ئامېرىكا سىياسەت تەتقىقات ئورنى ئېلان قىلغان ئەڭ يېڭى بىر پارچە دوكلاتتا كۆرسىتىلىشىچە، پۈتكۈل ئامېرىكىدىكى ئەڭ باي 20 ئادەم ئېگە بولغان بايلىق پۈتكۈل ئامېرىكىدىكى %50 ئاھالە ئېگە بولغان بايلىقتىنمۇ كۆپكەن. بۇنىڭدىن ئامېرىكىدىكى بايلىق تەقسىماتىنىڭ قانچىلىك تەكشى ئىكەنلىكىنى ئېنىق كۆرىۋالغىلى بولىدۇ.

       دوكلاتتا ئېيتىلىشىچە، بېلگەيتىسىنى ئۆز ئىچىگە ئالغان ئامېرىكىدىكى ئەڭ باي 20 كىشى ئېگە بولغان بايلىقنىڭ ئومۇمىي قىممىتى 732 مىليارد دوللارغا يېتىپ، ئامېرىكا نوپۇسىنىڭ يېرىمى، يەنى 152 مىليون كىشىنىڭ بايلىقىنىڭ يېغىندىسىدىنمۇ ئېشىپ كەتكەن. ئۇنىڭدىن باشقا، فوربېس ژۇرنىلى باھالاپ چىققان ئامېرىكىدىكى ئەڭ باي 400 كىشى كونترول قىلىۋالغان بايلىق 36 مىليون ئامېرىكا ئاھالىسىنىڭ بايلىقىنىڭ ئومۇمىي يىغىندىسىدىنمۇ كۆپ بولغان. ئامېرىكا جەمئىيىتىدىكى بايلىق تەقسىماتى ئەندىزىسى پىرامىدا شەكىللىگە كىرىپ بولغان بولۇپ، ئامېرىكا جەمئىيىتىدىكى بايلىقنىڭ كۆپ قىسىمى ئامېرىكا نوپۇسىنىڭ ئاران %0.1 تىنى ئىگىلەيدىغان بايۋەتچىلەرنىڭ قولىغا ئۆتۈپ كەتكەن.