خۇپۇ تورى خەۋىرى لەگلەك تورى تەرجىمىسى

بېيجىڭ ۋاقتى 2-ئاينىڭ 1-كۈنى كەچتە  جۇڭگۇ ئەرلەر كەسپىي ۋاسكىتبول بىرلەشمىسى پەسىلدىن بۇرۇنقى مۇسابىقىنىڭ ئاخىرقى بىر ئايلانمىسى ئېلىپ بېرىلدى. شىنجاڭ كوماندىسى مېھمدن مەيداندا 129-103 چوڭ نومۇر پەرقى بىلەن فۇشەن كوماندىسىنى مەغلۇپ قىلدى. شىنجاڭ كوماندقسىنىڭ ئەزاسى قىرانبېك بۇ مەيدان مۇسابىقىدە 26 نومۇر ئېلىپ كەسپىي ھاياتىدىكى ئەڭ يۇقىرى نومۇر بىلەن يەنە بىر قېتىم تەڭلەشتى.

گەرچە شىنجاڭ كوماندىسىنىڭ نەتىجىسى سەككىزىنچى ئورۇندىكى دوڭگۈەن كوماندىسى بىلەن ئوخشاش بولسىمۇ بىراق شىنجاڭ كوماندىسى كىچىككىنە پەرق سەۋەبىدىن دوڭگۈەن كوماندىسى تەرىپىدىن شاللىنىپ كېتىپ پەسىلدىن كېيىنكى مۇسابىقىگە قاتنشىش سالاھىيىتىدىن مەھرۇم بولدى. بىراق بۇ پەسىللىك مۇسابىقىدىكى قىرانبېكنىڭ نەتىجىسى شىنجاڭ توپ مەستانىلىرىنىڭ قايىل بولىشىغا ئەرزىيدۇ. ئاخىرقى مەيدان مۇسابىقىدە قىرانبېك 13 توپ تاشلاپ 9 توپ گارغا چۈشتى. بۇنىڭ ئىچىدە يەنە ھالقىلىق تۆت 3 نومۇرلۇق توپمۇ بار. تۆت جازا توپنىڭمۇ ھەممىسى چۈشتى. شۇ ئارقىلىق كەسپىي ھاياتىدىكى ئەڭ يۇقىرى بولغان 2 نومۇر بىلەن يەنە بىر قېتىم تەڭلەشتى. ئۇنىڭدىن باشقا ئۇ يەنە ئۈچ قېتىم گاردىن قايتقان توپ ئالدى ۋە بىر قېتىم توپ تارتىۋالدى.

قىرانبېك كەسپىي ھاياتىدا جەمئىي بەش قېتىم ئەڭ يۇقىرى 26 نومۇر ئېلىپ باققان. ئۇنىڭ ئىچىدىكى تۆت قېتىمغا بولسا بۇ پەسىللىك مۇسابىقىدە ئېرىشكەن. شىنجاڭ كوماندىسىغا قايتقاندىن كېيىن قىرانبېك ئاخىرى بۇ پەسىلدە ئۆز كارامىتىنى كۆرسەتتى. ئوتتۇر ھېساب بىلەن ھەر بىر مەيداندىكى ئويناش ۋاقتى 35.4 مىنۇت بۇلۇپ ئوتتۇرا ھېساب بىلەن ھەر بىر مەيداندا 13.6 نومۇر ۋە 3.5 قېتىم گاردىن قايتقان توپ ئالغان. 1.2 قېتىم ياردەمچى پاس بەرگەن ۋە 1.3 قېتىم توپ تارتىۋالغان. قىرانبېك شىنجاڭ كوماندىسىدا شىرئەلىجاندىن كېيىنكى يەرلىك يېڭى چولپان دەپ قارالماقتا.