دۆلەت بايرىمى ئالتۇن ھەپتىسىدىكى دەم ئېلىش باشلانغان تۆت كۈندىن بۇيان، پۈتۈن مەملىكەتتىكى تاشيول، سۇ يولىدىكى تۈرلۈك تىرانسپورت خىزمىتى ئومۇمىي جەھەتتىن تەكشى، تەرتىپلىك بولدى. يول قاتنىشى جەھەتتە، تۆت كۈندىن بۇيان، جەمئىي 365 مىليون ئادەم قېتىم يولۇچى توشۇلۇپ، بۇلتۇرنىڭ ئوخشاش مەزگىلدىكىدىن %5 ئاشتى.

قاتناش-تىرانسپورت مىنىستىرلىقى ئېلان قىلغان خەۋەرگە قارىغاندا، 4-ئۆكتەبىر پۈتۈن مەملىكەتتىكى تاشيوللاردا 86 مىليون 790 مىڭ ئادەم قېتىم يولۇچى توشۇلۇپ، ئوخشاش مەزگىلدىكىدىن %4.5 ئاشقان، ئاساسلىق يولۇچىلار ئېقىمى قىسقا مۇساپىلىك ساياھەت ۋە تۇغقان يوقلاشقا مەركەزلەشكەن، ئۇزۇن يوللۇق ساياھەتچىلەر ئالدىنقى ئۈچ كۈنگە قارىغاندا سەل ئازايغان. سۇ قاتنىشى جەھەتتە، تۆت كۈندىن بۇيان پۈتۈن مەملىكەتنىڭ ئاساسلىق رايونلىرىدىكى سۇ يولى بىلەن ماڭغان يولۇچىلار بۇلتۇرنىڭ ئوخشاش مەزگىلدىكىدىن %1.03 ئاشقان.

بىر نەچچە كۈندىن بۇيان، پۈتۈن مەملىكەتنىڭ ھەر قايسى جايلىرىدىكى قاتناش-تىرانسپورت تارماقلىرى ئەستايىدىل تەشكىللەپ، بايراملىق قاتناشقا پۈتۈن كۈچى بىلەن مۇلازىمەت قىلغان، بۇنىڭ ئىچىدە، سۇ قاتنىشى تارماقلىرى 16 مىڭ يولۇچىلار پاراخوتىنى ئىشقا سالغان، بۇ پاراخوتلاردىكى ئورۇن سانى 730 مىڭغا يەتكەن. ئومۇمىي توشۇش كۈچى خېلى يېتەرلىك، توشۇش تەرتىپى تەكشى، تەرتىپلىك بولغان.