جۇڭگو خەۋەر تورى 7-ئاينىڭ 30-كۈنى خەۋەر قىلىدۇ: چەتئەل خەۋەرلىرىگە ئاساسلانغاندا، شۇ جاي ۋاقتى 7-ئاينىڭ 30-كۈنى ئۇكرائىنانىڭ شەرقىدىكى دونېتسك رايونىنىڭ ئەمەلدارى دېيىشىچە، ئۇكرائىنا ئارمىيىسى بىلەن توپىلاڭچى قوراللىقلار ئارىسىدىكى توقۇنۇشتا 19 ئادەم ھاياتىدىن ئايرىلغان.
يەرلىك ھۆكۈمەت تورىدا جاكارلىشىچە، ئۆتكەن 24 سائەت ئىچىدە 31 نەپەر يارىدار دوختۇرخانىغا جىددىي ئېلىپ بېرىلغان.

يەرلىك ھۆكۈمەتنىڭ دېيىشىچە، ئۇكرائىنا ئارمىيىسى 7-ئاينىڭ 29-كۈنى توپىلاڭچىلارغا ھۇجۇم قىلغان، زەمبىرەك ئوقى دونېتسىكتىكى تۇرالغۇ بىناسىغا تەگكەن. نۆۋەتتە ئۇكرائىنا ھۆكۈمىتى دونستىكتىكى نەچچە شەھەر-بازارنى قايتىدىن كونترول قىلغان.

دونېتسكتا تەخمىنەن 1 مىليون نوپۇس بار، توپىلاڭچىلار ئاساسلىق رايوننى كونترول قىلماقتا. نۆۋەتتە ئۇكرائىنادىكى توقۇنۇش ئاز دېگەندە 1100 ئادەمنىڭ ئۆلىشىنى كەلتۈرۈپ چىقاردى.