2016-يىلى 19-يانۋار، دۆلەت رەئىسى شى جىنپىڭ رىيادتا سەئۇدى ئەرەبىستان پادىشاھى سالمان بىلەن سۆھبەتلەشتى. سۆھبەتتىن كېيىن سەئۇدى ئەرەبىستان پادىشاھى سالمان رەئىس شى جىنپىڭغا سەئۇدى ئەرەبىستان دۆلىتىدىكى ئەڭ ئالىي ئوردېن «ئابدۇل ئەزىز ئوردېنى» بېرىلدى.

        2013-يىلى جۇڭخۇا خەلق جۇمھۇرىيىتى دۆلەت رەئىسى ۋەزىپىسىدە ئولتۇرغاندىن بۇيان رەئىس شى جىنپىڭغا چەتئەل ھۆكۈمىتى ۋە خەلقئارالىق تەشكىلاتلار تەرىپىدىن ئىلگىرى-كېيىن بولۇپ توققۇز قېتىم ئوردېن بېرىلدى.

                                 1. سان خوسې شەھىرى ئاچقۇچى ۋە سان خوسې شەھىرىنىڭ «ئەزىز مېھمان» گۇۋاھنامىسى

2013-يىلى 6-ئاينىڭ 2-كۈنى، دۆلەت رەئىسى شى جىنپىڭ كوستارىكادا زىيارەتتە بولدى. 6-ئاينىڭ 3-كۈنى خانىمى پېڭ لىيۈەن بىلەن بىرگە كوستارىكانىڭ پايتەختى سان خوسې شەھىرىدە شەھەر باشلىقى تەرىپىدىن سان خوسې شەھىرى ئاچقۇچى ۋە سان خوسې شەھىرىنىڭ «ئەزىز مېھمان» گۇۋاھنامىسى بېرىلدى. سان خوسې شەھىرى ئاچقۇچى سان خوسې شەھىرىنىڭ چەتئەل دوستلىرىغا قىلغان ئەڭ ئالىي ئوردېن ھېسابلىنىدۇ.

                                        2. مېكسىكا شەھىرى ئاچقۇچى، ئوردېنى ۋە ئابرۇي شەھەر ئاھالىسى گۇۋاھنامىسى

2013-يىلى 6-ئاينىڭ 5-كۈنى، دۆلەت رەئىسى شى جىنپىڭ مېكسىكىدا زىيارەتتە بولدى. شۇ كۈنى مېكسىكا شەھەر باشلىقى رەئىس شى جىنپىڭغا مېكسىكا شەھىرى ئاچقۇچى، ئوردېنى ۋە ئابرۇي شەھەر ئاھالىسى گۇۋاھنامىسى بەردى.

                                                                                3. ئولىمپىك ئالتۇن ئوردېنى

2013-يىلى 11-ئاينىڭ 19-كۈنى، دۆلەت رەئىسى شى جىنپىڭ بېيجىڭ خەلق قۇرۇلتىيى چوڭ يىغىن زالىدا خەلقئارا ئولىمپىك كومىتېتىنىڭ رەئىسى توماس باچ بىلەن كۆرۈشتى. باچ خەلقئارا ئولىمپىك كومىتېتىغا ۋاكالىتەن رەئىس شى جىنپىڭغا ئولىمپىك ئالتۇن ئوردېنى تەقدىم قىلىپ رەئىس شى جىنپىڭنىڭ دۇنيا تەنتەربىيە ئىشلىرى ۋە ئولىمپىك روھى ئۈچۈن قوشقان تۆھپىسىنى مەدھىيەلىدى.

                                                                4. بېلگىيە لېئوپولد چوڭ لېنتىلىق ئوردېنى

لېئوپولد ئوردېنى بولسا بېلگىيە ئۈچ چوڭ «دۆلەت چەۋەندازلىرى ئوردېنى» نىڭ بىرى بولۇپ، بېلگىيە دۆلەت شاھى لېئوپولد (I) نى خاتىرىلەش ئەھمىيىتىگە ئىگە ئەڭ ئالىي ئوردېن ھېسابلىنىدۇ. لېئوپولد ئوردېنى بىر قانچە دەرىجىگە بۆلۈنىدىغان بولۇپ، رەئىس شى جىنپىڭ ئەڭ ئالىي دەرىجىسىگە ئېرىشكەن. بۇ ئوردېن ئادەتتە خان جەمەتى ئەزاسى ياكى چەتئەل دۆلەتلىرى زۇڭتۇڭلىرىغىلا بېرىلىدۇ.

                                                                         5. بۇئېنوس ئايرېس شەھىرى ئاچقۇچى

2014-يىلى 7-ئاينىڭ 18-كۈنى، دۆلەت رەئىسى شى جىنپىڭ بۇئېنوس ئايرېس شەھىرىگە كېلىپ ئارگېنتىنادا زىيارەتتە بولدى. 7-ئاينىڭ 19-كۈنى، دۆلەت رەئىسى شى جىنپىڭغا بۇئېنوس ئايرېس شەھىرى شەھەر باشلىقى ئۆز قولى بىلەن بۇئېنوس ئايرېس شەھىرى ئاچقۇچىنى بەردى.

                                                               6. ۋېنېسۇئېلا «ئازادلىق قىلغۇچى» ئوردېنى

«ئازادلىق قىلغۇچى» ئوردېنى ۋېنېسۇئېلانىڭ چەتئەل دۆلەت رەھبەرلىرىگە بەرگەن ئەڭ ئالىي ئوردېن ھېسابلىنىدۇ.

                                                                             7. كۇبا «جوس مارتى» ئوردېنى

2014-يىلى 7-ئاينىڭ 21-كۈنى، رەئىس شى جىنپىڭ كۇبادا زىيارەتتە بولدى. 22-چېسلا ھاۋانادا كۇبا گوۋۇيۈەن رەئىسى تەرىپىدىن «جوس مارتى» ئوردېنى بېرىلدى.

«جوس مارتى» ئوردېنى كۇبا مىللىتىنىڭ «قەھرىمان، ئىنقىلاب باشلامچىلىرى، مەدەنىيەتشۇناش» دەپ قارايدىغان ئەڭ ئالىي ئوردېنى ھېسابلىنىدۇ.

                                                                               8. «پاكىستان ئوردېنى»

پاكىستان ئوردېنى پاكىستان چەت ئەل دۆلەت رەھبەرلىرىگە بېرىدىغان ئەڭ ئالىي ئوردېنى ھېسابلىنىدۇ.

                                                     9. خەلقئارا يېنىك ئاتلېتكا بىرلەشمىسى ئالتۇن ئوردېنى

دۆلەت رەئىسى شى جىنپىڭ 2015-يىلى 8-ئاينىڭ 22-كۈنى دۆلەت تەنتەربىيە زالىدا خەلقئارا يېنىك ئاتلېتكا بىرلەشمىسىنىڭ رەئىسى لامىنې دىياك بىلەن كۆرۈشتى. دىياك رەئىس شى جىنپىڭغا خەلقئارا يېنىك ئاتلېتكا ئالتۇن ئوردېنى تەقدىم ئېتىپ، رەئىس شى جىنپىڭنىڭ دۇنيا يېنىك ئاتلېتكا ئىشلىرىغا قوشقان تۆھپىسىنى مەدھىيلىدى.