خېشۈن تورى خەۋىرى لەگلەك تورى تەرجىمىسى.يېقىندا،مۇخبىرنىڭ ئاپتونوم رايونلۇق ئىقتىساد ۋە ئۇچۇرلاشتۇرۇش كومىتېتىدىن خەۋەر تىپىشىچە، بۇ يىل،ئاپتونوم رايونلۇق ئىقتىساد ۋە ئۇچۇرلاشتۇرۇش كومىتېتى جۇڭگو كىيىم-كېچەك بىرلەشمىسى بىلەن ھەمكارلىشىپ، تۇنجى بولۇپ 300 نەپەر ئىگىلىك تىكلەش خاھىشى بولغان ئىختىساسلىقلارنى ئىچكىرى ئۆلكىلەردىكى كىيىم-كېچەك كارخانىلىرىغا تەربىيلەشكە ئەۋەتىدىكەن.
بۇ قېتىمقى تەربىيلىنىش خادىملىرى كۈچلۈك ئىگىلىك تىكلەش خاھىشى بولىشى،يېشى 25 ياشتىن 45 ياشقىچە بولىشى، كىيىم-كېچەك كارخانىلىرىدا ئىشلەپ چىقىرىش، سېتىش بىلەن شۇغۇللانغان بولىشى ياكى كىيىم-كېچەك پىششىقلاپ ئىشلەپ چىقىرىشقا قارىتا مۇئەييەن چۈشىنىشكە ئىگە بولىشى، ئىگىلىك تىكلەشتە بەلگىلىك ئىقتىساد ئاساسى بولىشى تەلەپ قىلىنىدىكەن.

بۇ قېتىمقى تەربىيلەش ئاياقلاشقاندىن كېيىن، ھەرقايسى ئوبلاست ياكى ناھىيە،شەھەر ھەربىر تەربىيلەنگۈچىلەر ئۈچۈن ئۆلچەملىك بىر ئېغىز زاۋۇت بىناسىنى ھەقسىز تەمىنلەيدىكەن ھەمدە 3 يىل ھەقسىز ئىشلىتەلەيدىكەن.تونۇشتۇرۇلىشىچە، ئاپتونوم رايونىمىز بۇلتۇر ئىلى ئوبلاستىدىن 30 نەپەر كىيىم-كېچەك كەسپىدە ئىگىلىك تىكلىگۈچى ئىختىساسلىقلارنى ئىچكىرى ئۆلكىلەرگە بېرىپ تەربىيلىنىشكە تەشكىللىگەن بولۇپ، ئۈنۈمى كۆرىنەرلىك بولغان. شۇڭلاشقا بۇيىل دائىرىسىنى پۈتكۈل شىنجاڭغا كېڭەيتىشنى قارار قىلغان. سانلىق مەلۇماتلاردىن كۆرىلىشىچە، 2014-يىلى،ئاپتونوم رايونىمىزدىن توقۇمىچىلىق،كىيىم-كېچەك كەسپىدە تەربىيلەنگەن ھەرقايسى خادىملار تەخمىنەن 90 مىڭ بولۇپ، توقۇمىچىلىق،كىيىم-كېچەك،قول كەشتىچىلىكى،گىلەم توقۇش قاتارلىقلار كۆپ ساھەگە ئالاقىدار ئىكەن.

لەگلەك تورى ئۈندىدار سالونىنى قۇشىۋېلىڭ ئىزدەش نومۇرى :LEGLEK