تەيۋەن ‹‹ بىرلەشمە ئاخبارات تورى ›› نىڭ 30-ئىيۇلدىكى خەۋىرىگە قارىغاندا ، 29 ياشلىق لۇئاينى بروۋننىڭ بەدەن ئېغىرلىقى 114 كىلوگرام بولۇپ ، ئەڭ سېمىز كەسپى پولات تۇربا ئۇسۇلچىسى ئىكەن .

ئامېرىكىنىڭ مارىلاند ئىشتاتىدا تۇرۇشلۇق لۇئاينى بروۋن ئەسلى بىر بوغالتىر بولۇپ ، ئون يىلنىڭ ئالدىدا بىرىنچى بالىسىنى تۇغقاندىن كېيىن ، بەدەن قىياپىتىنى ئەسلىگە قايتۇرۇش ئۈچۈن، ئۇسۇل سىنىپىغا تىزىملاتقان ، ئۇسۇل ئويناشقا قىزىقىپ قالغان لۇئاينى پولات تۇربا ئۇسۇلىنى كۆرگەندىن كېيىن، بۇ خىل يېڭىچە ئۇسۇل تۈرىگە تەۋەككۈل قىلىپ بېقىشنى ئويلاشقان . نەتىجىدە ، ئۇ پولات تۇربا ئۇسۇلىنى بەكمۇ ياقتۇرۇپ قالغان . لۇئاينى ئۇزۇن يىل تىرىشچانلىق كۆرسىتىپ ، لاياقەتلىك پولات تۇربا ئۇسۇلچىسى بولۇپ يېتىشىپ چىققان .2012 -يىلى لۇئاينى ‹‹ ئامېرىكا تالانت سەھنىسى ›› گە قاتنىشىپ ، ماھارىتىنى نامايەن قىلىپ ، باھالىغۇچىلار ۋە تاماشىبىنلارنىڭ قىزغىن ئالقىشىغا ئېرىشكەن .