جاھان ئاگېنتلىقى 23-مارت خەۋىرى؛ لەگلەك تورى تەرجىمسى: ئىراق مۇداپىئە مىنىستىرى ئۇبەيدى، ئىراق ئارمىيسىنىڭ تىكرىت رايۇنىنى تامامەن قورشاۋغا ئالغانلىقىنى بىلدۈردى، ئۇ «مۇۋاپىق پەيت كەلگەندە تىكرىتكە تېز بىر شەكىلدە ھۇجۇم قىلىمىز» دېدى.
ئۇبەيدى، شىئە قۇراللىقلارنىڭ ياردىمىدىكى ئىران ئارمىيسىنىڭ ، ئىراق ۋە شام ئىسلام دۆلىتى تەشكىلاتىنىڭ كونتروللىقىدىكى تىكرىت رايۇنىنى «تامامەن قورشاۋ» ئاستىغا ئالغانلىقىنى بىلدۈرۈپ بايانات ئېلان قىلدى،ئۇ باياناتىدا، پۇقرالارنىڭ زىيانغا ئۇچرىماسلىقى ئۈچۈن پىلان تۈزگەنلىكىنى ئېيتىپ، «تىكرىتتە ئۇرۇش قىلىۋاتقان قىسىملار مۇۋاپىق پەيت كەلگەندە، ئىمكانىيەت بولغاندا رايۇن مەركىزىگە تېز شەكلدە ھۇجۇم قىلىمىز، ئىراق ۋە شام ئىسلام دۆلىتى تەشكىلاتى دائىرلىرىنىڭ قورشاۋ ئاستىدا ئىكەنلىكىنى ۋە شۇڭلاشقا ئۇلارنىڭ كەيپىياتى ياخشى ئەمەسلىكىنى» بىلدۈردى.
ئىراقنىڭ شىمالىدا بىر قانچە سۈننىيلەر رايۇنى قاتارىدا تىكرىتمۇ 2014-يىلى ئىيۇندا ئىراق ۋە شام ئىسلام دۆلىتى ئەسەبىي تەشكىلاتىنىڭ قولىغا ئۆتۈپ كەتكەن ئىدى. سابىق ئىراق رەھبىرى سادام ھۈسەيىننىڭ يۇرتى بولغان تىكرىتنى ئەسەبىي تەشكىلاتتىن قايتۇرۋېلىش ئ‍ۈچۈن ئارمىيە ۋە ئارمىيەنى قوللاپ ئۇرۇش قىلىۋاتقان 20 مىىڭ شىئە قۇراللىق بۇ ئاي بېشىدىن باشلاپ ھەرىكەت باشلىغان ئىدى.
بۇ ئارلىقتا ئىراقتىكى ئەڭ كۈچلۈك شىئە قۇراللىق گۇرۇپپىلاردىن بەدىر ئەترىتىنىڭ قۇماندانى، ئىراق ئارمىيسى بىرلەشمە ئىتتىپاقتىن ھاۋا ياردىمى تەلەپ قىلغانلىقى ئۈچۈن ئارمىىيەنى ئەيبلىدى. ئامېرىكا ھۆكۈمىتىمۇ، ئىراق ئارمىيىسى تەلەپ قىلمىغانلىقى ئۈچۈن تىكرىت ھەرىكىتىگە ھاۋا ياردىمى بەرمىگەنلىكىنى بىلدۈردى. تىكرىت ھەرىكىتىدە ئىراق ئارمىيسى ۋە شىئە قۇراللىقلارغا ئىران ھۆكۈمىتى ياردەم بېرىۋاتىدۇ. يېقىندا ئامېرىكا مەركىزى ئاخبارات ئىدارىسى باشلىقى John Brennan ، ئىراننىڭ ئىراقتا ئەسەبىي تەشكىلات بىلەن بولغان كۈرەشتىكى رولىنى ئەيىبلىدى. Brennan« كۆپ ھۇجۇم قىلغۇچى دېيىلىۋاتقان ئىرانلىق قۇماندان قاسىم سۇلايمانىنىڭ ئەسەبىي تەشكىلات بىلەن بولغان كۈرەشنى قىيىنلاشتۇرغانلىقىنى» ئېيتتى.
شىئە قۇراللىقلار ئىنسان ھەقلىرى تەشكىلاتلىرى تەرىپىدىن ئىراقلىق سۈننىيلەرگە ھۇجۇم قىلىش، ئوققا تۇتۇش، قاتتىق قىيناش ۋە ئۆلتۈرۈش ۋەقەلىرى سەۋەبلىك ئەيبلەنمەكتە.