يامغۇر ياغسىچۇ ...يامغۇر ..

 شۇتاپ سەن ئۇيقۇغا كەتتىڭ جەزمەن ، مەن تۇيغۇمدا سىنى كىزىۋاتىمەن ...  مەن ساڭا ئىستىلا بولغان شۇدەقىق ، لىۋىڭدىن باشلانغان نامەلۇم ئاپەت ، مەۋجۇتلۇقۇمنى يالماپ يۈتمەكتە بۇدەم .
ئازاب ماڭا ناتۇنۇش ئەمەس ، بەلكى ئۇ مەن ئىجاد قىلغان كۈي . بەلكىم سىنىڭ روھ شەھرىڭنىڭ ئەڭ ئاۋات دوقمۇشىدىمۇ  ،ئەشۇ پەرىشتە سىياقىدىكى تاتلىق جىنايەت مەڭگۈلۈك بىر ئابىدە تىكلەپ قويدى ..شۇنداق ، مەن ئۇيەردە يۇمشاققىنە چاچلىرىڭ ئارىسىدا مەغرۇرلۇقۇمنى راستىنلا ئۆلتۇرۇدم !
كەچكۈزنىڭ بۇ سوغۇق ئاخشىمى ،ئاسماندىن مۇزدەك قاراڭغۇلۇق تامچىماقتا ،ئىچىمدىكى مەخپى پىلانىتىغا . ئىسىڭدىمۇ مەن ئۇيەردە تۇنجى يارالغان ئادەم ئىدىم،ئىككىنچى كۈنى سەن مېنى تىپىۋالدىڭ ! ..سەن زادى نەدىن كەلدىڭ ؟؟
...
رىئاللىق بىلەن رىئاللىقنىڭ دۈشمىنى ئارىسىدا ياشاۋاتىمەن چاندۇرماي ،ئەمما چۈشلىرىمدە بىر دەھشەتتىن ۋەھى كەلمەكتە ..سەمىڭدە بولسۇن ئىككىمىز رەھىمسىزلىك بىلەن قەلب سىرلىرىمىزنى تالان-تاراج قىلىۋاتقان ئامراق دۈشمەنلەر بولساقمۇ ، لەۋلىرىمىز بىرلىشىپ ، ئادەم بىلەن ھەۋۋانىڭ قىلمىشىغا شىرىك بولدى !!
ئەتە سەھەردە كۈن غەرپتىن چىقسىكەن دەيمەن ، تا بۈگۈنگە قەدەر ئىنسانىيەت بىلگەن ۋە بىلمىگەن بارلىق مۆجىزىلەرنىمۇ بىسىپ چۈشىدىغان بىر مۆجىزىنى تىلەۋاتىمەن ....
تالادا ، مۇزلاپ كەتكەن كۈز شامىلى ،قوينۇمدا ئىسسىنىۋىلىش ئۈچۈن دىرىزەمنى چەكمەكتە ،ئۇنىڭ يۇمشاق ئەمما مۇزدەك قوللىرى سىنىڭكىگە ئوخشايدۇ ،ئىيتقىنە ئۇ ياكى سىنىڭ تىنىقلىرىڭمۇ ؟!
....
تۈن ، ئۈن-تۈنسىز ۋە راھەت -بەخىش ھالدا كۈندۇزگە  يەم بولماقتا . مەن قىززىپ -تولغۇنۇپ  ،ئىسمڭنى جۆيلۇۋاتقان خىيالىمنىڭ بىشىدا ،ئۇنىڭ ئىپادىسىز كۆزلىرىگە قاراپ ئولتۇرۇپ  ،رىئاللىق ئەزرائىلىنىڭ ئۇنى قايسى شەكىلدە تىنىچلاندۇرىغانلىقىنى ساقلاۋاتىمەن .
....
كېچىنىڭ ئۆلىمى داۋاملاشماقتا ،سەن شۇتاپ يەنىلا چۈش مەملىكىتىڭدىمۇ ؟
....
بىرتامچە يامغۇر ئىدىم ،ئاللاھ قۇدرىتى بىلەن بىر تامچە ھۇجۇدۇمغا ئالەمچە ئىزتىرابلارنى سىغدۇردى ،راھەت بىلەن ئوتلۇق نەپەس ئىلىۋاتىمەن ،چۈنكى پەرۋاردىگارىمنىڭ مىنى -ئەشۇنداق مەن قىلىپ ياراتقانلىقىدىن ھوزۇرلىنىۋاتىمەن ..
بىرتامچە يامغۇر مەن ،شۇتاپتا قارايامغۇر يىغىشىنى تىلەۋاتىمەن !شۇندىلا سەن مىنى تاپالمايتىڭ ئەمەسمۇ ؟!
ئىھ ........يامغۇر ياغسىچۇ  !!......يامغۇر ............!!

1999.9.9