بىر پورسچې ماركىلىق ( قىممىتى ئون مىليون يۈەندىن ئاشىدۇ ) پىكاپ 18-دېكابىر سەھەردە شاڭخەينىڭ جىئەن كوچىسىدا كېتىۋېتىپ تۇيۇقسىز كونتروللۇقىنى يوقىتىپ ، يول بويىدىكى دەرەخكە سوقۇلۇپ ئېغىر دەرىجىدە ۋەيران بولغان ، بەختكە يارىشا ئادەم ئۆلۈش-يارىلىنىش ئەھۋالى كۆرۈلمىگەن .

پىكاپ سوقۇلغان كۆرۈنۈشىنى توردا ئېلان قىلغان تورداشنىڭ بىلدۈرۈشىچە ، ئەينى ۋاقىتتا پىكاپ ئىگىسى پىكاپىنى بىر ئايالنىڭ ھەيدەپ بېقىشىغا بەرگەن ، ئويلىمىغان يەردىن بۇ ئايال ماي كىلاپانىنى تورمۇز ئورنىدا دەسسىگەنلىكتىن بۇ ۋەقە كېلىپ چىققان. لېكىن ساقچىلارنىڭ بىلدۈرۈشىچە ، ئۇلار مەلۇمات تاپشۇرۇۋالغاندىن كېيىن نەق مەيدانغا بارغاندا توردا ئېيتىلغان ئايالنى كۆرمىگەن ، بىر ئەر ئۆزىنى ۋەقە سادىر قىلغۇچى دەپ تونۇشتۇرغان ، بۇ ئەر پىكاپ ئىگىسى ئىكەن .

نۆۋەتتە بۇ پىكاپ 4S دۇكىنىغا ئېلىپ بېرىلغان بولۇپ ، دەسلەپكى مۆلچەردە رېمونت ھەققى كەم دېگەندە 5 مىليون يۈەن ئەتراپىدا بولىدىكەن .

توردا ئېقىپ يۈرگەن سۆزلەرگە قارىغاندا ، پىكاپ ئىگىسى دوستىنىڭ مەسئۇلىيىتىنى سۈرۈشتۈرمەيدىغانلىقىنى ، بۇ ئاپتوموبىلنى ئارقا گۈللۈكىگە توختىتىپ قويىدىغانلىقىنى ، كېيىنچە بۇگاتتى ماركىلىق پىكاپ سېتىۋالىدىغانلىقىنى ئېيتقان . لېكىن ئېقىپ يۈرگەن بۇ سۆزلەرگە قارىتا پىكاپ ئىگىسى ئۆزىنىڭ بۇنداق دېمىگەنلىكىنى بىلدۈرگەن .
نۆۋەتتە بۇ ۋەقە يەنىمۇ كونكرېت تەكشۈرۈلۈۋېتىپتۇ .