جاھان ئاگېنتلىقى 3-ئاپرېل خەۋىرى؛ لەگلەك تورى تەرجىمىسى: بىرلەشكەن دۆلەتلەر تەشكىلاتى ئىنسان ئىشلىرى ئورگىنى مەسئۇلى فالىيرى ئامۇسنىڭ بىلدۈرىشىچە، ئىراننىڭ قوللىشى ئاستىدىكى ھۇسىيلەر يەمەننى كەڭ دائىرىدە ئىشغال قىلىۋالغاندىن كېيىن يۈز بەرگەن تۇقۇنۇشتا ئۆلگەنلەرنىڭ سانى يېقىنقى ئىككى ھەپتە ئىچىدە 519 كىشىگە يەتكەن، يارىلانغانلار 1700 گە يەتكەن.
ئامۇس مۇنداق دېدى؛ «ئۇرۇش قىلىۋاتقان ھەر قايسى تەرەپلەر دوختۇرخانا، مەكتەپ، مۇساپىرلار لاگېرى، پۇقرالار تۇرالغۇلىرىغا ھۇجۇم قىلىشتىن قاتتىق ساقلىنىشى كىرەك، ۋە پۇقرالار بار رايۇنلارنى ھەربىي مەقسەتتە ئىشلەتمەسلىكى كىرەك، يەمەندە ئون مىڭلىغان كىشىلەر ئۆيلىرىدىن قېچىپ چىقتى، بۇلارنىڭ بىر قىسمى جىبۇتى ۋە سومالىيغا قاراپ ماڭدى» دېدى.