wordpress بىلوگلار ئۇلىنىشلىرى

ئەسسالامۇ ئەلەيكۇم ، مۇئەللىم بىلوگىنىڭ ئەزىز ئىشتىراكچىلىرى ، ئالتۇن بويۇڭلار ئامان بولسۇن !
ئۇلىنىش بېتى كۆپ بولسىمۇ ، ئۇيغۇر بىلوگلىرىنى ئۆز بېكىتىگە سىغدۇرغان ئۇلىنىش بېكەتلىرى ساناقلا . سەۋەب نېمە ؟ كۆپلىگەن زىيارەتچىلەر بىلوگنىڭ نېمىلىكىنى بىلمەيدۇ ياكى چۈشەنچىسى كەم ، مەيلى ئۆز بىلوگىغا ئېلان قويۇپ كىرىم قىلىش جەھەتتىن بولمىسۇن ياكى ئۇلىنىش بەتلىرىدە ئۇلىنىش ئىلتىماس قىلىش جەھەتتىن بولمىسۇن زىيارەت مىقدارى ئاز بولغان ئۇيغۇر بىلوگلىرى بۇ يەكلىنىشتىن ئەسلا قۇتۇلالمىدى .
بىلوگلار ئۇلىنىشلىرى كەڭ ئۇيغۇر بىلوگلىرىنى بىر يەرگە جەم قىلىش ، كەڭ زىيارەتچىلەرنىڭ بىلوگنى زىيارەت قىلىشغا قولايلىق يارىتىش ۋە چۈشىنىشنى ئىلگىرى سۈرۈش مەقسىتىدە مۇئەللىم بىلوگىنىڭ قۇرغۇچىسى مەن (مۇئەللىم) ، دوغاپ ، تەشنا ، بىلىكئال قاتارلىق بىلوگگىرلارنىڭ ئورتاق كۈچ چىقىرىشى ئارقىسىدا wordpress سۇپىسىدا ياساپ چىقىلدى .
ئۇلىنىش قوشۇشتا ھىچقانداق چەكلىمە يوق ، پەقەت بىلوگىڭىزلا بولىدىكەن بىلوگلار ئۇلىنىشلىرى قاتارىدىن ئۆز ئورنىڭىزنى تاپالايسىز .

بەت كۆرۈنۈشلىرى

بەت سەھىپىلىرى

ھازىرچە ئۇلىنىش ئىلتىماس قىلىش ، بىلوگلار يېڭى يازمىلىرىدىن ئىبارەت سەھىپىلەر تەسىس قىلىنغان بولۇپ ، باشقا سەھىپە ۋە مۇناسىۋەتلىك ئىقتىدارلار كىيىنچە قوشۇلىدۇ ۋە مۇكەممەللەشتۈرلىدۇ .

ئىشلىتىش كۆرسەتمىسى

1. يانبالداق ئەڭ ئۈستى تەرىپىدىكى «ئۇلىنىش ئىلتىماس قىلىش» ئۇلانمىسىنى چېكىپ ، ئېچىلغان بەتتە ئۇلانما ئىلتىماسىڭىزنى قالدۇرۇپ قويسىڭىز بولىدۇ ، ئۇلانما ئىلىتماس قىلىشتىكى مۇناسىۋەتلىك تەلەپنى يانبالداق ئۇقتۇرۇشىدىن كۆرۋىلىڭ .
2. ھەر قايسى بىلوگلاردىكى «ئەڭ يېڭى بەش يازما»نى بىلوگ ئارىلاپ يۈرمەيلا بەت ئۈستى تىزىملىكىدىكى «بىلوگ يازمىلىرى» سەھىپىسىدىن كۆرۈڭ .
3. ئوزىڭىز ياقتۇرىدىغان بېكەتلەرنى بەت ئۇستىدىكى «دائىملىق مەنزىلىم» تۈرىنىڭ «بېكەت قوشۇش» نەمىلىق تىزىملىكنى چېكىش ئارقىلىق قوشۇۋىلىڭ ، يەنى چەكسىز بەت ئۇلانمىسىنى قوشالايسىز . تۆۋەندىكى رەسىمدىكىدەك مەشغۇلات قىلسىڭىز بولىدۇ ؛

سىز قوشقان بۇ ئۇلانما ، سىز تور كۆرگۈچىڭىزدە قالدۇق تازلىمىغان ۋە ياكى كومپىيۇتىر ئالماشتۇرمىغان ئەھۋال ئاستىدا بىر يىل ساقلىنىدۇ . باشقا كومپىيۇتىردا كۆرۈنمەيدۇ . ئادرېسىنى ساقلىۋىلىشنى ئۈمىد قىلىدىغان قانچىلىغان تور بېكەتلەرنى مۇشۇ خىل ئۇسۇلدا قوشىۋىلىپ ، قولاي بولغان ھالەتتە زىيارەت قىلىڭ .....
بىلوگلار ئۇلىنىشلىرىنى زىيارەت قىلماقچى بولسىڭىز ، بۇ يەردىن كىرىڭ :

بىلوگلار ئۇلىنىشلىرى