ئەنگلىيەنىڭ دىپلوماتىيە مىنىستىرى خامموند ئامېرىكىنىڭ دۆلەت ئىشلىرى كاتىپى كىررى بىلەن 22-يانۋار لوندوندا «ئىراق ۋە شام ئىسلام دۆلىتى»گە زەربە بېرىش خەلقئارا ئىتتىپاق گۇرۇپپا يىغىنىنى رىياسەتچىلىك قىلىپ ئاچتى. ئەنگلىيە ، ئامېرىكا، فىرانسىيە، گېرمانىيە، ئىراق قاتارلىق 21 دۆلەت ۋەكىل ئەۋەتىپ قاتناشتى. ئىراق زۇڭلىسى ئابادى مۇنداق دېدى: تۆۋەن نېفىت باھاسى كەلتۈرۈپ چىقارغان مالىيە قىيىنچىلىقى بەلكىم ئىراقنىڭ ئەسەبىي تەشكىلات بولغان ئىراق ۋە شام ئىسلام دۆلىتىگە زەربە بېرىش ھەرىكىتىگە تەسىر كۆرسىتىشى مۇمكىن.

　　خامموند مۇنداق دېدى: بۇ قېتىمقى خەلقئارا ئىتتىپاق گۇرۇپپا يىغىنىدا ئىراق ۋە شام ئىسلام دۆلىتى تەشكىلاتىغا قۇرال كۈچى ئىشلەتمەي زەربە بېرىش يەنى ئۇلارنىڭ ئىقتىساد مەنبىينى ئۈزۈپ تاشلاش تەدبىرىنى قوللىنىپ، ئەسەبىي ئىدىيەنىڭ تارقىلىشىنى تىزگىنلەپ، چەتئەللىكلەرنىڭ ئىراق ۋە شام ئىسلام دۆلىتىگە كۈچ قوشۇشىنىڭ ئالدىنى ئېلىش قاتارلىقلار مەسىلىلەر نۇقتىلىق مۇزاكىرە قىلدى.