تۈركىيەنىڭ ئادانادا بىر ئوقۇتقۇچى ئۆزىنىڭ بېقىۋالغان قىزىغا باسقۇنچىلىق قىلغانلىقىنى ئېتراپ قىلغان. لېكىن پەقەت سۆيۈشتۇق ، باشقا ئىش قىلمىدۇق دەپ تۇرۋالغان. 58 ياشلىق باشلانغۇچ مەكتەپ ئوقۇتقۇچىسى 12 يىل بۇرۇن پاراۋانلىق ئورنىدىن تۆت يېرىم ياشلىق بىر قىز بالىنى ئېلىپ كېلىپ بېقىۋالغان بولۇپ، كىچىككىنە قىزغا جىنسىي پاراكەندىچىلىك سالغان ھەمدە بۇ ئىشنى داۋاملاشتۇرغان. 16 ياشقا كىرگەن بۇ قىز ئاخىرى بولماي ھەقىقىي ئەھۋالنى ساۋاقداش قىزلارغا ئېيتقان.

دوستىنىڭ كۈچلۈك تەلىپى بويىچە ئۇ دادىسىنىڭ ئۆزىگە قىلغانلىرى تېلفۇنىدا سىنگە ئالغان ۋە ئۇنى ئاچىسىغا كۆرسەتكەن. ئۇ قىزنىڭ ھەقىقىي ئاپىسىنىڭ سوتقا ئەرز سۇنۇشى بىلەن بۇ دېلو باشلانغان.

ئەسلىدە بېقىۋالغۇچى ئوقۇتقۇچى دادىنىڭ بۇ قىزغا بولغان پەسكەشلىكى ئۇ قىز بەش ياشتا ۋاقتىدىلا باشلانغان بولۇپ، لېكىن ئۇ قىز ئۆزىنىڭ ھېچنېمىنى بىلمىگەچكە شۇ پېتى كېتىۋەرگىنىنى، 10 ياشقا كىرگەن يىلى بۇ ئىشنىڭ يامان ئىش ئىكەنلىكىنى چۈشۈنۈپ قېلىپ قارىشى تۇرغانلىقىنى، بۇ چاغدا دادىنىڭ تەھدىت سېلىشىغا ئۇچراغانلىقىنى ھەتتا ئۇنى ئۇرۇپ زورلۇق قىلغانلىقىنى ئېيتقان.

بۇ قىزنىڭ بىر نەچچە پارچە يالىڭاچ رەسىمنى تارتىۋالغان بۇ ئەخلاقسىز ئوقۇتقۇچى دادا ئەگەر بۇ ئىشنىڭ ئاشكارلىساڭ مەن سېنىڭ بۇ رەسىملىرىڭنى مەكتەپنىڭ تورىغا چىقىرىۋېتىمەن دەپ قورقۇتقان. شۇنىڭ بىلەن ئۇ باشقىلارغا دېيەلمەي نەچچە يىلنى ئۆتكۈزگەن. لېكىن سوتتا بۇ دادا ئەسلىدە بېقىۋالغان قىزىنىڭ ئۆزىنى ئازدۇرغانلىقىنى ئېيتقان. يەنى مەكتەپتە ياخشى ئوقۇغۇچى بولۇپ ھەرخىل مۇكاپاتلارغا ئېرىشىش ئۈچۈن مېنى ئازدۇرۇپ پايدىلىنىش كويىدا بولغان دەپ تۇرۋالغان.

بۇ ئوقۇتقۇچى بىلەن بىللە ئىشلەيدىغان بىر ئوقۇتقۇچىنىڭ ئېيتىشىچە ئۇنىڭ ھەقىقەتەن بۇ جەھەتتە مەسىلىسى ئېغىر ئىكەن. مەكتەپتە قىز ئوقۇغۇچىلارنى ئېلىپ قېلىپ سىنىپتا جىنىس بىلەن مۇناسىۋەتلىك بولغان نەرسىلەرنى سۆزلەپ تۈرغانلىقىنى ئېيتقان ئوقۇتقۇچىلارمۇ بار ئىكەن. ئۇنىڭ سەۋەبىدىن بەزى ئائىلىلەر قىزلىرىنى مەكتەپكە ئەۋەتمەيدىغان بولغانكەن، ھەتتا ئۇ بىر قېتىم تاپانچا كۆتۈرۈپ سىنىپقا كىرىپ ئوقۇغۇچىلارغا: «بۇ يەردە بولغان ئىشلارنى ھېچكىمگە ئېيتماڭلار» دەپ تەھدىت سالغان.

بۇ بىر قاتار بايانلاردىن كېيىن ساقچى تەرەپ ئەسلىدە 26 يىللىق قاماق جازاسى بېرىلمەكچى بولغان بۇ ئوقۇتقۇچىنى توختۇتۇپ تۇرۇپ دېلونى يەنە تەكشۈرمەكچى ئىكەن.