بەيدۇ تورى خەۋىرى لەگلەك تورى تەرجىمىسى .يېقىندا ئەنگلىيىدىكى بىر تۈركۈم ئاتا ئانىلارغا قارىتا تەكشۈرۈشتىن بايقىلىشىچە ،مۇتلەق كۆپ ساندىكى ئاتا ئانىلار بالىلىرى تېلېۋىزور كۆرگەندە تېلېۋىزوردا ئەخلەت يېمەكلىك ئېلانلىرىنىڭ قۇيۇلماسلىقىنى ئۈمىد قىلىدىكەن .

ئەنگلىيە خان جەمەتى تىببىي ئىنىستوتىتىنىڭ 2000دىن ئارتۇق ئەنگلىيىلىك ئاتا ئانىغا قارىتىلغان بىر تۈرلۈك تەكشۈرۈشتىن مەلۇم بولۇشىچە ،تەكشۈرۈشكە قاتناشقان ئۈچتىن ئىككى قىسىم ئاتا ئانىلار ئەخلە ت يېمەكلىك ئېلانلىرىغا قارشى تۇرۇپ ،تىببىي مۇتەخەسسىسلەر ئوتتۇرىغا قويغان كەچ سائەت توققۇزدىن بۇرۇن تېلېۋىزوردا تەركىبىدە يۇقىرى ماي يۇقىرى قەنت بولغان ئەخلەت يېمەكلىكلەرنىڭ ئېلانىنى قۇيۇشنى چەكلەشنى قوللىغان .كەچ سائەت توققۇزدىن بۇرۇن يا ش ئۆسمۈرلەر تېلېۋىزور كۆرىدىغان ۋاقىت بۇلۇپ ،بۇ ۋاقىتلىق قۇيۇلغان ئەخلەت يېمەكلىك ئېلانلىرى ناھايىتى ئاسانلا ياش ئۆسمۈرلەرنىڭ قىزىقىشىنى قوزغاپ ئەتىسىلا بېرىپ سېتىۋېلىشى مۇمكىن ئىكەن .
بىر ئانا مۇنداق دېدى :> مەن بۇ تەكلىپنى ئىنتايىن قوللايمەن ،تاراتقۇلار مەسئۇلىيەتچان بۇلۇپ ئاتا ئانىلار بىلەن بىرلىكتە ھەمكارلاشسا بالىلارنىڭ سېمىزلىك مەسىلىسىنى ھەل قىلغىلى بولىدۇ .بالىلارغا يۇقىرى قەنتلىك يېمەكلىك ۋە ئىچىملىك ئېلانىنىڭ ياخشى ئەمەسلىكىنى بىلدۈرۈشىمىز كېرەك .مەن بۇ تۈردىكى ئېلانلىرىنىڭ تېلۋىزورلاردا قۇيۇلۇشىغا قارشى تۇرىمەن <.

تىببىي مۇتەخەسسىسلەر ئەنگلىيىدىكى قۇرامىغا يەتمىگەن بالىلاردىكى سېمىزلىك ۋە ئېغىرلىقى ئېشىپ كېتىش مەسىلىسىنىڭ كۈندىن كۈنگە ئېغىرلىشىپ پەسىيىشكە يۈزلەنمىگەنلىكى ،ناۋادا ئۈنۈملۈك ھەرىكەت قوللىنىلمىغاندا ،2030-يىلىغا بارغاندا ئەنگلىيىدىكى يېرىمدىن كۆپ بالىنىڭ سەمىرىپ ئېغىرلىقى ئېشىپ كېتىدىغانلىقىنى ،ئەخلەت يېمەكلىكلەرنى ئازايتىشنىڭ سېمىزلىكنىڭ ئالدىنى ئېلىشنىڭ ئاساسىي ئىكەنلىكى ،ئەخلەت يېمەكلىك ئېلانىنى قۇيۇشنى چەكلەش تەكلىپىنىڭ گەرچە يېمەكلىك سودىگىرى ۋە تېلېۋىزىيە ئىستانسىسىنىڭ كىرىمىنى ئازايىتسىمۇ لېكىن بۇنى ئەنگلىيىدىكى كېيىنكى ئەۋلادلارنىڭ سالامەتلىكىگە سېلىشتۇرغاندا بۇنچىلىك زىيان تارتىشنىڭ ئەرزىيدىغانلىقىنى بىلدۈردى .

بۇنىڭدىن باشقا ئېلاندا بېرىلگەن ئەخلەت يېمەكلىكلەردىن سىرت يەنە ئەنگلىيىدىكى بىر قىسىم بالىلار ۋە ياش ئۆسمۈرلەر پىروگىراممىلىرىدىمۇ ئەخلەت يېمەكلىكلەرنى ئۆز ئىچىگە ئالغان يۇمشاق ئېلان مەۋجۇت .مەسلەن بىر قىسىم تېلېۋىزىيە تىياتىرلىرىدا بالىلار مەكتەپتىن قايتقاندىن كېيىن ،بىرلىكتە تېز تاماقخانىغا بېرىپ ئەخلەت يېمەكلىك بۇيرۇتۇپ يەيدۇ .ئۇلارنىڭ بەدىنى سېمىز ئەمەس ھەتتا بەزىلىرى ناھايىتى ئۇرۇق .بۇ كۆرۈش ھۆكۈم قىلىش ئىقتىدارى ئاجىز بولغان بالىلارغا ئەكىس تەسىر بېرىپ ئۇلاردا دائىم ھامبۇرگ بولكسىى بەرەڭگە قەلەمچىسى يەپ كولا ئىچكەندە سەمىرىپ كەتمەي تېخىمۇ قالتىس كۆرۈنىدىكەن دېگەن خاتا تۇيغۇنى پەيدا قىلىدۇ .

تىببىي مۇتەخەسسىسلەر ھۆكۈمەتنىڭ تېخىمۇ قاتتىق تۈزۈم چىقىرىپ ياش ئۆسمۈرلەرنى قوغدىشىنى ئاتا ئانا ،دوختۇر ۋە نازارەت قىلغۇچى ئورگانلارغا تېلېۋىزيە پروگراممىسى ۋە تېلېۋىزىيە ئېلانلىرىدىكى ئەخلە ت يېمەكلىك ئېلانلىرىنىڭ قۇرامىغا يەتمىگەن بالىلارنىڭ سالامەتلىكىگە بولغان تەسىرىنى بىلىپ يېتىشىنى تەۋسىيە قىلدى .

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى : LEGLEK