فىلىپپىندىكى بىر جۇڭگولۇق سودىگەر ئىككى كۈنگە يېقىن جىددىي قۇتقۇزۇلغان بولسىمۇ، يارىسى بەك ئېغىر بولغانلىقتىن 15-سىنتەبىر فىلىپپىندا قازا قىلدى. مانىلا رايونلۇق ساقچى مەھكىمىسىنىڭ ئەڭ يېڭى سانلىق مەلۇماتىغا قارىغاندا، بۇ يىل 1-ئايدىن 8-ئايغىچە، فىلىپپىندا 33 قېتىم تۇتقۇن قىلىش ۋەقەسى يۈز بەرگەن، بۇنىڭ يېرىمىدىن كۆپرەكىدىكى زىيانكەشلىككە ئۇچرىغۇچىلار جۇڭگو مۇھاجىرلىرى ۋە جۇڭگولۇقلار ئىكەن.

ھالبۇكى ساراسىمىگە چۈشۈپ قالغان جۇڭگولۇقلارلا ئەمەس. فىلىپپىندىكى چولپان گېزىتى تورىنىڭ خەۋىرىگە قارىغاندا، «ۋول كوچىسى گېزىتى» فىلىپپىننى كورىيەلىكلەرگە نىسبەتەن ئەڭ خەتەرلىك جاي قاتارىغا كىرگۈزگەن. ھازىر 80 مىڭ كورىيەلىك فىلىپپىندا تۇرماقتىكەن، بۇنىڭ تەخمىنەن 30 مىڭى ئوقۇغۇچى ئىكەن. كورىيە دىپلوماتىيە مىنىستىرلىقى سىنتەبىرنىڭ باشلىرىدا ئېلان قىلغان سانلىق مەلۇماتقا قارىغاندا، 2013-يىلى فىلىپپىندا كورىيەلىكلەرگە قارىتىلغان جىنايەت 780 قېتىمغا يەتكەن.