ئۈرۈمچىدە 13-يانۋار سەھەر سائەت نۆلدىن باشلاپ 93-نومۇرلۇق بېنزىننىڭ ھەر لىتىرىنىڭ پارچە سېتىلىش باھاسى 5.81 يۈەنگە چۈشتى. بۇ، يېڭى يىل كىرگەندىن بۇيان دۆلىتىمىزدە تەييار ماي باھاسىنىڭ تۇنجى قېتىم چۈشۈشى ھېسابلىنىدۇ.

دۆلەتلىك تەرەققىيات ۋە ئىسلاھات كومىتېتى 12-يانۋار چۈشتىن كېيىن تارقاتقان ئۇقتۇرۇشقا ئاساسەن، دۆلەت ئىچىدىكى بېنزىن ۋە دېزىل مېينىڭ ھەر توننىسىنىڭ باھاسى ئايرىم ھالدا 180 يۈەن ۋە 230 يۈەن چۈشكەن، 90-نومۇرلۇق بېنزىن ۋە 0-نومۇرلۇق دىزېلنىڭ ھەر لىتىرىنىڭ پارچە سېتىلىش باھاسى 0.13 يۈەن ۋە 0.2 يۈەن چۈشكەن.

بۇ قېتىم تەييار ماي باھاسى تەڭشەلگەندىن كېيىن، جۇڭگو نېفىتلىكى، جۇڭگو نېفىت - خىمىيەسىنىڭ ئۈرۈمچىدىكى ھەر قايسى ماي قاچىلاش پونكىتىلىرىدا 93-نومۇرلۇق بېنزىن ھەر لېتىرى ئەسلىدىكى 5.96 يۈەندىن 5.81 يۈەنگە تەڭشىلىپ، 0.15 يۈەن چۈشىدىكەن. 97-نومۇرلۇق بېنزىننىڭ ھەر لېتىرىنىڭ پارچە سېتىلىش باھاسى 6.44 يۈەندىن 6.28 يۈەنگە تەڭشىلىپ، 0.16 يۈەن چۈشىدىكەن.