ئەنگلىيەلىك داڭلىق ئوزۇقلۇقشۇناسلارنىڭ بالىلاردىكى تاماق تاللاش مەسىلىسى توغرىسىدا 20نەچچە يىل تەتقىق قىلىپ بايقىشىچە، 90پىرسەنت بالىلارنىڭ تاماق تاللاش باسقۇچى بار ئىكەن.  دۆلىتىمىزدە ، بالىلارنىڭ تاماق تاللىشىمۇ نۇرغۇن ئاتا - ئانىلارنىڭ بېشىنى قاتۇرىدىغان مەسىلە. تېخىمۇ كۆپ ئاتا - ئانىلارغا ياردەم بېرىش ئۈچۈن، ئوزۇقلۇقشۇناسلار يېقىندا ماقالە ئېلان قىلىپ، « بالىلارنىڭ تاماق تاللاش ئادىتىنى ئۆزگەرتىدىغان بەش خىل ئامال » نى ھەمبەھىرلىگەن.

　　1. ئۆزى تاماق تەييارلاش

　　ئاتا - ئانىلار ئۆزى قول سېلىپ، ئەلا سۈپەتلىك قارا گۆشنى تاللاپ، ھامبۇرگ بولكىسى ۋە پىسسا قاتلىمىسى قاتارلىق بالىلار يېيىشنى ياخشى كۆرىدىغان تېز تاماق تەييارلاپ بەرسە بولىدۇ. تەييارلاش جەريانىدا مۇۋاپىق مىقداردا كۆكتات، مېۋە ۋە كۆممىقوناق دانچىلىرى قاتارلىق ساغلام يېمەكلىكلەرنى قوشسا بولىدۇ. مېۋە شەربىتى ۋە يېڭى مېۋە - چىۋىلەردىن پايدىلىنىپ تاتلىق تۈرۈملىرىنى ياكى مېۋە تەملىك چوكا مۇزلارنى تەييارلاپ بەرسە بولىدۇ.

　　2. مېۋە - كۆكتاتلارغا ئائىت ھېكايىلەرنى دائىم سۆزلەپ بېرىش

　　بىر بالىنى مېۋە - كۆكتاتلارنى ياخشى كۆرگۈزۈشنىڭ ئۈنۈملۈك ئۇسۇلى دائىم ئۇنىڭغا « مېۋە - كۆكتاتلارنىڭ ھېكايىسى »نى، مەسىلەن، مېۋە - كۆكتاتلارنى قانداق ئۆستۈرگەندە ساغلاملىققا پايدىلىق بولىدۇ دىگەندەكلەرنى سۆزلەپ بەرسە بولىدۇ.  بالىلار مېۋە – كۆكتاتلار ھەققىدە بىلىدىغانلىرى كۆپەيگنسېرى،ئۇنى شۇنچە ياخشى كۆرۈپ قېلىشى مۇمكىن.

　　3.مېۋە - كۆكتاتلاردىن شەكىل چىقىرىشقا ئەھمىيەت بېرىش

　　بالىنى مېۋە - كۆكتاتلارنى ياخشى كۆرگۈزۈش ئۈچۈن، مېۋە - كۆكتاتلار تەملىك، يېڭى بولۇپلا قالماستىن، يەنە ئامال قىلىپ قارىماققا كىشىنى جەلپ قىلىدىغان قىلىپ تىزىش كېرەك. مەسىلەن، مېۋە - كۆكتاتلارنى كارتون شەكلىدە تىزسا، گۆش ۋە مېۋىلەردىن « مارجان » ياكى «يۈرەك» قاتارلىقلارنى تىزسا بولىدۇ.

　　4.ساغلام ئۇششاق – چۈششەك يېمەكلىكلەرنى تەييارلاپ قويۇش

　　ئەگەر ئۆيدە تەييار قىلىپ قويغان يېڭى مېۋە سالىتى، قېتىق، ئۆزى پۇشۇرغان كىچىك پېچىنە قاتارلىق نىسبەتەن ساغلام بولغان ئۇششاق – چۈششەك يېمەكلىكلەر بار بولسا، بالىلار قورسىقى ئاچقاندا تەلۋىلەرچە بەرەڭگە قەلەمچىسى يىمەيدۇ، ئسسىقلىق كالورىيەسى يۇقىرى ئىچىملىكلەرنى ئىچمەيدۇ.

　　5.بالىنى تاماق ئېتىشكە قاتناشتۇرۇش

　　كۆپ ساندىكى بالىلارنىڭ ئاشخانىغا بولغان ھەۋىسى كۈچلۈك، قاتنىشىش تۇيغۇسى ناھايىتى كۈچلۈك بولىدۇ.تاماق ئىتىشنى پىلانلىغان ۋە تەييارلىق قىلغاندا، ئاتا - ئانىلار بالىلارنى چاقىرىپ، قولى بىلەن سىقىپ مېۋە شەربىتى چىقىرىش، تۇخۇم چىقىپ ئارىلاشتۇرۇش،تاماقنىڭ تەمىنى تېتىش قاتارلىقلار ئىشلارغا قاتناشتۇرسا بولىدۇ.قورۇما قورۇلۇپ بولغاندىن كىيىن ياكى مېۋە ئاقلىنىپ بولغاندىن كىيىن بالىلار تەخسىگە تىزسا بولىدۇ. بۇلارنىڭ ھەممىسى بالىلارنىڭ قىززىقىشىنى ئاشۇرۇپ، ئىشتىھاسىنى ئېچىشقا پايدىلىق.

　　ئوزۇقلۇقشۇناسلارنىڭ بىلدۈرىشىچە، بالىلارنىڭ تاماق تاللاش ئادىتىنى ئۆزگەرتىشتە ئاتا - ئانىلار ئالدى بىلەن ئۈلگە بولىشى لازىم، ، شۇنداقلا بالىلىرى بىلەن بىللە غىزالىنىشى ناھايىتى مۇھىم.