ئەنگلىيە ‹‹ كۈندىلىك پوچتا گېزىتى ›› نىڭ 10-نويابىردىكى خەۋىرىگە قارىغاندا ، ئەنگلىيەدىكى 24 ياشلىق ئايال جوردان رىياننىڭ ئۆيى خۇددى كىچىكلىتىلگەن ‹‹ ھايۋاناتلار باغچىسى ›› غا ئوخشايدىكەن ، ئۇنىڭ 70 كە يېقىن ھايۋىنى بار بولۇپ ، بۇ ھايۋانلار ئۇنىڭ ئۆيىدە ۋە ھويلىسىدا بەھۇزۇر ياشىغاچقا ، كىشىلەر جوردانغا چاقچاق قىلىپ ، ‹‹ھايۋانات باغچىسى خانىمى ›› دەپ ئاتىشىدىكەن .

بۇ ھايۋانلارنىڭ تۈرلىرىمۇ كۆپ بولۇپ ، ئادەتتە كۆپ ئۇچرايدىغان ئىت ، مۈشۈك ، توشقانلاردىن باشقا يەنە ياقا يۇرتلاردىن ئېلىپ كەلگەن قوي تۆگە ، ئېنوت ۋە يىلانلارمۇ بار ئىكەن .

ئىگىلىنىشىچە ، جوردان يەتتە يىل ئىلگىرى ھەر خىل ھايۋاناتلارنى يىغىپ بېقىشنى باشلىغان بولۇپ ، ھازىر ئۇ بۇ ھايۋانلىرىنى ھەر خىل كۆرگەزمىلەرگە قاتناشتۇرىدىكەن ، شۇنىڭ بىلەن بىرگە يەنە ساياھەتچىلەرنىڭ ئۆيگە كېلىپ كۆرگەزمە قىلىشىنىمۇ قارشى ئالىدىكەن .