شىنجاڭنىڭ شىمالىدىكى كۆپ قىسىم رايونلاردا قاتتىق قار ياغدى ۋە بوران چىقتى، 40 مىڭدىن ئارتۇق كىشى بوران ۋە قار ئاپىتىنىڭ زىيىنىغا ئۇچرىدى.
شىنجاڭ ئۇيغۇر ئاپتونوم رايونلۇق خەلق ئىشلىرى نازارىتى ئېلان قىلغان خەۋەرگە قارىغاندا، 2-ئاپرېل سائەت 12گىچە، بۇ قېتىم شىنجاڭدىكى قاتتىق بوران ۋە قار ئاپىتىدە ئۈرۈمچى شەھىرى، ئىلى قازاق ئاپتونوم ئوبلاستى، بورتالا موڭغۇل ئاپتونوم ئوبلاستى، قىزىلسۇ قىرغىز ئاپتونوم ئوبلاستى، سانجى خۇيزۇ ئاپتونوم ئوبلاستى، چۆچەك ۋىلايىتى، ئالتاي ۋىلايىتى قاتارلىق 7 ۋىلايەت ئوبلاستىكى 16 ناھىيە، شەھەر، رايوندا 48 مىڭ 195 كىشى ئاپەتكە ئۇچرىغان، بىر كىشى قازا قىلغان، 35 مىڭ 592.5 گېكتار يەردىكى دېھقانچىلىق زىرائىتى ئاپەتكە ئۇچرىغان، 127 ئېغىز ئۆي ئۆرۈلۈپ چۈشكەن، بىۋاسىتە ئىقتىسادى زىيان 109 مىليون 228 مىڭ 800 يۈەنگە يەتكەن. ھازىر ئاپەتتىن قۇتقۇزۇش خىزمىتى ئېلىپ بېرىلماقتا، شىنجاڭدىكى خەلق ئىشلىرى تارماقلىرى خادىملارنى تەشكىللەپ يوللارنى راۋانلاشتۇردى، تۇرمۇش ماددىي بۇيۇملىرىنى يۆتكەپ، ئاپەتكە ئۇچرىغان ئاممىنى ئورۇنلاشتۇردى.
نۆۋەتتە شىنجاڭنىڭ شىمالىدىكى كۆپ قىسىم رايونلاردا بۇغداي، قىزىلچا قاتارلىق ئەتىيازلىق زىرائەتلەر تېرىلماقتا، چارۋىچىلىق قوتان يۆتكەش ھەمدە قوزىلارنى ئەي قىلىش مەزگىلىدە تۇرماقتا، بوران ۋە قار ئاپىتى بۇنىڭغا تەسىر كۆرسىتىدۇ.