چىرايى ئۆزگۈرۈپلا كەتتى، ئايزىبا ھەدەم بۇنى چاقچاق دەپ بىلدىمۇ قانداق كۈلۈپ تۇرۇپ:
- ئۇ مېنىڭ دوستۇم.
- پەقەت دوستىڭىزلىما؟
- ھەئە
- ئەمسە ئىككىڭلارنىڭ قانداشلىقىڭلارنى قانداق چۈشەندۈرىسىز؟ ئۇنىڭ بىر تۇققان قېرىندىشىڭىز ئىكەنلىكىنى ئىنكار قىلمايدىغانسىز؟
- نېمە دەۋاتىسىز؟ مېنىڭ پەقەت مۇشۇ بىر بەگزات ئاكاملا بار، باشقا بىر تۇققىنىم يوق نېمە ئىش بوپ كەتتى بۇ، مەردان بىلەن قانداقسىگە قانداشلىق مۇناسىۋىتىم بولسۇن؟
- يەنە بىر گەپ بەگزات بىلەن قېنىڭلارنى تەكشۈرۈپ ھېچقانداق تۇققانچىلىق مۇناسىۋەتنى سەزمىدۇق. يەنە سىلەرنىڭ قانداشلىقىڭلار يوق. دېمەك ئۇ سىزنىڭ ئاكىڭىز ئەمەس.
- مۇمكىن ئەمەس، بۇ مۇمكىن ئەمەس....- ئايزىبا ھەدەم بېشنى تۇتقىنىچە ھوشىدىن كەتتى، بەگزات بولسا گەپمۇ قىلماي ئايزىبا ھەدەمنى قۇرۇق كارىۋاتقا ئاستا ياتقۇزۇپ قويۇپ چىقىپ كەتتى. نەچچە ۋاقىتتىن بېرىقى غەيرى قاراشلار، چۈشۈنۈكسىز سوئاللارنىڭ تېگىگە يەتكەندەك بولدۇم. ھەممىمىز سۈكۈتتە، دىلزات ئاكام بولسا پايپېتەك بولۇپ ئايزىبا ھەدەمنى ھوشىغا كەلتۈرۈش بىلەن ئاۋارە. جەۋلان ئاكام بىردەم بېشىمىزدا قاراپ تۇرغاندىن كېيىن، ماڭا شۇنداق بىر قارىۋېتىپ چىقىپ كەتتى.
كۆڭلۈم يەنە بىلىپ بولماس چۈشىنىكسىز سوئال جاۋابلار ئىلكىدىن چىقالمايۋاتاتتى. مەردان راسلا ئايزىبا ھەدەمنىڭ ئاكىسىمىدۇ؟ ئۇنداقتا بەگزاتچۇ؟ ئۇ يىگىرمە يىلغا يېقىن بەگزاتنىڭ ئائىلىسىدە ياشىغان تۇرسا، بۇ قانداقسىگە مۇمكىن بولسۇن؟ بەگزات بۇ ئىشلارنى بىلەمدىغاندۇ؟....
ئايزىبا ھەدەممۇ شۇنچە تەستە ھوشىغا كەلدى، ئەمما بىر ئېغىزمۇ گەپ قىلماي يىغلاپ ئولتۇرىۋالاتتى، بۇ ئىشنىڭ ئۇنىڭغا بۇنچە قاتتىق تەسىر قىلىشى توغرا ئۇنىڭغا شۇنچە يالۋۇرۇپ قىززىق گەپ قىلىپمۇ يۇمشىتالمىدۇق، پەقەت دوختۇرلار كىرىپ مەردانغا جىددى قان لازىملىقىنى ئېيتىپ، ئايزىبا ھەدەمدىن قان ئېلىشنى قوبۇل كۆرىدىغان كۆرمەيدىغانلىقىنى سورىغاندىلا «ماقۇل» دەپ بىرلا ئېغىز گەپ قىلدى. ھەتتا تاماقنىمۇ يىگىلى ئۇنىمىدى، بەگزات قوپاللىق بىلەن قولۇمدىن تاماقنى تارتىپ ئېلىپ زورلاپ يىگۈزگەندىلا ئاز تولا يەپ قوياتتى. ئاسىيە بولسا مەرداننىڭ يېنىدىن ئايرىلمايتتى، دىلزاتمۇ مەرداننىڭ سالامەتلىكىنى ئەسلىگە كەلتۈرۈش بىلەن ئالدىراش، جەۋلان بىلەن بەگزات پات-پات چىقىپ كېتىپ بىر ئۇزۇندىن كېيىن بىر مۇنچە نەرسىلەرنى كۆتۈرۈپ كىرەتتى.
مەردانمۇ ھوشىغا كېلىپ بىز بىلەن ئېچىلىپ يېيىلىپ پاراڭلاشقۇدەك بولدى، ئايزىبا ھەدەم بولسا يەنە ئىپادىسىز بىر نوقتىغا تىكىلىپ ئولتۇرغىنى ئولتۇرغان ئىدى. دوختۇرلارمۇ ئىدىيىسىدىن ئۆتكەندە ئۆزى ئوڭشىلىپ قالىدۇ دېگەچكە بىزمۇ ئۆيگە ياندۇرۇپ ئەكىلىپ كىچىك بالىنىڭ ھالىدىن خەۋەر ئالغاندەك خەۋەر ئالدۇق. ئىككى ھەپتىلەردىن مەرداننىڭ ئەھۋالىمۇ خېلى ياخشىلىنىپ ئۇنىمۇ ئۆيگە قايتۇرۇپ ئېلىپ كەلدۇق، ئايزىبا ھەدەممۇ بۇرۇنقى ھالىتىگە ئاستا-ئاستا يۈزلىنىۋاتاتتى. بىر كۈنى بەگزات جەۋلانلار مەرداننى يۆلەپ بىز تۇرغان ئۆيگە ئېلىپ كىرىپتۇ، دىلزات ئاكاممۇ ئىشتىن قايتىپ كېلىپ ھەممىمىز بىر ئۆيگە يىغىلدۇق، تاماقلار يېيىلىپ قورساقلار توقلىنىپ بولغاندىن كېيىن بەگزات سۆز باشلىدى.
- نەچچە ۋاقىتتىن بۇيانقى تۈگۈننى يېشىش ھەم ھازىرغا قەدەر يوشۇرۇپ كەلگەن بارلىق ئىشلارنى ئاشكارلاشنى قارار قىلدىم، گەپنى نەدىن باشلاشنى بىلەلمەيۋاتىمەن، مەن ئاۋۋال چىگىش مۇناسىۋەتلەرنى ئېيتىپ ئۆتەي، ئامال بار ئۆزۈڭلارنى تۇتىۋېلىڭلار. ئايزىبا مېنىڭ سىڭلىم ئەمەس، مەن تۇغۇلغان يىلى ئۇنى ئانام بىلەن دادام تېپۋاپتىكەن، ئۇزۇن مەزگىل ئۆيدىكىللىرىنىڭ ئىز-دېرىكىنى قىلغان بولسىمۇ تاپالماي ئاخىرى ماڭا قوشۇپ«قوشكېزەك» دېگەن نام بىلەن بېقىۋاپتۇ. جەۋلانغا كەلسەك ئۇ زىلالەنىڭ ئاكىسى.- بۇ گەپلەرنى دەۋېتىپ ماڭا يەر تېگىدىن قاراپ قويدى، مەن جەۋلاننىڭ ئۆز ئاكام ئىكەنلىكىنى ئاڭلاپ ئاللىقاچان ئۆزۈمنى يوقاتقان ئىدىم.   

داۋامى بار

ئاتىكەم

بەك ھاياجانلىنىپ كىتىۋاتىمەن  ، بىچچارە  زىلالەنىڭ ئاكىسى پەيدا بوپتۇ ئاخىر  .
ئەسىرىڭىزنىڭ ئاخىرىنى  تەشنالىق بىلەن كۈتىمەن .
ئىجادىيىتىڭىزگە  ئۇتۇق ، بەرىكەتلەر  تىلەيمەن !

sapkalip

توۋۋا خۇدايىم  ئەجەپمۇ  تەس  چىقتى   ئاخىرى.

sapkalip

ئاخىرىدا  يەنە  نىمىش  بولا