چەت ئەل تاراتقۇلىرىنىڭ خەۋەر قىلىشىچە، 2015-يىللىق خەلقئارالىق ئەپەندىنى تاللاش مۇسابىقىسى يېقىندا كورىيەنىڭ ئانساندا ئاياغلاشقان، فىلىپپىندىن كەلگەن ساقچى نېئل پېرېز 1-لىككە ئېرىشىپ، ‹‹دۇنيادىكى ئەڭ كېلىشكەن ئەر›› بولۇپ قالغان.

نېئل پېرېزنىڭ بوي ئېگىزلىكى 1.8 مېتىر بولۇپ، ناھايىتى كېلىشكەن. بۇ قېتىمقى مۇسابىقىدە ئۇ باشقا دۆلەتلەردىن كەلگەن 28 ئەرنى يېڭىپ، چېمپىيونلۇققا ئېرىشكەن. ئۇ ئۆزىنىڭ چېمپىيونلۇققا ئېرىشكەنلىكىنى بىلگەندىن كېيىن خۇشاللىقىدىن ياش تۆككەن.

نېئل پېرېزنىڭ ئېيتىشىچە، ئۇ دۆلەت ئۈچۈن جەڭ قىلغۇچى بولۇپ، بومبا چۇۋۇش ئەترىتىنىڭ ساقچىسى ئىكەن. ئۇ يەنە ئۆزىنىڭ ياش تۆكۈشى مۇكاپاتقا ئېرىشكەنلىكى ئۈچۈنلا بولماي يەنە قوراللىق ئۇنسۇرلارنىڭ ھۇجۇمىدا قازا قىلغان 44 سەپدىشى ئۈچۈن ئىكەنلىكىنى ئېيتقان.