تېڭشۈن تورى خەۋىرى، لەگلەك تورى تەرجىمىسى: 8 – ئاينىڭ 28 – كۈنىدىكى خەۋەرلەردىن كۆرە، 46 ياشلىق دېھقان ئىشلەمچى خۇ ئۇستام ئائىلىسىدە ئۆي يېپىۋاتقاندا، 3 – قەۋەتتىن يىقىلىپ چۈشۈپ، سول مېڭىسى ياغاچقا تىگىپ كەتكەنلىكتىن يىرىلىپ كەتكەن. دوختۇرلارنىڭ ئوپراتسىيە قىلىپ جىددىي قۇتقۇزۇشى نەتىجىسىدە، خۇ ئۇستامنىڭ ھاياتى ساقلىنىپ قالغان بولسىمۇ، بىراق سول مېڭە قىسمى كۆرۈنەرلىك ئولتۇرۇشۇپ كېتىپ، باشقىلارنىڭ نەزىرىدىكى "پۇچۇق باش" قا ئايلىنىپ قالغان.

تاشقىي قىياپەت جەھەتتىكى زەخمىدىن باشقا، بۇ ھادىسىدە خۇ ئۇستام كۆرۈش ۋە ئاڭلاش ئىقتىدارىدىنمۇ ئايرىلىپ قالغان. دوختۇرلار ئۇنىڭ سىرىتقى قىياپىتىنى ئەسلىگە كەلتۈرۈش ئۈچۈن، 3D لىق پرىنتېر تېخنىكىسىدىن پايدىلىنىپ، ئولتۇرۇشۇپ كەتكەن باش سۆڭەك قىسمىغا تىتان مىتالىنى ماتېرىيال قىلىش ئاساسىدا ماۋاپىق سۈنئىي سۆڭەك لايىھەلەپ چىققان. ئاخىرىدا خۇ ئۇستامنىڭ باش قىسمى نورمال ھالەتكە كەلتۈرۈلگەن.

دوختۇرنىڭ ئىيتىشىچە،پۈتكۈل ئوپراتسىيەگە تەخمىنەن 5 – 10 سائەت ۋاقىت كەتكەن. تىتان مىتال پەردىسى ئارقىلىق ئولتۇرۇشۇپ كەتكەن رايۇننى تولۇقلىغاندىن سىرىت، يەنە پاقالچاق قىسمىدىن تىرە كۆچۈرگەن. بۇ قېتىمقى ئوپىراتسىيەدىن كېيىن خۇ ئۇستامنىڭ تاشقىي قىياپىتى تولۇق ئەسلىگە كېلىدىكەن، سۆزلەش ۋە كۆرۈش ئىقتىدارىنىڭ ئەسلىگە كېلىشىدە، ئوپراتسىيەدىن كېيىنكى ياخشىلىنىش ئەھۋالىغا قاراشقا توغرا كېلىدىكەن.