جاھان ئاگېنتلىقى 17-مارت خەۋىرى؛ لەگلەك تورى تەرجىمىسى: مىسىر سوتى يانۋار ئ‍ېيىدا ئىنقىلابنىڭ يىل ھارپىسىدىكى نامايىشلاردا ھاياتىدىن ئايرىلغان شەيما سابباھنىڭ ئۆلۈمىگە مىسىر ساقچىلىرى مەسئۇل دەپ قارىدى. بۇ دىلو ھەققىدىكى ھۆججەت سوت مەھكىمىسىگە يوللاندى.

مىسىردا 30 يىللىق ھۆسنى مۇبارەك ھۆكۈمىتىگە خاتىمە بەرگەن ئىنقىلابنىڭ 4 يىللىق ئەسلىمىسى ئۈچۈن يانۋار ئېيىدا ئۆتكۈزۈلگەن نامايىشلاردا سوتسىيالىستىك خەلق ئىتتىپاق پارتىيىسىدىن شەيما سابباھ ئېتىپ ئۆلتۈرۈلدى. سوتسىيالسىتك گۇرۇپ ئەزالىرى شەيمانى ئۆلتۈرگەن قاتىلنىڭ يېقىن ئەتراپتىكى قۇراللىق ساقچىلارنىڭ بىرى ئىكەنلىكىنى ئېيتتى. تەكشۈرۈش خىزمىتى باشلىغان ئىچكى ئىشلار مىنىستىرى، شەيمانىڭ قاتىلىنىڭ چوقۇم تېپىلىدىغانلىقىغا ۋەدە بەرگەن ئىدى.
ئىنقىلابنىڭ يىل ھارپىسىدا يۈز بەرگەن ۋەقەلەردە ئاز دىگەندە 20 كىشى ئۆلدى.

2011-يىلى 25-يانۋاردا مسىردا پائالىيەتچىلەر ئىشسىزلىق، يولسۇزلۇق ۋە يولسۇزلۇققا قارشىلىق بىلدۈرۈش ئۈچۈن 30 يىلدىن بۇيان داۋاملىشۋاتقان ھۆسنى مۇبارەك ھاكىمىيتىگە قارشى ھەرىكەت قىلىشقا چاقىرىق قىلدى. شۇنىڭ بىلەن بۇ چاقىرىق ھەرىكەتكە ئايلاندى، مىڭلىغان نامايىشچى قاھىرەنىڭ مەركىزىدىن باشلاپ ھاكىمىيەت بېشىدىكى مىللى دېموكرات پارتىيىسىنىڭ مەركىزىگە، ئىچكى ئىشلار مىنىستىرلىكى ۋە دۆلەتلىك تېلىۋىزىيە ئىدارىسىغا قاراپ ماڭدى. بۇنىڭغا ئوخشاش نامايىشلار دۆلەتنىڭ بارلىق رايۇنلىرىدا يۈز بەردى.
بىر قانچە سائەت جىمجىت تۇرغاندىن كېيىن ساقچىلار بىلەن نامايىشچىلار تۇقۇنۇشتى. ساقچىلار مۇبارەككە قارشى نامايىشچىلارغا ياش ئاققۇزۇش بومبىسى ۋە يۇقىرى بېسىملىق سۇ چاچتى. دۆلەتتە نامايىش باشلىنىپ بىر قانچە سائەتتىن كېيىن ئىچكى ئىشلار مىنىستىرلىكى ئېلان قىلغان بىر ئۇقتۇرۇشتا، قالايمىقانچلىق ۋە نامايىشلارغا مۇسۇلمان قېرىنداشلار تەشكىلاتىنى مەسئۇل دەپ قارىدى. مىسىردا بارلىق پائالىيەتلىرى چەكلەنگەن ۋە ئەڭ چوڭ ئۆكتىچى دەپ قارالغان مۇسۇلمان قېرىنداشلار بۇ ئۇقتۇرۇشنى يالغان دەپ رەت قىلدى.
بۇ نامايىش ھەرىكەتلىرى فايىسبۇك ۋە تىۋىتتېر قاتارلىق ئىجتىمائى ئالاقە قۇراللىرىدا كەڭ دائىرىدە تارقالدى. ئىچكى ئىشلار مىنىستىرلىكى ھۆكۈمەتكە قارشى نامايىشلاردا 3 نامايىشچى ۋە بىر ساقچىنىڭ ئۆلگەنلىكىنى بىلدۈردى. بۇ ئارلىقتا نامايىشلارنىڭ مەركىزى ۋە ئىنقىلاپ ئوتى پارتىلغان نوقتا بولغان تەھرىر مەيدانى «ئازادلىق مەيدانى» ھۆكۈمەتكە قارشى نامايىشچىلارغا توشۇپ كەتتى. نامايىشچىلارنىڭ قوللىرىدا بايراقلار ۋە «مۇبارەك يۇقال» دەپ يېزىلغان لوزونكىلار بار.
25-يانۋاردا تەھرىر مەيدانىغا توپلاشقان ئون مىڭلىغان مىسىرلىق، 11-فېۋرال ھۆسنى مۇبارەكنىڭ ئىستىپا بېرىشى بىلەن ئىنقىلابنى تەبرىكلىدى.