خۇددى «ئىشنىڭ بېشى باھاردىن» دېگەندەك، ئوزۇقشۇناسلار يېقىندا مۇنداق دېيىشتى: «باھار پەسلىدە بالىلارنىڭ ئوزۇقلۇق تەڭپۇڭلىقىغا كاپالەتلىك قىلغان ئاساستا، يېتەرلىك ئاقسىل ۋە كالتسىي تولۇقلاشقا دىققەت قىلىش كېرەك، چۈنكى ئۆسۈپ يېتىلىۋاتقان بالىلارنىڭ ئاقسىلغا بولغان ئېھتىياجى قۇرامىغا يەتكەنلەرگە قارىغاندا كۆپ، شۇڭا ئاقسىل يېتەرلىك بولمىسا بوينىڭ ئۆسۈشىگە تەسىر يېتىدۇ. بالىلار غىزالانغاندا ئاقسىلنىڭ قوبۇل قىلىنىشىغا ئالاھىدە ئەھمىيەت بېرىپ، ئۇلارغا تۇخۇم، بېلىق، كالا گۆشى، سۈت، كۆكتات، مېۋە ۋە قاتتىق پوستلۇق مېۋىلەرنى كۆپرەك يېگۈزۈش كېرەك».
ئوزۇقشۇناسلار يېقىندا مۇنداق دېيىشتى: « كوللاگېن بىلەن يېپىشقاق ئاقسىل سۆڭەكنى تەشكىل قىلىدىغان مۇھىم تەركىب. كالتسىي سۆڭەك يېتىلىشنىڭ ئاساسى، ئەگەر يېمەكلىك ئارقىلىق فىزىيولوگىيەلىك ئېھتىياجىغا يېتىدىغان كالتسىي قوبۇل قىلىنمىسا، قاندىكى كالتسىي ۋە يۇمشاق توقۇلمىدىكى كالتسىي يېتىشمەي، سۆڭەكتىن كالتسىي قوبۇل قىلىشقا توغرا كېلىدۇ؛ ئەگەر سۆڭەككە كالتسىي يېتىشمىسە، سۆڭەك شالاڭلىشىش، ئومۇرتقىنىڭ شەكلى ئۆزگىرىپ كېتىش، ئومۇرتقىسى مايماق كېتىش قاتارلىق ئاقىۋەتلەر كېلىپ چىقىدۇ. سۆڭەك يېتەرلىك ئوزۇقلۇققا ئېرىشەلمىسە، نورمال ئۆسۈپ يېتىلمەي، بوي ئۆسۈشتىن توختايدۇ».