يېقىندا توردا ئەنخۇي مائەنشەن ناھىيىسىدىكى مەلۇم تولۇقسىز ئوقۇغۇچىلىرىنىڭ ئادەم يارىلاندۇرۇپ كۆڭلىنى ئېچىشتىن ئىبارەت فىلىمى ئېقىپ يۈرگەن، فىلىمدە ئىككى نەپەر ئوغۇل ئوقۇغۇچى يەنە بىر ئوغۇل ئوقۇغۇچىنى بىر تەرەپتىن ئاغزىنى بۇزۇپ ھاقارەتلىگەچ، تېپىپ، شاپىلاقلىغان، بۇ كۆرۈنۈشنى يانفوندا سۈرەتكە ئالغان بالا پات-پات كۈلۈپ بۇ «ئويۇن» دىن ھۇزۇرلانغان.

     مائەنشەن جامائەت خەۋپسىزلىكى ئىدارىسى توردا ئۇقتۇرۇشىچە، مەزكۇر ۋەقەگە قاتناشقۇچىلار قۇرامىغا يەتمىگەنلەر بولۇپ، ھازىر مائارىپ ئورۇنلىرى بىلەن بىرگە تەنقىدىي تەربىيە ئېلىپ بېرىلىپتۇ.

     تولۇق بولمىغان ستاستىكىلارغا ئاساسلانغاندا، 2015-يىلى ئوچۇق-ئاشكارە ئېلان قىلىنغان مەكتەپ زوراۋانلىق قىلمىشى 30 گە يېتىپ، بۇ قىلمىشلارغا چېتىشلىق ئوقۇغۇچىلارنىڭ زوراۋانلىق ۋاستىلىرى كىشىنى ھەيران قالدۇرىدۇ.

    بىراق ھازىرقى مۇناسىۋەتلىك قانۇندا ئەمەلىي جازانىڭ يېنىكلىكى تۈپەيلى، تەسىر كۈچى يەنىلا يېتەرسىز بولماقتا. مەكتەپ زوراۋانلىق قىلمىشىدا، بىزگە كېرىكى مۇناسىۋەتلىك قانۇننى ئۈزلۈكسىز مۇكەممەللەشتۈرۈش، ئەكسچە «سۈكۈت» تە تۇرۇش ئەمەس.