جاھان ئاگېنتلىقى 24-مارت خەۋىرى؛ لەگلەك تورى تەرجىمىسى: لىۋىيەنىڭ توبروك رايۇنىدا نامايىشچىلار، ۋەكىللەر مەجلىسى باشلىقى سالىھ بىلەن كۆرۈشۈش ئۈچۈن كەلگەن بىرلەشكەن دۆلەتلەر تەشكىلاتى لىۋىيە ئالاھىدە ۋەكىلى لىيون ئايرۇدرومدىن دۆلەتكە كىرىشىنى چەكلىدى.
توبروك ساقچىخانىسىدا ۋەزىپە ئۆتەۋاتقان يۈسۈف قۇدرە، مۇخبىرغا سۆز قىلىپ، بىر گۇرۇپ نامايىشچىلارنىڭ ، رايۇندىكى ۋەكىللەر مەجلىىسى باشلىقى ئاقىلە سالىھ بىلەن «لىۋىيەلىك تەرەپلەر ئارىسىدا ماراكەشنىڭ سۇھەيرات رايۇنىدا باشلانغان سۆھبەت ئۇچرىشىشى» ھەققىدە سۆزلىشىش ئۈچۈن كەلگەن ب د ت ئالاھىدە ۋەكىلى Bernardino Leon نىڭ ئايرۇدرومدىن دۆلەتكە كىرىشىگە توسقۇنلۇق قىلىپ، كەلگەن ئايرۇپىلان بىلەن قايتىپ كېتىشىگە سەۋەب بولغانلىقىنى بىلدۈردى.
قۇدرە يەنە، نامايىشچىلارنىڭ بىرلا ۋاقىتتا ۋەكىللەر مەجلىسىگە قاراشلىق بىخەتەرلىك قىسىملىرىنىڭ ئايرۇدرومغا كىرىپ ب د ت ۋەكىلىنى قارشى ئېلىشىغا توسقۇنلۇق قىلغانلىقىنى بىلدۈردى.
قۇدرە يەنە، نامايىشنىڭ ب د ت ۋەكىلى لىيوننىڭ سۆھبەت ئۇچرىشىشىدا سىياسى ئىسلام تەرەپنى قوللىشى سەۋەبلىك بولغانلىقىنى بىلدۈرۈپ، نامايىشچىلارنىڭ رايۇندىكى ۋەكىللەر مەجلىسىنى ۋە ئارمىيەنىڭ تېرورغا قارشى كۈرىشىنى قوللىغان خەتلەر يېزىلغان لوزونكىلارنى كۆتۈرۋالغانلىقىنى تىلغا ئالدى.